بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Бизга Ироқдаги Америка малайларининг катта можароларга ва кенг тарқалган коррупцияга алоқадорлиги ҳақидаги хабарлар келди

1)   Коррупция айблови билан иши судга оширилганидан кейин Басра ҳокимининг Эронга қочиб кетиши:

Басра ҳокими Можид Насровийга сафарга чиқмаслик ҳамда унинг ва ўғлининг коррупцияга алоқадорлиги бўйича текширув ўтказиш тўғрисида маҳкама қарори чиққанидан кейин у Эронга қочиб кетди. Можид Насровий Аммор Ҳаким раислигидаги «Ҳикмат» ҳаракати аъзоси бўлиб, Австралия фуқаролигига ҳам эга. Депутатлардан бирига кўра, унинг қочиб кетишига ўзи алоқадор бўлган партиялар ва сиёсий етакчилар тарафидан кўрсатма берилган. Ўтган июл ойида Ҳайдар Ибодий буйруғи билан унинг иши шаффофлик масаласини (шахснинг коррупцияга алоқаси бор ёки йўқлигини) кўриб чиқувчи маҳкамага ҳавола қилинган эди. («Аljournal news» ва бошқа ахборот агентликлари).

2)   Ишдан бўшатилган Анбар муҳофазаси ҳокимининг кўздан ғойиб бўлиши ҳамда унинг раҳбарлиги пайтида гуруҳлар ўртасидаги қақшатқич кураш:

Анбар муҳофазаси кенгаши аъзоси Ҳамид Дулайми ҳоким Суҳайб Ровийнинг яшириниб олганини маълум қилди. Аммо унинг Туркияга қочиб кетгани тўғрисида маълумотлар бор. Айни пайтда, бошқа манбаларнинг таъкидлашича, у қонун ва суд таъқибларидан ҳамда уни коррупция ва давлат мулкини талон-тарож қилиш айблови билан ҳибсга олиб, тергов қилишларидан қўрққани учун Ироқ парламенти раиси Салим Жубурийнинг уйида ўтирибди. («Аljournal news» ва бошқа ахборот агентликлари).

3)   Ироқ ҳаво йўллари бош директорининг иши шаффофлик масаласини кўриб чиқувчи маҳкамага топширилиши:

Олий суд кенгаши матбуот воизи кенгаш баёнотида бундай дейди: «шаффофлик масаласини кўриб чиқувчи маҳкама тергов бўлими, порахўрлик ва маъмурий қонунбузарлик билан айбланувчи Ироқ ҳаво йўллари бош директори Сомир Кубба ишини кўриб чиқди. Тергов тугагандан сўнг уни жиноят кодексининг 310 моддасига мувофиқ, шаффофлик масаласини кўриб чиқувчи маҳкамага топширишга қарор қилди, ҳозирда у ҳамон ҳибсда, озодликка чиқарилмади». («Al Sharqiya» TV).

4)   Қишлоқ хўжалик техникалари бўйича бош директорнинг икки йилга қамалиши:

Яна Олий суд кенгаши матбуот воизи кенгаш баёнотида бундай деди: «шаффофлик масаласини кўриб чиқувчи маҳкама қишлоқ хўжалик вазирлигига қарашли ташкилотларнинг биридаги қишлоқ хўжалик техникалари бўйича бош директор Исом Ҳасанийнинг коррупция ва давлат мулкига зарар етказиш айблови бўйича ишини кўриб чиқди ҳамда уни қишлоқ хўжалик вазирлигининг 200 дона ғалла ўриш комбайни билан жиҳозлаш битимида қонунбузарликка йўл қўйган, деб топиб, икки йил қамоқ жазосига ҳукм қилди». (Аlsumaria.tv/news).

5)   Миграция вазирлигидаги бош директорнинг бир йил муддатга қамалиши:

Яна Олий суд кенгаши 8 август сешанба куни шуни маълум қилдики, шаффофлик масаласини кўриб чиқувчи маҳкама, миграция вазирлигидаги бир директорга ҳам бир йилга озодликдан маҳрум этиш тўғрисида ҳукм чиқарган, ҳукмга унинг соғлиқни сақлаш вазирлиги билан имзолаган битимида қонунбузарликлар мавжуд деб топганини асос қилган. (Турли ахборот агентликлари).

