Ақл бовар қилмас аср садоқати
Ақл бовар қилмас аср садоқати
بسم الله الرحمن الرحيم
Бу мақола ҳозирги кунларда ҳам, яъни икки президент даврида, зиндонда сақланаётган мазлум биродаримиз Тошпўлатов Хайруллоҳга аёли Мағфиратхоннинг вафоти муносабати билан таъзия ўрнидадир.
Азиз биродарим! Мен кўнглингиз тубида кечаётган айни дамдаги оғриқни яхшигина ҳис қилиб турибман. Чунки бундай оғир жудолик камина учун ҳам бегона эмас. Бу устоз ва шогирд президентлар даврида иймон аҳлига таъқиб ва қувғин янада кучайиб, қамоқ ва зиндон улар билан тўлдирилди, фасод ва фаҳшга кенг имконлар очилиб, инсонларни залолат уммонига ғарқ этишга уринишлар авж олди. Росулуллоҳ ﷺ йўлларини тутганимиз учун саҳобаи киромларга келган мусибатлар бизни ҳам четлаб ўтмади. Навқирон ёшликда бизни оиламиздан ажратган қамоқ панжаралари қарилик соя солгунига қадар ҳам кўзимиздан нари кетмади. Узоқ йиллар орасида қанчадан-қанча жабрдийда ота-оналар жанозалари бизсиз ўқилиб, тобутлари бизсиз кўтарилди. Энди эса келинлик даврида чорак аср зонама-зона югуриб, сарсону саргардон қатнаб, қариган аёлларимиз ҳам бирин-кетин дунёни тарк этмоқдалар. Жумладан сизнинг аёлингиз ҳам дийдордан бенасиб ҳолда бу жирканч зулм саҳросини тарк этдилар. Аллоҳ Таоло жойларини Жаннатдан қилсин ва Фирдавс Жаннатларида сиз билан яна жуфтликни насиб қилсин!!!
Аслида аёлингиз каби муслималар бугун ақл эгаларини ҳайратга солиб, асрнинг энг юксак садоқатини олам аҳлига танитиб кетдилар. Ҳеч қайси тузум ўз фуқароларини бундай фидоий ва оиласига бу каби садоқатли қилиб тарбия этолмаган. Зеро, бундай фазилат эгаларини фақат Исломгина етиштириб чиқаради, холос.
Ўткинчи дунё аслида Росулуллоҳ ﷺ таърифлаганларидек киши намозида ўнгга салом бериб, чапига улгуриши гумон бўлган даражада қисқадир. Бу қисқалик абадий ҳаётимизни хайрли ёки Аллоҳ сақласин, аламли қилгувчи синов майдонидир. Ҳаёт ҳақидаги энг тўғри тушунчага эга бўлиб, умр ўтказган саҳобаи киромлар (Аллоҳ улардан рози бўлсин) ҳаётида ақл эгалари учун то қиёматгача етарли ибрат бор. Аммо минг афсуслар бўлсинки, бугунги иймон аҳлининг аксари ўша улуғларимиз қувган яхшиликлардан ўтдан қочгандек қочмоқдалар. Ва ўша саҳобаи киромлар ўтдан қочгандек қочган ёмонликлар кетидан эса – худди оч ит ялоғига чопгандек – чопувчига айланиб қолмоқдалар. Ўша улуғларимиз дунёнинг ялтир- юлтирларидан ҳазар қилган бўлсалар, бугунгилар ўша матолар орзу-ҳавасида елиб, югурмоқдалар. Ҳақни золим подшоҳларга тик боқиб, гапириб шаҳид кетиш саҳобаларнинг орзуси бўлган бўлса, бугунгилар золим шоҳлар туғёнларига сукут сақлашни афзал санашмоқда. Меҳробларда ваъзхонлик қилиб, элга танилганлар эса маънолари очиқ-ойдин оятларни ҳукумат талабича таъвил этишга журъат қиладиган бўлишди. Шунга қарамай, Ўз ишида Ғолиб Роббул оламин бугуннинг мўминлари орасидан Росулуллоҳ ﷺга