Ҳафталик муҳим воқеалар таҳлили
Ҳафталик муҳим воқеалар таҳлили
بسم الله الرحمن الرحيم
﴿أَفَحُكْمَ الْجَاهِلِيَّةِ يَبْغُونَ وَمَنْ أَحْسَنُ مِنَ اللهِ حُكْمًا لِقَوْمٍ يُوقِنُونَ﴾
“Динсизлик ҳукмрон бўлишини истайдиларми?! Имонлари комил бўлган қавм учун Аллоҳдан ҳам гўзалроқ ҳукм қилгувчи ким бор?!”
Хабар (Din ishlari bo‘yicha qo‘mita 19.05.2023й): Дин ишлари бўйича қўмита, ДХХ, ИИВ, АОКА ҳамкорлигида интернетда радикал диний мазмундаги контентлар аниқланиб, Олий суд қарори билан улар экстремистик ва террористик материаллар деб топилади… 2023 йил 17 май ҳолатига кўра актуал ҳисобланган рўйхатда – Facebook, Telegram, Instagram, Youtube, Tik-tok, Odnoklassniki ва бошқа манбалардаги материаллар манзиллари кўрсатилган.
Изоҳ: Дин ишлари бўйича қўмита “террористик ва экстремистик” материаллар деб ҳисобланган рўйхатни доимий равишда янгилаб, эълон қилиб боряпти. Ушбу рўйхатга Аллоҳнинг динини олий қилиш, Шариатни ҳокимият эгаси қилиш учун ҳаракат қилаётган жамоа ва шахсларнинг, жумладан Ҳизб ут-Таҳрирнинг расмий веб-сайтлари ва баъзи аъзоларининг ижтимоий тармоқлардаги аккаунтлари ҳам киритилган. Ҳукуматнинг Исломни ҳокимиятга келишидан қўрқуви шунчалик даражада кучлики, мана шундай рўйхатларни эълон қилиб, юртимиздаги мусулмонларни Исломни асл ҳолида ўрганишдан қайтариб, анави ҳукумат белгилаб берган “Исломга” амал қилишни талаб қиляпти. Золим ҳукуматнинг бундай кулгили ишларини кўриб туриб, унга шундай саволлар бергимиз келади: Сиз террорист ва экстремист, дея эълон қилаётган Исломий жамоа ва шахсларни халқимизга қандай зарари тегдики, уларни ёмонотлиқ қилишга бунчалик қаттиқ уриняпсиз? Ахир, инсоф билан тан олинг, сизнинг уқувсиз бошқарувингиз ва мусулмонлар устига татбиқ қилаётган куфр қонунларингиз халқимизни қолоқ ва хор аҳволга олиб келмадими? Сизнинг мана шундай бошқарувингизни танқид қилиб, ҳақни гапирганларни рўйхатдагилар умрини қамоқда чиритяптими ёки сизми? Агар юритаётган сиёсатингизнинг адолатли эканлигига амин бўлсангиз, унда нега бир сиқим одамлардан бунчалик қўрқасиз?… Бундай саволларни яна давом эттириш мумкин, бироқ уларга жавоб йўқ.
Хабар (МСК 19.05.2023й): Ўзбекистон Марказий сайлов комиссияси муддатидан олдинги президент сайловини ўтказиш харажатлари сметасини тасдиқлади – 174,13 миллиард сўм. МСК йиғилишида сметани ишлаб чиқишда бюджет маблағларини тежашга эътибор қаратилгани айтилди. Бу миқдор 2021 йилги сайловлар учун ажратилганидан 41 фоизга кам.
Изоҳ: Куфрий тузум билан ким бошқаришидан қатъий назар, бу иш ҳаром бўлиб, ўша бошқарувчига овоз бериш ишида қатнашиш ҳам мусулмон учун асло жоиз бўлмайди. Шунингдек, бундай ишларга маблағ сарфлаш ҳам ҳаром бўлиб, исрофгарчилик ҳисобланади. Ҳукумат халқни бўйнига оғир солиқ юкини илиб, йиғиб олаётган миллиардлаган маблағларни мана шундай исроф қилиб юборяпти. Бу гап фақат президентлик сайловига ажратилган маблағга тегишли эмас, балки зарур ишлар қолиб, ҳаром ва бефойда ишларга исроф қилиб юборилаётган бошқа маблағларга ҳам тегишлидир. Ҳокимият Шариатники бўлмагунича иш шундай давом этаверади. Ҳолбуки, Исломий ҳукумат Байтулмол (давлат бюджети) даги маблағнинг ҳар бир дирҳами ва динорини – бу борада Аллоҳнинг олдида жавоб бераман, деган эътиборда – ўз ўрнига сарфланишини қаттиқ назорат қилади.
