بِسْمِ اللهِ الرَّحْمٰنِ الرَّحِيم

Роя газетаси:

Аббос ташаббуси: Эскича қолипда Фаластиндан воз кечишдир

Ҳизб ут-Таҳрир Фаластин вилояти матбуот бўлими

аъзоси устоз Холид Саид қаламига мансуб

Американинг Қуддусни яҳуд вужуди пойтахти, дея ҳисоблашга қарор қилганига ҳам икки ойдан кўп вақт ўтди. Ўшандан бери Фаластин маъмурияти ва унинг раиси Маҳмуд Аббос қизғин дипломатик фаолият билан машғул. Қуддус масаласидаги қарорни ҳамда яҳудийлар билан бўладиган музокараларни Американинг танҳо ўзи бошқаришини рад этиш ушбу ҳаракатларнинг эълон қилинган жиҳати бўлди.

Баъзилар Фаластин маъмурияти ва унинг етакчиси амалга ошираётган ушбу ҳаракатларни «қаттиқ жанг кетмоқда ва бунда мисли кўрилмаган ғалабалар рўёбга чиқади» дея тасвирлашга уринишмоқда. Лекин, Фаластин масаласи табиати ва халқаро алоқалар табиатини ҳамда уларнинг нақадар чалкашлигини билган, Фаластин маъмурияти воқесидан хабардор киши бу ҳаракатлар босқинчини муқаддаслашдан ва Фаластин масаласини охиригача тугатиш режаси бўйича юришдан бошқа нарса эмаслигини билади. Халқаро Хавфсизлик кенгаши 2018 йил 20 феврал куни Ўрта Шарқдаги вазиятни муҳокама қилиш учун ўтказган йиғинда маъмурият етакчиси нутқ сўзлади. Айримлар тарихий деб атаган бу нутқ ушбу ҳаракатларнинг энг муҳим бекати бўлди. Чунки унинг нутқидаги ҳар бир сўз хорлик ва тиланчиликни акс эттирди. У ўз нутқида шундай деди: «Бугун биз сизнинг эшигингизни қоқмоқдамиз, чунки сизлар икки давлат хавфсизлиги ва тинчлигини сақловчи олий халқаро ташкилотсиз. Биз тинчлик масаласидаги фикримизни тақдим этдик, шояд сиз унда адолатли ва доно бўлганингиз учун буни қабул қилсангиз. Биз зудлик билан музокаралар ўтказишга тайёрмиз… Сиз бутун олам мурожаат қиладиган олий чўққи ва баланд нуқтасиз. Сиздан кейин фақат Сидратул мунтаҳо бор».

Бу Маҳмуд Аббоснинг тарихи зулматга тўла ва Америка етакчилигидаги мустамлакачилар хоҳишини бажарувчи халқаро ташкилот ҳузурида сўзлаган нутқининг якуний қисмидир. Аммо унинг нутқи тафсилотларига келсак, Маҳмуд Аббос яҳудийлар билан тинчликни мустаҳкамлашини таъкидлади. Маҳмуд Аббос чорак асрдан кўпроқ вақт яҳудийлардан тинчлик ахтариб, ҳеч қандай яхшиликка эришмагани етмаганидек, мусулмонларнинг энг катта ва аҳамиятли масаласини олди-сотди қилинадиган матога айлантириб қўйди. Аммо дунё давлатларини 1967 йилдаги чегаралар бўйича Фаластин давлатини тан олишлари ва (Шарқий Қуддус)ни унинг пойтахти деб эътироф этишларига чақиришига келсак, у маъмурият арбоблари такрорлашга ўрганиб қолган қуруқ шовқин-сурондан бошқа нарса эмас. Шунингдек, улар бу масаланинг якунланишига қарши, босқинчига қарши ва Американинг Қуддус борасидаги қарорига қарши эканликлари ҳақидаги бақир-чақирдан бошқа нарса эмас.

