Адан инглизлар малайлари билан америкаликлар малайлари ўртасида бошбошдоқлик ва турғунликка дучор бўлди
بِسْمِ اللَّـهِ الرَّحْمَـٰنِ الرَّحِيمِ
Адан инглизлар малайлари билан америкаликлар малайлари ўртасида бошбошдоқлик ва турғунликка дучор бўлди
Президент Абдуроббиҳ Мансур Ҳодий қабул қилган қарор ортидан Адан шаҳри билан жанубий минтақалар кучли бошбошдоқлик ва турғунликка дуч келди. Бунга Идрус Забидийни Адан ҳокимлиги лавозимидан бўшатиш ва ўрнига Абдулазиз Абдулҳамид Муфлиҳийни тайинлаш тўғрисида президент Ҳодий чиқарган қарор сабаб бўлди.
Таъкидлаш жоизки, қарор чиқарилишидан бир неча кун олдин Адан ҳокими Забидий матбуот конференциясида жануб аҳлига бир неча нарсаларни фош этганди. Қонуний ҳукумат ичида баъзи кучлар унинг районга хизмат кўрсатишда, хусусан, электр токини таъминлашда қилаётган саъй-ҳаракатларига тўсқинлик қилаётганини айтиб, жумладан бундай деди: «Биз доктор Аҳмад ибн Дағар ҳукуматидан кўп нарсани ҳал этади дея яхшилик кутгандик ва ҳозир ҳам кутмоқдамиз. Биз бу ҳукуматни бир неча бор мақтаб, электр ишлаб чиқариш соҳасини яхшилайдиган, ҳеч бўлмаганда, аввалги ҳолатига олиб келадиган интенсив ҳаракат доирасида ўзининг табиий вазифаси билан шуғулланишини кутгандик. Бироқ муаммони ҳал этишга берилган ваъдалар қоғоздаги сиёҳ ҳолича қолиб кетмоқда. Баъзи доиралар эса, масалани чигаллаштиришга ва халқимизнинг ёз фасли кириши билан янада ортувчи машаққатларидан фойдаланишга қарор қилиб, маҳаллий ҳокимият қонунийлигини тугатиб битиришмоқда, уларнинг ғаразли мақсадлари маҳаллий ҳокимият амалга оширган хавфсизлик ютуқларини ва унда гавдаланувчи ижтимоий келишувни барбод қилишдан иборат».
У яна сўзини давом эттирди: «Биз, фош этиш нуқтаи назаридан, шуни очиқламоғимиз лозимки, эски коррупция марказларининг ресурсларни совуриш ишларидан араб давлатлари коалицияси кўп азият чекмоқда ва бу марказлар муассасалар суверенитети, деган ниқоб билан моддий таъминотга яккаҳокимлик қилишга ҳаракат қилмоқда. Охир оқибат, айни таъминотлар шубҳали йўлакларда исроф бўлди ва сариқ чақали фойдаси тегмади… Натижада, бу нарса ҳукуматдаги кўплаб вазирликларга нисбатан коалициянинг ишончини йўқотди, бу эса электр энергияси сингари муҳим секторлар таъминотининг узилиб қолишига сабаб бўлди».