Хабар (kun.uz 19.05.2023й): Тошкент шаҳрида 13-18 май кунлари бўлиб ўтган Uzbekistan Fashion Week – 2023 (Ўзбекистон мода ҳафталиги – 2023) модалар ҳафталиги доирасида намойиш этилган либосларнинг айримлари салбий изоҳларга сабаб бўлди. Ташкилотчининг изоҳ беришича, эркаклар кийиб чиққан либосларни репетиция жараёнида аёллар кийган, лекин намойиш олдидан дизайнер импровизация қилишни хоҳлаб, либосларни эркакларга кийдириб юборган.
Изоҳ: Юртимиздаги ҳар бир ақли расо инсоннинг қаттиқ ғазабига учраган бу ер ютгур модалар ҳафталигини ҳукуматнинг Ғарб ва унинг халқаро молиявий ташкилотларидан олаётган қарзлари эвазига тўлаётган бадали дейиш мумкин. Чунки ушбу олинаётган заҳарли қарзлар эвазига ҳукумат демократияни ривожлантириш, унинг қадриятларини ҳимоя қилиш, Ғарб маданиятини кенг ёйиш каби Исломга тамоман зид бўлган ишларни бажаришни ўз бўйнига олади. Ушбу модалар ҳафталиги ҳам Ғарб маданиятининг бир кўриниши бўлиб, унда аёллар ҳамманинг кўз ўнгида очиқ-сочиқ, ҳатто одам қараса уяладиган даражадаги кийимларда кўриниш беради. Шунингдек, бундай кўргазмалар ЛГБТга тарғиб қилинадиган майдонга айланиб улгурган. Бундай шармандалик мусулмонлар юртига ҳам кириб келаётгани ҳаммамиз учун жиддий сигнал бўлиши лозим. Мусулмонлар умуман мода ва у билан боғлиқ бўлган ҳар қандай Ғарб маданиятига қарши норозиликларини очиқ билдиришлари ва бундай ишларнинг қайта такрорланмаслигига эришишлари лозим.
Хабар (ИМВ 18.05.2023й): Германиянинг KfW банки Ўзбекистон бюджетини қўллаб-қувватлаш учун 500 млн евро ажратиши мумкин, деб хабар берди Mangold Consulting раҳбари Кристоф Манголд иқтисодиёт ва молия вазири Шерзод Қудбиев билан учрашувда.
Изоҳ: Иқтисодиёт ва молия вазирлиги ҳисоботларига кўра, 2023 йилда бюджетни қўллаб-қувватлаш учун 2 млрд доллар қарз олиниши режалаштирилган. Германиянинг KfW банкидан олиниши кутилаётган 500 млн евролик кредит ҳам шу олинадиган қарзнинг бир қисмидир. Давлат қарзи ўсишда давом этар экан, уни қайтариш ҳам ўсиб боряпти. Масалан, 2022 йилда 823 млн долларлик қарзлар сўндирилган бўлса, 2023 йилда 19,2 трлн сўм (1,67 млрд доллар), яъни ўтган йилгидан икки баробарга кўпроқ қарзни сўндириш белгиланган. Аҳвол шундай давом этадиган бўлса, бюджет камомади ўсиб бораверади ва ҳукумат бу камомадни қоплаш учун яна янги қарзлар олиши керак бўлади. Бироқ устимизда ўтириб олган анави очкўз сиёсий элита бу қарзларнинг бир центини ҳам ёнидан тўламайди, аксинча бойлигига бойлик қўшилади. Бу қарзлар ҳар доимгидек халқнинг бўйнига тушади ҳамда ўзи қачон ва нимага қарздор бўлганига ақли етмай, уни хоҳласа ҳам, хоҳламаса ҳам узишига тўғри келади. Ислом тузуми татбиқ қилинмас экан, халқимиз бу қарз балосидан асло қутула олмайди. Чунки Ислом татбиқи натижасида четдан қарз олишга барҳам берилади ва зарурат юзасидан қарз олишга тўғри келса, уни фақат бой мусулмонлардан олади холос. Давлатнинг қарам бўлишига олиб келиши мумкинлиги сабабли чет давлатлар ва халқаро молиявий ташкилотларнинг ғаразли пулларини олиш жоиз бўлмайди.
Ҳизб ут-Таҳрирнинг Ўзбекистондаги матбуот бўлими аъзоси Форуқ
