АҚШ такаббурлиги ва Британия айёрлигининг кучайиши
بِسْمِ اللَّـهِ الرَّحْمَـٰنِ الرَّحِيمِ
Роя газетаси:
АҚШ такаббурлиги ва Британия айёрлигининг кучайиши
Шайиф Солиҳ – Яман
2011 йил Яманда қўзғолон аланга олгандан сўнг унинг устида АҚШ-Британия кураши янада кучайди. Хусусан, Америка Эрон орқали Ҳусийларни турли замонавий қирғинбарот қурол-яроқлар билан таъминлагач, улар 2014 йил 21 сентябрда пойтахт Санъони эгаллашгандан сўнг икки давлат ўртасидаги кураш янада авж олди. Америка ўшанда ўнлаб йиллардан бери ҳукмронлик қилиб келган инглизлар нуфузини йўқ қиламан ва Ҳусий кучлар орқали Яманни эгаллайман, деб ўйлаганди. Америка айни мақсадини амалга оширишда қудрат ва такаббурлик билан қадам ташларди, бу нарса Ҳусийларнинг ҳам асосий сифатларига айланганди. Шу билан бирга, Америка музокаралар ва таҳдидлар йўлига ҳам ўтди: Ҳодий ва унинг малайи Ҳусийлар иттифоқчиси Солиҳ агар Америка ечимига рози бўлмасалар ҳамда Ҳусийларни ҳокимиятга шерик қилмасалар, уларга қуролни топшириш талабини қўймасалар, Америка Яманга уруш қилажаги ва барча шаҳарларини яксон этажаги билан таҳдид қилди… Бироқ у шунча ифлос режалар ишлаб чиқиб, уларни Ҳусийлар ва Жануб ҳаракатидаги одамлари орқали бажартиришга уринса ҳам ҳалигача мақсадини амалга оширолгани йўқ. Чунки Ҳусийлар бир фронтда ғалаба қозонишса, бошқасида мағлуб бўлавердилар. Музокараларга келсак, Америка Британия одамларини музокара столига қайтишга мажбур қилиш учун жон-жаҳди билан ҳаракат қилди. Бироқ бу масалада ҳам боши берк кўчада қолаверди. Уларни мажбурлашда Америка қўрқитиб кўрди, куч ишлатиши билан пўписа қилди, конгресс орқали Яманга уруш қилиш тўғрисида қарор чиқариши билан огоҳлантирди, фойдаси бўлмади. Зеро, Американинг у ерга уруш қилиш эҳтимоли ҳам анча узоқ. Чунки у Ироқда илонлар ҳам пўст ташлайдиган даражада нопок қилмишлар содир этишига қарамай, ҳамон омадсизликка юз тутмоқда. Шунингдек, АҚШнинг ташқи сиёсати ҳамон Никсон стратегияси бўйича кетмоқда. Бунинг мазмуни, Америка империясини сақлаб қолиш ва унинг қуламаслиги учун ўз режаларини малай ва иттифоқчилари қўли билан бажаришдан иборат! Зотан, Рим империяси ҳам бир неча томонлар уриниши орқали, ағдарилган!… Америка ҳам Шомда ўзининг мустамлакачилик режаларини амалга ошириш учун Россияни, Эронни, Туркияни ишга солмоқда… Бироқ ҳеч нарсани ўйламай иш тутадиган калтафаҳм Трампдан ҳар балони кутса бўлади. У ёш болача ва иблисона иш тутиб, бадбўй капиталистик системаси оловида бутун дунёни жизғанак қилаётган АҚШ империясини ер билан яксон қилиши ҳам мумкин.
Британия эса, малайларига рол бўлиб берди. Масалан, Ҳодий Ҳусийларга қарши ҳарбий амалиётлар олиб боради, Солиҳ улар билан иттифоқчилик қилиб, ҳокимиятни бир ўзлари бошқаришларини ёки ҳукуматдаги нозик мансабларни бошқаришларини олдини олиш билан шуғулланади. Инглизлар бу режани нопок мақсадда, макр билан амалга оширишди. Шу боис барча амалларига шу ёвуз сифатларни жойлашгани учун ҳам бу ўзларининг асосий сифатларига айланиб қолган. Ҳодий яқин вақтлар ичида кўплаб фронтларда, асосан, Саъда ва Таъзда Ҳусийларга қарши ҳарбий амалиётларда олдинга силжиди. Америка ва Эроннинг Ҳусийлар учун турли хил қурол-аслаҳалар билан қўшимча ҳарбий ёрдамларини кесиш учун сув йўлакларини ёпишга ҳаракат қилди. Масалан, Бобул Мандаб сув йўлагини ёпиш учун Махо портини ўз назоратига олгани каби. Шунингдек, Ҳодий Ҳусийларни бўғиш учун Ҳадида портини ёпишга ҳам ҳаракат қилмоқда ҳамда уларнинг Яманга ҳукмронлик қилиш ва Америка режаларини бажариш учун бошланиш нуқтаси ва қалъаси бўлган Саъдада ҳам олдинга силжимоқда. Шунингдек, Ҳодий Жануб, Маъраб, Наҳам, Жавф каби шаҳарларни ҳам ўз назорати остига олишга ҳаракат қилмоқда, айни минтақаларда Америка қўйган тўсиқлар фойда бермаяпти. У ўзини Яман аҳлига жон куйдираётган қилиб кўрсатмоқда. Масалан, баъзан Ҳусийлар назоратидаги Санъода «Каримий» пул алмаштириш ширкати орқали 2016 йил декабр ойи учун ажратилган ишчилар ойлик маошини берди.