елкадош бўлган саҳобалар издошларини тарбиялаб, чиқариб қўйди. Ўтмишда иймон аҳлини мушриклар танимаганидек, бугунгилар ҳам уларни танимадилар. Пайғамбаримиз Мухаммад ﷺни ёлғончи, сеҳргар, шоир, мажнун деганлари каби бугунги ғарибларга ҳам раҳбарлар “экстремист”, “террорист” деган тамғаларни ёпиштиришмоқда. Ўтмишда мушриклар кимки Муҳаммад (ﷺ)нинг сўзларини эшитса сеҳрланиб қолади, дейишган бўлса, бугунги рувайбиза, ёлғончи раҳбарлар ҳам ўша мушриклар гапини такрорлашмоқда ва ёшлар “ёт ғоялар” таъсирига тушиб қолмасликлари учун тинимсиз турли қарорлар қабул қилишмоқда. Хўш, моли-ю жонидан, тижорати-ю аҳли оиласидан маҳрум қилинган даъватчилар кўтариб чиққан эзгу ғоялар ким учун ёт ва бегона ғоядир? Тўғри, сизу биз танлаган эзгуликка, динга қарши шиддатли бўлган ҳукумат ва уларнинг Ғарбдаги хўжайинлари учун Ислом олиб келган бу эзгу ғоялар албатта ёт ва мутлақо бегонадир. Аммо уммат учун эмас! Зеро, муслима опа-сингилларимиз ҳижобига чанг солувчи, йигитларимиз соқолигача қарши бўлган бу ҳукумат учун Ислом ақидаси албатта бегона ва ёт ғоядир! Бугун раҳбарлар ва мазлумлар ҳаётига енгилгина назар солган ҳар қандай ақли соғлом киши сиз каби 25 йиллик маҳбуслар саботи билан золим ва ёлғончи ҳукумат ўртасидаги жарликни кўра олади. Сизлар узоқ йиллар зоналарда қолиб, ота-оналарингиз, аҳли оилангиз ва барча азизларингиз дийдоридан маҳрум қилинган бўлсангиз-да, лекин Охиратдаги абадий дийдор мукофотига даъвогарсиз. Бизни гарчи ўз яқинларимиздан айирган бўлишса-да, лекин қалблар бирлиги, ғоя бирлиги ва фикр бирлигини масофа ва панжаралар, ҳатто ўлим ҳам асло ажратолмайди. Аксинча, бугунги зулм аҳли ўз оиласи билан гарчи кошонаси томи остида яшаётган бўлишса-да, лекин худбин ғоялари туфайли бири бошқасига бегонадир. Шунга асосланиб айтиш мумкинки, улар учун мутлақо ёт бўлган, уммат эса хоҳлаётган буюк ғоялар олам аҳлини бир вужудга жамлайдиган бўлса, уларнинг тубан ғоялари ҳатто ўз оиласини бирлаштирувчи қувватга ҳам эга бўлолмади. Бўлолмайди ҳам! Бунга далил бугун Ғарб етиб келган умидсиз ёлғизлик остонасидир!
Азиз биродар! Жуфти содиқангиз қайтган жой Роббимиз ҳузуридир. Бу барчанинг сўнгги манзилидир. Аммо олам томи остида энг ноёб садоқатни танитиб кетган синглимиз бугунги айрилиқни Охиратдаги абадий бирликка алиштириб кетдилар! Манави золим қавм эса, ўша Кунда бўйинларини ўз фарзандлари чангалларидан асло халос этолмагай! Биз Аллоҳ Субҳанаҳу ва Таоло рози бўладиган сўзларни айтамиз.
وبشر الصابرين الَّذِيۡنَ اِذَآ اَصَابَتۡهُمۡ مُّصِيۡبَةٌ ۙ قَالُوۡٓا اِنَّا لِلّٰهِ وَاِنَّـآ اِلَيۡهِ رٰجِعُوۡنَؕ
– “Бирор мусибат келганда: “Албатта биз Аллоҳнинг (бандаларимиз) ва албатта биз у зотга қайтгувчилармиз”, дейдиган собирларга хушхабар беринг (эй Муҳаммад)”. (Бақара:156)
Ҳизб ут-Таҳрир Ўзбекистон матбуот бўлими аъзоси Зайниддин
06.10.2023й
