Адандаги низо мустамлакачилар лойиҳаларига хизмат қилмоқда
بِسْـــمِ اللهِ الرَّحْمٰـــنِ الرَّحِيـــم
Матбуот баёноти
Адандаги низо мустамлакачилар лойиҳаларига хизмат қилмоқда ва бадбўй чақириқларни кўрсатмоқда
Ҳизб ут-Таҳрир Яман вилояти имон ва ҳикмат юртида кечаётган низо ҳақиқатини олдин ҳам бир неча бор баён қилган эди. Бу жирканч низо Яманнинг шимолу жанубида тўлиқ юз бермоқда. Жанубда кечаётган низо Англия ва Америка ўртасидаги халқаро низо бўлиб, бу низода маҳаллий ва регионал малайлар хизмат кўрсатмоқда. Амирликлар уни тўхтатиб қолишга уринаётган америкапараст бўлгинчи (сепаратчи) ҳаракат Ҳодий ва унинг инглизпараст ҳукумати қонунийлигига қарши чиқмоқда. Бўлгинчиларнинг Зубайдий етакчилигидаги ўтиш даври кенгаши «қонуний» дея аталаётган ҳукуматни қувиб чиқишини айтиб таҳдид қилди ва зоҳирда ўзлари уни тан олган қонуний президент Ҳодийга ҳукуматни ўзгартириши учун бир ҳафта муҳлат берди. Кейин, бу кенгаш Ҳодий ҳукуматининг Аданда депутатлар палатаси йиғинини ўтказиш чақириғига қарши чиқди ва Ҳодий томонидан ўзларининг ҳукуматни ўзгартириш тўғрисидаги талаблари қондирилмаса фавқулодда ҳолатни жорий қилиб ҳарбий ҳукуматни эълон қилишлари билан таҳдид қилишди. Бироқ, Англия малайлари тарафидан – бу малайлар Ҳодий бўладими ёки Амирликларми ҳеч бир фарқсиз – дунёга келтирилган жанубий ҳаракат кучлари Зубайдий етакчилигидаги ўтиш даври кенгаши баённомасини рад этди. Бу эса америкапараст жанубий ҳаракатнинг жамоатчилик ва жанубдаги рақиблари олдида заиф эканидан дарак беради. Агар у ўз қарорларида ақл билан иш тутмаса ва қарорларини куч билан амалга оширишга ҳаракат қилса ҳалокатли зарбага учраши ҳам мумкин. Бугунги кунда унинг ўз қарорларини куч билан амалга ошириши кутилмайди. Чунки бу ҳаракат фаоллари амалга ошираётган ишлар фақат қўшимча ширинликни (улушни) қўлга киритиш учун қўлланаётган босим ўтказиш воситасидир. Инглизлар малайи бўлган Амирликлар бўлгинчиларга асло рози бўлмайди. Чунки у уларни дунё назарида босқинчига айлантириб қўйган. Айниқса у Ториқ Афошни қўллаб-қувватлайди ва жанубда унга тарафдор лагерларни пайдо қилган. Ториқ Афошга бўлгинчи ҳаракат фаоллари қарши. Ҳодийнинг бу босимларга жавоб қилиб ҳукуматни истеъфога чиқариши ёки ҳукуматга ўзгартиришларни жорий қилиши эҳтимоли кучли. Бироқ Америка малайи Саудия жанубда америкапараст ҳаракат фаоллари амалга оширган ишлар қаршисида ҳозиргача бирор жиддий ҳаракатни қилмади. Ҳолбуки, у ўзининг урушга кириши Ҳодий учун ва унинг қонунийлигини барқарорлаштириш учун бўлганини даъво қилиб келади. Бу шуни кўрсатадики, бу ишларда Саудиянинг қўли бор ва у бўлгинчи ҳаракатнинг фақат босим ўтказиш воситаси бўлишига рухсат берган. Албатта бу Американинг – жанубда бўладими ё шимолдами ҳеч бир фарқсиз – истакларини рўёбга чиқариш учундир. Америка Ҳусийларни ва Зубайдий етакчилигидаги жанубий бўлгинчи ҳаракатни юрт бошқарувида иштирок эттиришни истамоқда. Ямандаги сиёсий ишларни кузатиб борган ҳар қандай кузатувчи инкор қилмайдиган нарса шуки, шимолдаги Ҳусийларга қачон босимлар кучайса америкапараст жанубий бўлгинчи ҳаракат инглиз малайларига қарши чиқишга ва уларни жануб билан машғул қилиб қўйишга ҳаракат қилади. Албатта бу улар ўртасида роллар алмашинуви борлигини кўнгилга солади ва ўртада ўзаро уйғунлик мавжудлигини кўрсатади. Бу эса ҳар икки томоннинг Америка малайи эканига далолат қилади.
Яманнинг шимол ва жунубдаги аҳолиси бўлгинчиликни рад этади ва бўлгинчилик чақириғидан нафратланади. Фақат малайларга ва фитна қўзувчиларга алданганларгина бўлгинчиликка рози. Ислом юртларининг бирлиги вожибдир ҳамда миллатчилик, ватанпарварлик, маҳаллийчилик ва булардан бошқа жоҳилий чақириқлар жоиз эмас. Шунингдек, йиллар давомида насаб ва қони аралашиб кетган Яман аҳолиси ўртасига чегара тортиш, улар ўртасида бўлинишни кучайтириш жоиз эмас.
Ислом юртларининг, шу жумладан Яманнинг озод бўлиши бу юртларни парчалаш билан, бойлик устида низолашиш билан ва нуфуз талашиш билан бўлмайди. Бу ишлар албатта мустамлакачилар манфаатига хизмат қилади. Яман аҳли шуни билиши лозимки, ҳақиқий озодлик ажнабий мустамлакачининг ҳар қандай нуфузини тугатишга ҳамда пайғамбарлик минҳожи асосидаги рошид Халифалик давлатини барпо қилиш орқали исломий ҳаётни қайта тиклашга ҳаракат қилиш билан бўлади. Бас шундай экан, мусобақалашувчилар шу йўлда мусобақалашсинлар.
Ҳизб ут-Таҳрирнинг Яман вилоятидаги матбуот бўлими
Телефон: 735417068
Электрон почта: aan1924@gmail.com
Ҳизб ут-Таҳрир сайти: www.hizb-ut-tahrir.org
Ҳизб ут-Таҳрирнинг матбуот бўлими сайти: www.hizb-ut-tahrir.info
