Матбуот баёноти

Афғонистон ва Покистон ўртасидаги сўнгги тўқнашувлар Америка ва Ҳиндистоннинг минтақавий сиёсатларига хизмат қилмоқда

Шанба кечаси Афғонистон ва Покистон армиялари Дюранд чизиғи бўйлаб чегара отишмасига киришди. Ҳар икки томон бир-бирининг позицияларини ўққа тутди, оқибатда икки тараф ҳам инсоний талафот кўрди. Мазкур тўқнашувдан икки кун олдин, Покистон армияси Кобул ва Пактика шаҳарларидаги аниқ нуқталарга ҳаводан зарба берган эди. Ушбу бомбардимон натижасида ҳам тинч аҳоли орасида инсоний талафотлар қайд этилди.

Ҳизб ут-Таҳрир – Афғонистон вилояти матбуот бўлими икки мусулмон ўлка ўртасида кечаётган бу урушни кескин қоралайди ҳамда уни Америка ва Ҳиндистоннинг минтақавий сиёсий манфаатларига хизмат қилувчи, мусулмонларга зиён етказаётган тўқнашув сифатида баҳолайди. Бу можаро сунъий чегаралар ва исломий бўлмаган сиёсатлар натижасида мусулмонлар бир-бирига қарши қўзғатилаётганини, Умматнинг ҳақиқий душманлари эса бу воқеаларни ўзлари тўла хавфсизликда, четдан кузатиб туришганини яна бир бор очиқ намоён этмоқда.

Ўзини Ислом дунёсидаги энг йирик армия сифатида кўрадиган Покистон қуролли кучлари, афсуски, ўз ҳарбий салоҳиятини Ислом душманларига қарши эмас, айнан мусулмон биродарларига қарши йўналтирмоқда. Кашмирни уялмай Ҳиндистонга топшириб қўйган ҳам, Моди ҳукуматининг Исломга қарши ҳиндутва ғоясига асосланган ирқчилик сиёсати ва репрессив чораларига нисбатан сукут сақлаш позициясини эгаллаган ҳам айнан шу армиядир. Энди эса, шунча қилмишлари ортидан бу армия Афғонистоннинг шаҳар ва қишлоқларини, шу жумладан қабилавий ҳудудларни ҳам «ғоят жасорат» билан бомбардимон қилмоқда. Қани энди шу қатъият ва шижоат Ҳиндистонга ва яҳудий вужудига қарши намоён қилинганида эди! У ҳолда Кашмир таҳқир остида қолмас, Ғазо эса икки йилдан буён оммавий қатлиомлар гирдобида яшамас эди. Шунингдек, Ғазо аҳлига нисбатан мусулмон ҳукмдорлар — жумладан Покистон раҳбарияти — томонидан кўрсатилаётган босим ва хиёнатлар туфайли, уларга шармандали тинчлик келишуви зўрлаб қабул тиқиштирилмас эди.

Биз яхши биламиз: мусулмонларга нисбатан шунчаки адоват ва кофирларга нисбатан бундай таҳликали сукут — Покистон армияси сафидаги маълум ёлланма гуруҳларнинг иши эканлиги шубҳасиз. Бунга журъат қилишлик эса Покистон раҳбарияти билан уларнинг асосий хўжайини — Дональд Трамп ўртасидаги вақтинчалик яқинлашув натижасидир. Покистон раҳбарияти билан Америка Қўшма Штатлари ўртасидаги бу яқин алоқалар Покистон армиясида Афғонистонга нисбатан ҳарбий ҳужумлар уюштириш борасида ишонч ва жасорат уйғотди. Америка эса унга қабилавий ҳудудлар ва Дюранд чизиғи бўйлаб яшовчи мусулмонларни афғон мужоҳидлари билан машғул қилиб туриш вазифасини юклади.