Вакиллар палатаси, ҳаж ва умра қўмитаси раиси шайх Холид Атийяга 487 нафарга етган қўмита ходимларини муқаддас юртга жўнатгани учун палата ичкарисида қонуний жавобгар қилиш билан таҳдид қилди. Парламентдаги бир депутат аёл, шиаларнинг бундай ҳаддан зиёд сонда ходимларни жўнатганидан ҳайрат изҳор қилди, яна бир депутат аёл «35 кунлик сафардаги парвоз, ётоқ, ички транспорт ва озиқ-овқатлар учун бюджет чиқимлари 6 миллиард динордан ортиб кетгани»ни таъкидлади. («Al Sharqiya TV»).

Юқорида келтирилган фактлар, молиявий ва маъмурий коррупция, ҳатто ахлоқий бузуқлик денгизидан бир томчи, холос. Бу иллатлар, биз таниган бир сиқим коррупциячилар қўли билан Ироқ ва унинг азиз аҳлини жарликка қулатди. Биз босқинчи кофир америкаликларга юртимизга

لَا مَرْحَبًا بِهِمْ

«Хуш келишмадинг»   [Сод 59]

деймиз. Чунки айнан ўша босқинчилар шу бир сиқим коррупциячиларни бизга «тортиқ қилишди», уларни разолат ва қашшоқлик ботқоғидан чиқариб, ўзлари вайрон қилишга ожизлик қилган юрт бошқарувини шу кимсалар қўлига бериб қўйишди. Бу кимсалар эса, бошқарувни ҳатто душман ҳам ўз душманига раво кўрмайдиган даражада расво қилишди: бюджетни қарзга ботиришди… юртнинг илм-фанда ақлли қобилиятли сара фарзандларини қириб ташлашди… Бу қилмишларни ўн йил ёки ундан ҳам озроқ вақт ичида «қойиллатишди», бу юртни бошқарув гардишини айлантиришга керакли маблағ учун ҳам душман банкларидан ёрдам сўровчи қашшоқ юртга айлантиришди…

Биз бу коррупциячилар қилмишларини тафсилоти билан айтадиган бўлсак, сон-саноқсиз варақни қорайтиришимизга тўғри келади. Мусибат шундаки, юқорида айтиб ўтганимиз кимсаларнинг ҳар бири ўзларини юртдаги мазҳаб ва қатламлар дохил «исломий» партия вакиллари, дея даъво қилишади. Булардан аввал жуда кўп вазирлару депутатлар ўтишганки, улар ҳам шайтон кўчасига кириб, на бирор дин ҳукмларига амал қилишган ва на бировдан ҳаё қилишган, ҳатто юртнинг ўтган ва келгуси авлодлари нонини ҳам талон-тарож қилишган!

Ҳаммадан олий ва ҳар ишга қодир Аллоҳдан биз учун бундай кимсалар ўрнини Пайғамбарлик минҳожи асосидаги рошид Халифалик давлати соясида солиҳ муслиҳ зотлар билан тўлдиришини сўраймиз. Токи, барчамиз ривожланиш ва бинокорлик йўлидан юриб, жиноятчилар бузган ишларни ислоҳ этайлик.

فَلَمَّا نَسُوا مَا ذُكِّرُوا بِهِ فَتَحْنَا عَلَيْهِمْ أَبْوَابَ كُلِّ شَيْءٍ حَتَّىٰ إِذَا فَرِحُوا بِمَا أُوتُوا أَخَذْنَاهُم بَغْتَةً فَإِذَا هُم مُّبْلِسُونَ۞ فَقُطِعَ دَابِرُ الْقَوْمِ الَّذِينَ ظَلَمُوا ۚ وَالْحَمْدُ لِلَّـهِ رَبِّ الْعَالَمِينَ

«Ўзлари учун эслатма қилиб берилган нарсани унутган вақтларида, уларга ҳамма нарсанинг эшикларини очиб қўйдик. Қачонки ўзларига берилган нарсалар билан шод турганларида, уларни тўсатдан ушладик. Бас, бутунлай номурод бўлдилар. Бас, золим қавм думи қирқилди (ҳалок бўлишди, бунинг учун) бутун олам Робби Аллоҳга ҳамд бўлсин»       [Анъом 45]

Ҳизб ут-Таҳрирнинг Ироқдаги матбуот бўлими

Электрон почта: huti53@yahoo.com