Солиҳ роли эса, Ҳусийларнинг ҳокимиятни якка ўзлари эгаллаб олишларига ёки ҳукуматдаги нозик мансабларни эгаллаб олишларига йўл қўймасликдан иборат. Жумладан, республика гвардияси қўмондони жонига суиқасд қилингандан сўнг Ҳусийлар жон-жаҳдлари билан уни эгаллашга ҳаракат қилишмоқда. Бу суиқасд 2016 йил 8 октябрда коалиция учоқларининг Америка билан мувофиқлашган ҳолда ҳаво ҳужумлари содир этган Катта Сола қатли омидан кейин бўлди. Ўшанда Америка ўтган ойларда Ҳусийларга раҳбарлик қилган Абдуқодир Ҳусий каби инглизлар одамларини йўқ қилиш учун коалицияга координаталар берганди… Шунингдек, Солиҳ Ҳусийларни заифлаштириш учун фронтларга киритади, айниқса, Саудия билан чегарадош фронтларга. Зотан, Ҳусийлар Саудия билан алоҳида музокара қилишга, бунга ўз хўжайинлари Америка билан Салмоннинг мутасаддийлик қилишига иштиёқманд. Инглизлар Ҳусийларни ярадор қилиб ҳушидан кетказмагунча сўйишнинг иложи бўлмайдиган қутурган буқа, деб ҳисоблашади. Солиҳ ва унинг партияси ҳам Ҳусийларга нисбатан воз кечиш ва асл башарасини, яъни бошқарув ишларини эплолмаслигини фош этиш сиёсатини қўллайди. Уларни, яхшиси, келган жойларига-Саъдодаги Марон тоғларига қайтиб кетганлари маъқул, деб билади. Ҳақиқатдан ҳам Ҳусийлар ўзбошимчалик билан ҳибсга олиш, маошларни тўхтатиб қўйиш, давлат мулкини талон-тарож қилиш, айрим шахсий ва давлат корхоналарини эгаллаб олиш каби ишлардан бошқасини билишмайди.
Хулоса:
Яман устида АҚШ-Британия ўзаро кураш олиб бориб, қон тўкишаётгани, бойликларини ташиб кетишаётгани ва у ерда бузғунчилик қилишаётгани ажабланарли ҳол эмас. Зеро, қонлар уларнинг қони эмас, юрт ҳам уларнинг юрти эмас, бойликлар ҳам уларнинг бойликлари эмас. Ажабланарли жойи, уларга Яман аҳлидан бўлганларнинг қўғирчоқ ва малай бўлиб қолиб, улардан ҳам ёмонроқ жиноятчиларга, Исломга улардан ҳам ашаддий душманга аланиб қолаётганларидир. Шунинг учун ҳам ечим шу малайларни тахтдан ағдариб, илдизлари билан қўпориб ташлашдир. Бунинг йўли эса, Пайғамбарлик минҳожи асосидаги рошид Халифаликни барпо этиш учун Ҳизб ут-Таҳрир билан жиддий фаолият олиб боришдир. Фақат шу йўлгина халос бўлишга, куч-қудратга ва ўсишга олиб борувчи йўл, шу йўл билангина Уммат ўзининг тортиб олинган ҳокимиятини қайтариб олиб, яна инсонлар учун чиқарилган энг яхши Умматга айланади. Мана шу ягона шаръий йўл билангина Ислом мусулмонларга татбиқ қилинади, унинг рисоласи бутун дунёга етказилади, барча босиб олинган исломий юртлар, асосан, Фаластин, Ироқ, Кашмир, Судан Жануби ва Кипр озод этилиб, қайта мусулмонлар бағрига киради.
Роя газетасидан олинди