Фаластинга ҳарис ва уни ардоқловчи одам унинг 75 %дан ортиқроқ қисмидан воз кечадими? Қуддусни Шарқий ва Ғарбий қисмга ажратилишига рози бўладими? Ёки Фаластиннинг 1967 йилдан кейин босиб олинган ерларинигина босиб олинган деб ҳисоблайдими? Ақли бор одам уларнинг Фаластинни озод қилишда холис эканига ишонадими?

Аммо жорий йил ўрталарида тинчлик музокараларига риоя қилиш борасида конференция ўтказиш чақириғига келсак, у улкан жиноят бўлиб, бу давлатларнинг қайси бири мусулмонларнинг манфаатига ишлайди ва қайси бири уларга яхшиликни хоҳлайди? Яҳуд вужудини пайдо қилган, унинг таянчларини мустаҳкамлаган ва унга ҳаёт, куч-қувват ва давомийлик сабабларини муҳайё этганлар Маҳмуд Аббос ортидан югураётган ушбу мустамлакачи давлатлар эмасмиди? Яҳуд вужуди ушбу жиноятчи мустамлакачи давлатлар учун Ислом олами марказидаги ҳарбий база эмасми? Уларнинг қайси бири Фаластинга ёрдам беради? Бу каби давлатлардан мурувват ва ёрдам кутиб ортидан итдек чопиш чанқоқ одам сув деб ҳисоблайдиган сароб ортидан чопишга ўхшайди.

Бу борада араб давлатлари ташаббуслари тўлалигича татбиқ қилинишини талаб қилиш яҳудийлар билан алоқани нормаллаштиришда Фаластин масаласини кўприк қилиш деганидир. Шунингдек, ушбу вужуд минтақага барқарор ўрнашиши учун муҳит яратиш деганидир. Бу эса Аббос ва унинг тўдаси Фаластин масаласига қарши тил бириктирган ва қандай йўл билан бўлмасин, бу масалани якунлашга ҳаракат қилаётган ташкилот билан бирга эканини кўрсатмоқда. Бу нарса бугун олдинда бўлганидек узоқ вақт баҳс қилинадиган масала ёки сир бўлмай қолди. Балки у бугунги режимлар эртаю кеч тинимсиз ва ошкора такрорлайдиган ишга айланди. Бу ишда ўзини қаршилик ҳаракати деб атаётганлар ёки мўътадиллик байроғини кўтарганлар ўртасида фарқ йўқ, уларнинг барчаси хиёнатда баробардирлар.

Аммо Фаластин масаласини ечиш учун БМТ қарорлари ва халқаро қонунларга мурожаат қилишни талаб қилиш ҳақида айтадиган бўлсак, Аббос бу борада ўзини тириклайин кўмгани аён бўлди. Чунки у ерда яҳудийлар билан тузилган иттифоқни ҳамда айрим минтақаларда, энг аввало Қуддусда уларнинг нуфузли бўлишини таъминловчи кучлар бор. Бу эса унинг фикрга ва ечимга эга эмаслигини кўрсатади. Шунингдек, бу ҳуқуқларни зое қилиш ва қурбонликларни беҳуда кетказишда маъмурият етакчилигига роль юкланганини кўрсатади. Аббос хавфсизлик кенгаши ҳузурида ўзини БМТ ва хавфсизлик кенгашининг Фаластин масаласига алоқадор қарорларининг ижро этилмаётганига йиғлаётган қилиб кўрсатди. У айтдики: «Хонимлар ва жаноблар бош ассамблея томонидан чиқарилган 705 қарор ва хавфсизлик кенгашининг 86 қарори ижро этилмаётганини қандай тушунса бўлади? (Исроил) 182 ва 194 қарорларга амал қилмаслигини қандай тушуниш мумкин?».