Бутун Яман аҳли, хусусан, жануб аҳли бошдан кечираётган бу ҳодисалар, Англо-Америка ўртасида Яман устида кетаётган курашнинг натижасидир. Мисол учун, инглизлар малайи Ҳодий Америка томонидан қўллаб-қувватланаётган ва шимолдаги Ҳусийлар каби Эрон билан алоқалари бор бўлган жанубдаги сепаратчи ҳаракатларни ўзига оғдиришга уринди, Ямандаги муҳим лавозимдагиларни, асосан, Адан ҳокими Забидий ва хавфсизлик хизмати раҳбарини қўллади. Ҳодий уларнинг зиммасига хавфсизлик масъулиятини юклаш мақсадида ва улар юртни беқарорлик ва бўлинишга олиб келмасликлари учун хавфсизликни бошқаришсин деб шундай қилганди. Бироқ, бугун уларнинг Аданни идора қилишда омадлари чопмаётгани ва бунга ожизлик қилаётганлари кўринмоқда. Афтидан, инглизлар малайи Амирликларни ҳам алоҳида роли бор кўринади. У ҳам жанубдаги сепаратчи ҳаракатларни жиловлашга уринмоқда, ўзини жануб масаласини ғамхўри қилиб кўрсатмоқда, у ерга ўз тарафдорларини экмоқда, қачон бўлиниш ниҳоли пишиб етилса, демак, инглиз хўжайинларига хизмат қилиш учун Амирлик ўз нуфузини ўрната бошлаган бўлади. У Ҳодийнинг кучли таянчи ҳисобланган Ислоҳ партиясини қўлламасдан салафийларни қўлламоқда. Шунингдек, Али Солиҳ раҳбарлигидаги Конгресс партиясини бошқарувга қайтаришга ҳаракат қилмоқда. Бу эса, Амирлик билан Саудия ўртасидаги ихтилофнинг бош сабабчиси бўлди. Чунки Саудия Ҳодийни қўллаб-қувватлайди, Солиҳ ва унинг Ҳусийларни йўқ қиламан, деган ёлғон ўйинларини рад қилади. Саудия жанубдаги ҳамма ерни ўз назоратига олган Амирликлар билан рақобатлашиш учун Ҳодийдан фойдаланмоқда. Бу давлатларнинг иккаласи ҳам йирик давлатлар курашига хизмат қилиш учун у ерда ўз армия ва нуфузларига эга. Масалан, Саудия АҚШга тобе бўлиб, ундан минтақа ва Яманда ўзига алоҳида рол беришини умид қилмоқда.
Жанубдаги ҳодисалар Ҳазрамавт конференцияси ёки ҳазрамавтлик элита конференцияси ортидан бошланди. Ҳазрамавтни инглизлар малайи Амирликлар назорат қилади. У ерда Ҳазрамавт вилоятини эълон қилиб, сепаратчилик оҳангида баёнот чиқарди, буни муаммони мураккаблаштириш ва америкапараст жанубий сепаратчи ҳаракатнинг бўлиниш лойиҳасини бузиш мақсадида қилди. Дарвоқе, Ҳазрамавт конференцияси сепаратчи ҳаракат етакчиларини ғазаблантирди. Чунки улар жануб битта масаладир, бўлинишни қабул қилмайди, деб биладилар.
Юрт тепасидаги барча курашувчи томонлар жануб ва шимол аҳлига қарши уруш очиб, уларни ўз турғун вазиятлари ва офатлари ичига тортишди… на маошлар берилади, на хизматлар кўрсатилади ва на хавфсизлик таъминланган. Аксинча, қонхўрлик, қотиллик, фитна ва очарчилик давом этмоқда. Мана шундай бир вазиятда, жануб ва шимол аҳлига бу курашувчи томонларга қарши чиқиб, ҳар қанча қурбонлик беришга тўғри келса ҳам, уларни юрт тепасидан ағдармоқлари лозим. Чунки хорлик, очлик ва аста секин ўлим ҳаётида яшашдан кўра шу афзал. Шундай экан, барчалари Пайғамбарлик минҳожи асосидаги рошид Халифалик давлатини барпо этиш орқали Исломни ҳаёт воқеига қайтаришга ҳаракат қилсинлар. Зеро, ушбу давлатгина мустамлакачи Ғарбнинг сепаратчилик, мазҳабпарастлик ва бошқа барча режаларини илдизи билан қуритади, барча яманликларни Ислом бошқаруви соясида хавфсизлик ва тинчликда ҳамда уларга Аллоҳ инъом этган бойликлардан ва стратегик жойлашувдан баҳра олган ҳолда бахтли ҳаёт кечиришга муваффақ қилади.
Ҳизб ут-Таҳрирнинг Яман вилоятидаги матбуот бўлими
Телефон: 735417068
Электрон почта: aan1924@gmail.com
Ҳизб ут-Таҳрир сайти: www.hizb-ut-tahrir.org
Ҳизб ут-Таҳрирнинг матбуот бўлими сайти: www.hizb-ut-tahrir.info