Сўнгги воқеаларда кузатилганидек, Америка ўзини Ҳиндистонга нисбатан гўёки вақтинчалик босим ўтказаётгандек кўрсатар экан, шу орқали Покистонни “ўзининг муҳим ҳамкори” сифатида намоён этмоқда. Покистоннинг сиёсий ва ҳарбий раҳбарияти эса Америка расмийлари билан яқинлашиш, улар билан суратга тушиш ва хушомад қилиш билан банд. Бироқ, шамол яна бошқа томонга эсиши биланоқ, Покистоннинг яна бир бор четга сурилиши муқаррар. Покистон мудофаа вазири Хожа Муҳаммад Осифнинг қуйидаги сўзлари буни яққол тасдиқлайди: «Биз тахминан ўттиз йилдан буён Америка, ҳатто Британия каби Ғарб давлатлари учун ушбу “кир” ишларни бажариб келяпмиз… Бу хато эди ва биз бунинг азобини чекяпмиз».

Бу каби тан олиш Покистоннинг ўнлаб йиллик сиёсати аслида Америка манфаатларига хизмат қилиб келганини, бу сиёсатнинг оғир бадалини эса минтақа мусулмонлари тўлаётганини намоён этмоқда. Бугунги воқеалар ҳам шуни кўрсатмоқдаки, Покистон тарихдан ҳануз сабоқ олгани йўқ — аксинча, ўзининг минтақадаги нуфузини қайта тиклаш умидида яна АҚШга хушомад қилиш сиёсатини давом эттирмоқда. Аслида Америка Покистонни фақатгина ўзининг Афғонистон, Ҳиндистон ёки Хитойга нисбатан олиб бораётган сиёсатлари тўсиққа учраган пайтларда эслайди. Ўшанда Покистон “стратегик ҳамкор” деб эълон қилинади ва унга вақтинчалик вазифа юкланади. Миссия тугаб, Америка ўзининг минтақавий сиёсатини яна ўз изига солгандан сўнг, Покистон анъанага мувофиқ яна четга сурилади. Байден маъмурияти даврида яққол кўринганидек, дипломатик табассумлар ва берилаётган ваъдаларнинг барчаси — фақат вақтинчалик ниқоблардан бошқа нарса эмас.

Афғонистондаги мужоҳидлар ҳамда Покистон армияси сафидаги холис ҳарбийларга мурожаатимиз қуйидагича: Мусулмонларнинг қони тўкилаётган, биродарлар ўзаро урушга тортилаётган бу вазиятда сизни воқеликка баландроқ нуқтадан назар ташлашга чақириб қоламиз. Бугунги кунда, хусусан Жанубий Осиёдаги мусулмонлар умиди Афғонистондаги мужоҳидларга ҳамда Покистон қуролли кучлари сафидаги динни ва жаннат ваъдасини дунёвий унвон ва мансаблардан устун қўядиган холис зобитларга тикилган. Ушбу кучлар катта сиёсий ўзгаришларни амалга ошириш салоҳиятига эга. Агар улар мустамлакачилар томонидан чизилган сунъий чегараларни бекор қилиб, Пайғамбарлик минҳожи асосидаги иккинчи рошид Халифаликни барпо этсалар, минтақада Умматнинг тарқоқ салоҳиятини бирлаштира олади ва халқаро майдонда мустақил сиёсий-ҳарбий қутб сифатида намоён бўлади. Ҳақиқатан ҳам, Халифалик АҚШ, Ҳиндистон ва Хитой каби давлатларнинг минтақадаги мустамлакачилик режаларини барбод қилади, мусулмон армияларини сафарбар этиб, Кашмир, Шарқий Туркистон ва Фаластин каби босиб олинган мусулмон ўлкаларини озод этади.

﴿وَأَطِيعُواْ ٱللَّهَ وَرَسُولَهُۥ وَلَا تَنَٰزَعُواْ فَتَفۡشَلُواْ وَتَذۡهَبَ رِيحُكُمۡۖ وَٱصۡبِرُوٓاْۚ إِنَّ ٱللَّهَ مَعَ ٱلصَّٰبِرِينَ﴾

«Аллоҳга ҳамда Унинг пайғамбарига итоат қилингиз ва (ўзаро) талашиб-тортишмангизки, у ҳолда сустлашиб, куч-қувватингиз кетур. Сабр-тоқат қилингиз! Албатта, Аллоҳ сабр қилгувчилар билан биргадир.»  [Анфол 46]

Ҳизб ут-Таҳрирнинг Афғонистон вилоятидаги матбуот бўлими