Бу бир тарафдан, бошқа тарафдан эса, иттифоқни кафолатлаш ва баҳсли ҳудудлардаги тўқнашувларни олдини олиш баҳонасида Фаластинга халқаро кучларни таклиф қилиш – халқаро кучлар ҳомийлигидаги янги босқинчини жалб қилишдир. Чунки бу кучлар Фаластинга кирадиган бўлса, яҳудий босқинчилар соясида фаластинликлар азоб чекиши етмаганидек, уларнинг устидаги қиличга айланади. Шунингдек, бу нарса ушбу маъмурият ва унинг хавфсизлик идораси катта куч сарфлашига қарамай ҳамда хавфсизлик етакчилари мақтанишига қарамай, Фаластин аҳлининг ҳуқуқларини ҳимоя қилишга кучи етмаслигини фош қилмоқда. Бундан ташқари яҳудийларнинг истибдоди ва кеккайиши олдида ҳамда Фаластин аҳлига уч баробар босим берадиган халқаро кучлар қаршисида бу маъмуриятнинг қатъият билан тура олмаслигини фош қилмоқда.

Яҳудийлар ҳақида, хавфсизлик идораси ва хавфсизлик ҳамкорлиги ҳақида ҳамда халқаро кучлар ҳақида айтадиган бўлсак, Аббос Исломга қарши кураш, Фаластин аҳлини вайрон қилиш, уларни, хусусан ёшларни ўз динидан узоқлаштириш учун Ғарб ва унинг турли ташкилотларига хизмат қилишда бор кучини сарфлашини очиқ айтди. Шунингдек, мужоҳидларга қарши ҳамда яҳудийларга ва Фаластин масаласини якунлаш лойиҳасига қарши бўлган ҳар қандай кишиларга куч сарфлаши ҳақида гапирди. У айтдики: «Бизнинг қаноатимиз мустаҳкам ҳамда қандай бўлишидан қатъий назар қурол ишлатиш борасидаги позициямиз равшан. Биз нафақат атом қуролига балки анъанавий қуролларга ҳам қаршимиз. Чунки қурол оламдаги ва минтақамиздаги турли давлатларни вайрон қилишда ёмон таъсир қилди. Шунинг учун биз тинчлик тушунчасини ёйиш, зўравонликни йўқотиш тарафдоримиз. Биз қурол ишлаб чиқариш ҳамда учоқ ва танклар сотиб олиш ўрнига доимий тараққиёт, мактаб ва шифохоналар қуриш, ишлаб чиқариш ва қишлоқ хўжалигини ободонлаштириш ва янги технологиялар яратишни хоҳлаймиз. Чунки биз халқимизни уруш, вайронагарчилик, терроризм ва экстремизмдан узоқда яшашини истаймиз ҳамда қаерда бўлмасин бундай иллатларга қарши курашамиз».

Аббос ва унинг тўдаси шуни яхши билсинки, Фаластин аҳли қанчалар қимматга тушмасин, ўз масаласини бундай якунланишига асло рози бўлмайди.

Чунки Фаластин масаласи исломий масаладир, унинг ечими эса Аллоҳнинг шариатидадир ва ундан бошқаси бекордир. Фаластинни озод қилиш Исломий Уммат елкасига, хусусан қўшин елкасига тушади. Чунки бу иш фойдасиз музокаралар ҳамда Аббос ва исломий оламдаги бошқа режимлар олиб бораётган алоқаларни нормаллаштиришга бўлган чақириқлар билан эмас, жиҳод ва уруш билан амалга ошади.

Аммо Уммат масалалари билан ўйнашаётган ва Уммат узра нуфуз талашиб бир-бири билан уришаётган халқаро кучлар ҳақида айтадиган бўлсак, улар Аллоҳнинг изни билан яқинда тикланажак Пайғамбарлик минҳожи асосидаги рошид Халифалик давлати соясида ўз ниҳоясига етади.

﴿وَيَقُولُونَ مَتَى هُوَ قُلْ عَسَى أَن يَكُونَ قَرِيبًا﴾

«Ҳали улар: «У (кун) қачон бўлур?» деб (сўрайдилар). Шоядки яқин бўлса, деб айтинг!»   [Исро 51]

Роя газетасининг 2018 йил 7 март чоршанба кунги 172-сонидан