بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

АҚШ Яманга десант ташлаб қирғин қилмоқда

Бир-бирига қарши курашаётган томонлар эса фақат қўл қовуштириб турибгина қолмай ҳатто унга ёрдам беришяпти!!

Кеча якшанба куни АҚШ мудофаа вазирлиги (Пентагон) Яманда ал-Қоида ташкилотига қарашли гуруҳ билан бўлган тўқнашув оқибатида бир аскари ҳалок бўлганини, учтаси яраланганини маълум қилди. Франциянинг «АҒР» ахборот агентлигининг Пентагонга таяниб хабар қилишича, «Яман марказидаги Байзо вилоятида ал-Қоида гуруҳларига қарши қилинган ҳужум амалиётида бир америкалик аскар ўлди, учтаси жароҳатланди». Хабарда ҳодиса тафсилотлари айтилмади.

Ўтган куни эса «Яман монитор»нинг маҳаллий манбалари хабарига кўра, ал-Қоидага алоқаси бор, дея гумон қилинган қуролли қабила гуруҳлари Байзо вилоятининг Қайфа Ридо районида АҚШ учоғини уриб туширишга муваффақ бўлганлар. Бу айни районда АҚШ ҳаво кучлари томонидан десант ташлаш амалиёти ўтказилаётган вақтда амалга оширилган. «АҚШнинг десант ташлаш амалиёти чоғида аёллар ва болалардан иборат ўнлаб яманликлар ҳалок бўлди, жароҳат олди. Ҳалок бўлганлар орасида Вашингтон томонидан ал-Қоида ташкилотига мансубликда айбланган Абдуррауф Заҳаб, Султон Заҳаб, Сайф Жавфий каби қабила оқсоқоллари ҳам бўлган», дейди мазкур манбалар.

«Нью-Йорк Таймс» газетасида «Байзодаги ал-Қоида уясига қилинган бу ҳужумнинг АҚШ президенти Трамп имзоси остида содир этилган илк амалиёт экан»и айтилади.

Ал-Қоида ташкилоти гуруҳларига яқин электрон ижтимоий алоқа сайтларида нашр қилинган баёнотда Яманнинг Байзо вилояти Якло районида ўтказилган АҚШ ҳарбий десант амалиёти тафсилотлари ёритилган.

Баёнотда ал-Қоиданинг айни райондаги мухбирининг «якшанба куни АҚШ десанти асосан қишлоқлардан бирини нишонга олди ва оқибатда ўнлаб инсонни ўлдирди, улар орасида аёллар ва болалар ҳам кўп», деган сўзлари келтирилган. Мухбир яна «АҚШ учоқлари ҳавода кеч соат тўққиздаёқ пайдо бўлгани, аммо амалиёт якшанба эрталаб саккизда бошлангани, «Апачи» русумидаги учоқ қишлоқдаги бир неча уйларга қарата 16та ракета отгани, унинг ортидан америкалик аскарлар десант ташлаши оқибатида икки соат қаттиқ тўқнашув содир бўлгани, америкалик аскарлардан ҳам бир нечаси ҳалок бўлгани ва жароҳатлангани»ни айтади. «Бундай ифлос жиноят чоғида америкалик аскарлар кўплаб аёллар ва болаларга қарата ўт очиб, кўпчилигини нобуд қилди», дея қўшимча қилади мухбир. Сўнг сўзларини бундай сўзлар билан тугатади: «Қишлоқдаги эркаклар, аёллар ва болалардан иборат ҳалок бўлганларнинг ялпи сони ўттизга яқин бўлди».

АҚШ Яманда «терроризмга қарши кураш» даъвоси билан мана шундай жиноят содир этаётган бир пайтда, юртдаги сиёсий кучлар бир-бири билан қирпичоқ бўлиб, юртни хонавайрон этган Англо-Америка курашига хизмат қилишмоқда. Шармандали жиҳати шуки, томонларнинг ҳар бири – биз юрт мустақиллиги учун курашяпмиз, дейишади. Қаранг, улар даъво қилган мустақилликни АҚШ тупроққа қориштириб депсаб ташлади, томонларнинг барчаси эса бу каби жиноятларни ҳали содир этилмасидан олдин билишади… Била туриб, Америка билан мувофиқлашган ҳолда жиноятларига ёрдам беришмоқда. Бу томонлар Америкага ўлим, дея ҳайқираётган Ҳусийлар ва уларнинг иттифоқчиси Али Солиҳ тарафдорлари бўладими ёки Ямандаги муҳитни ўз назоратида ушлаб турган коалиция давлатлари томонидан қўллаб-қувватланган Ҳодий тарафдорлари бўладими, фарқсиз, ҳаммаси Яман ва унинг аҳлига қарши тил бириктиришмоқда, юрт ва унинг мустақиллигига эътибор бермаган ҳолда, ҳокимият талашишмоқда. Агар буларда бирор яхшилик бўлганда эди, қуролларини бир-бирига ўқталмасдан, ўз юртларидаги уларга қарши курашаётган асл душманга ўқталган бўлар эдилар!!

Эй имон ва ҳикмат аҳли!

Бас, вақт етди, юртингизда курашаётганлар кимлар эканини билинг, сизнинг муаммоингизни ҳал этяпмиз, дея оғиз кўпиртираётган ҳукмдорларнинг асл башарасини, уларнинг коалициясини танинг, бу коалиция АҚШ бошчилигидаги мустамлакачи кофирларга хизмат қиляпти. Ҳатто Америкага қарши шиорларнинг сохта-ёлғон ва адаштирувчи эканини ҳам билмоғингиз лозим. Биз Ҳизб ут-Таҳрир аъзолари сизни куч-қудратингиз, мустақиллигингиз, бирлигингиз гарови бўлган ва орангиздаги фитна оловини ўчирадиган иш учун биргаликда ҳаракат қилишга даъват қиламиз. Ушбу иш Пайғамбарлик минҳожи асосидаги рошид Халифалик давлатини барпо этишдир, айнан шу давлат сизни ҳимоя қилади, шу давлат ёрдамида сиз мустамлакачи кофирларни юртингиздан қувиб соласиз… Ана шу кунда Аллоҳнинг нусратидан мўминлар шодланурлар.

Ҳизб ут-Таҳрирнинг Яман вилоятидаги матбуот бўлими

Телефон: 735417068

Электрон почта: aan1924@gmail.com

Ҳизб ут-Таҳрир сайти: www.hizb-ut-tahrir.org

Ҳизб ут-Таҳрирнинг матбуот бўлими сайти: www.hizb-ut-tahrir.info