Жазоир режими миллий таълим вазирлиги орқали Исломга уруш олиб бормоқда
بِسْمِ اللهِ الرَّحْمنِ الرَّحِيمِ
Роя газетаси:
Жазоир режими миллий таълим вазирлиги орқали Исломга уруш олиб бормоқда
Ҳижрий 1439 йил 17 муҳаррам, милодий 2017 йил 7 октябр шанба куни «Арабий 21» сайтида қуйидаги хабар тарқатилди:
«Миллий Таълим вазирлиги томонидан юртдаги ўқувчи қизлар, муаллималар ва мулозима аёлларга нисбатан фарқсиз, мактабларда ниқоб кийиш тақиқланиши тўғрисида қарор чиқиши ортидан вазира Нурия бинт Ғарита кескин танқидларга учради.
Бу қарор, вазирликнинг «таълим муассасаларида ўқувчи қизлар ва муаллималар шахсини таниш имконсизлигини юзага келтирувчи ҳар қандай кийим тақиқланиши» айтилган иккита қонун моддаси матнининг татбиқи ўлароқ чиқарилди.
Вазирлик қонунининг 71-моддасида «мулозим кимлигини танишга тўсқинлик қилувчи ҳар қандай кийим тақиқланади», дейилган. Жазоирлик депутат ва касаба уюшмаси арбоби Масъуд Имровийга кўра, 46-моддасида «ўқувчилар кийими уларнинг шахсини танитишга тўсқинлик қилиши ёки дарс ва имтиҳонлар пайтида алдашга ёрдам берувчи ҳар қандай тўсиқ ва воситага рухсат берилиши ҳар қандай ҳолатда мумкин эмас»лиги айтилган.
Ўтган йилги ўқув мавсуми ниҳояси (2016-2017)да таълим вазираси ўз секторида ислоҳотлар олиб боражаги ҳақида гапирган, бироқ айни ислоҳотлар қандай эканини очиқламаган эди. Таълим курслари ва бошланғич босқич махсус мактаб китобларидан бисмиллоҳ «بسم الله الرحمن الرحيم»ни ўчириб юборишга оид чора-тадбир биринчи кутилмаган иш бўлган бўлса, мана ниқобни тақиқлаш навбатдаги чора бўлиб турибди.
Жазоирдаги бошланғич босқич махсус мактаб китобларидан бисмиллоҳни ва Қуръон оятларини ўчириш чора-тадбири, юртда катта норозиликлар келтириб чиқарди. Сиёсий партиялар, жамиятлар, Исломий фаол ва даъватчилар юртдаги миллий таълим вазирлигини мактабни ғарблаштиришга уринишда айбладилар.
Адолат ва Тараққиёт жабҳасидан жазоирлик депутат Ҳасан Арабий Нурия бинт Ғаритага «таълим тизимини ислоҳ қилиш, деган ниқоб билан мактабни ва Жазоир жамиятини илмонийлаштириш лойиҳасини тиқиштираётгани, халқ вакиллигига мурожаат қилмай ёки айни сектордаги фаоллар билан кенг маслаҳат ўтказмай, бундай нозик масалада уларнинг фикр ва мулоҳазаларини олмай иш юритаётгани учун» жавоб бериши кераклиги билан таҳдид қилди.
Вазиранинг бу қадамлари юртда кенг жанжалларни келтириб чиқарди, хусусан, Мусулмон уламолари жамияти ҳам аралашиб, унинг қарорини қаттиқ қоралади ва бу – вазиранинг 2014 йил айни лавозимни эгаллаганидаёқ бошлаган бевосита ислоҳотлари доирасида «экстремистик қарорлар қабул қилди», деган гап тарқалиши ортидан бўлди.
2014 йилдан бери таълим вазираси Нурия бинт Ғарита партиялар, ташкилотлар ва юртдаги халқ арбоблари томонидан – мактабларни ўз арабий ва исломий шахсиясидан маҳрум этиш режасини қабул қилди, деган танқидларга дуч келмоқда.
Таълим вазираси ҳар бир ўзгартириш киритиш чоғида таълим секторидаги «ислоҳий дастурни» президент Абдулазиз Бутефликанинг рухсатини олганини, бу идеология доирасидан узоқ равишда таълим савиясидаги ривожланиш мақсадига қаратилганини маълум қилади.
2015 йил август ойи охирида миллий таълим вазирлиги бошланғич ва тайёрлов босқичларида Жазоирдаги омий тил (фасоҳати бузилган тил)ни ўргатиш қарорини қабул қилган эди. Бироқ халқ ғазаби доираси кескин равишда кенгайгани сабабли қарорни бекор қилди.
Вазирлик ўтган йилги таълим мавсуми бошланганда бошланғич синфларга оид география китоби саҳифаларидан биридаги харитадан «Фаластин» сўзи ўрнига «Исроил» сўзини киритиш тўғрисида буйруқ чиқарди ва ўшандан буён бу ҳаракат билан «шармандалик», деган танқидларга учраб келади.
Ўшанда жазоирлик фаоллар ижтимоий тармоқда кенг кўламли кампания бошлаб, ҳукуматдан айни китобни дарҳол бекор қилишни талаб қилдилар ва Нурия бинт Ғаритани «Исроил» билан ўқув юртлари масаласида муносабатларни нормаллаштираётганликда айбладилар.
2016 йил бошида вазирликнинг француз тилини билиш ўқитувчиларни ишга олиш синовларидаги зарурий шарт қилиб олиш қарори қабул қилингани тўғрисида гаплар сизиб чиқди. Кейинроқ вазирликка ўқув юртлари китобларидан Қуръон оятлари ва набавий ҳадисларни олиб ташлашга босим ўтказилаётганига оид гаплар пайдо бўлди».
Роя газетасининг 2017 йил 11 октябр чоршанба кунги 151-сонидан
