Ҳафталик муҳим воқеалар таҳлили

بسم الله الرحمن الرحيم

﴿أَفَحُكْمَ الْجَاهِلِيَّةِ يَبْغُونَ وَمَنْ أَحْسَنُ مِنَ اللهِ حُكْمًا لِقَوْمٍ يُوقِنُونَ﴾

“Динсизлик ҳукмрон бўлишини истайдиларми?! Имонлари комил бўлган қавм учун Аллоҳдан ҳам гўзалроқ ҳукм қилгувчи ким бор?!”

Хабар (кун.уз 27.03.2023й): Урганчда “Конституция ўзимизники” тарғибот тадбири бўлиб ўтди. 2 минг нафардан ортиқ ёшлар иштирокида ўтган тадбирда мамлакатнинг таниқли шахслари Хоразм аҳлини конституция ислоҳотларида фаол бўлишга чақирди. “Конституция меники, сеники, бизники! Конституция ўзимизники” шиори остида Конституциявий қонун лойиҳаси бўйича тарғибот тадбирида Ўзбекистон ва Қорақалпоғистон халқ артисти Озодбек Назарбеков, Жаҳонгир Позилжонов ҳамда 2 мингдан ортиқ фаол ёшлар иштирок этди.

Изоҳ: Маълумки, Ўзбекистон бўйлаб конституцияни қўллаб-қувватлаш учун ҳукумат барча таниқли “чопарлари”ни “гастрол”га  сафарбар қилмоқда. Устоз ва шогирд президентлар даврида халқимизга рўшнолик келтирмаган конституциясини “адолатидан” сўзлаб уялмадилар. Юрт ўғил-қизларини олам мамлакатларида сарсоналарга айлантирган, зиндонларини олиму фузалоларга тўлдирган, авом халқ бойлигини талон-тарож қилган ҳукумат раҳбарини яна икки муддатга қолишини таъминлашга хизмат қилаётган жонбоз тарғиботчилар бу конституция меники, сеники, бизники, деб оғиз йиртмоқдалар. Юртимизнинг оқил кишилари биладиларки, бу қомус аёлларимиз рўмолларига чанг солувчи, мусулмонларни қотил зобитларини қўлловчи ҳукумат қомусидир. Бу конституция золимлар ва маддоҳлар таянчи бўлиб хизмат қиларкан, айтиш мумкинки, бу қомус уларники, маддоҳларники ва юзсиз малай раҳбарларникидир! Асло иймон аҳлиники эмас!

Хабар (27.03.2023й): Ўзбекистон Президенти Администрацияси шўба мудири Саида Мирзиёева Америка Қўшма Штатларига ташрифи давомида Метрополитен музейи вакиллари билан учрашди. Бу ҳақда у Telegram’даги саҳифасида маълум қилди.

Изоҳ: Ўзбекистон раҳбарлигида қолиш президент учун ҳаёт-мамот масаласидир. Унинг мустамлакачи давлатлар босими остида эканлиги ўзининг “ким томонсан” деган сўзида очиқлаб “мен халқим томонман” деган чўпчакни сўзлаган Мирзиёев ўз қизидан сиёсий арбоб ясаб АҚШ мулозимлари оёқларига бош урдириб, ўзини “ҳамма томон” эканлигини ошкор қилмоқда. Маълумки, қирқ миллионга яқинлашган халқнинг иқтисодий, ижтимоий муаммоларини ҳал қилишда ва давлат таянчлари бўлган ёш авлодни тарбиялашдаги таълим сиёсатида ва барча муҳим соҳаларда юрт ўта моҳир, кучли мутахассисларга муҳтождир. Аммо Мирзиёев учун ҳар соҳани ўз эгалари эмас, балки ишончли содиқ кишилар муҳим. Афсуски, бу билан ҳар соҳани туманли зулматларга етакламоқда.

Хабар (кун.уз 27.03.2023й): World Population Review веб-сайтида эълон қилинган 2023 йилги саховат индексида Ўзбекистон 124 давлат орасида 25-ўринни эгаллади... Рейтинг Америка Гэллап институти томонидан олиб борилган тадқиқотлар асосида тузилади.

Изоҳ: Капитализмга асосланган Ғарб давлатларида ўз ақидаларидан келиб чиқиб барча эзгуликлар ҳаёт майдонидан чиқариб ташланган.  Саховат ва шу каби қийматларни нодавлат ташкилотлар зиммасида қолдиради. Ҳаётни фақат манфаатдангина иборат деб билади. Хўш, унда Ўзбекистонда шахслар саховати даражасини ўрганиш уларга нима учун керак бўлиб қолди? 2010 йилда Англиянинг Charities Aid Foundation компанияси томонидан ишлаб чиқилган бу лойиҳадан мақсад мусулмонларни ўз динига амал қилиш даражасини ўрганиш, холос. Чунки бундай саховат, яъни Аллоҳнинг розилиги учун беғараз қилинадиган саховат фақат Ислом ақидасига асосланган мусулмонларгагина хосдир. Шунинг учун саховатимизни юксалиши уларни асло қувонтирмайди, балки хавотирга солади.

Хабар (VideogramUz 29.03.2023й): Ушбу телеграм каналда эълон қилинган расмдан ўзгартиришларсиз кўчирилган ва тагидаги чизиқ билан ажратилган рўйхатни Бош вазирнинг маҳаллаларга берган кўрсатмаси эканлиги иддао қилинмоқда:

Маҳаллага

1. Масжидлар сони ва номи расмий ва норасмий.

2. Мактаблар ва коллежлар сони.

7. (Негадир 3,4,5,6 қолдирилиб кетган) МТМлар сони ва номи.

8. Бозор ва дўконлар сони.

9. Қабристонлар сони.

10. Муллалар ва отинойилар сони.

Г (бу ҳарф маъноси ҳам тушунарсиз)

Соқол қўйганлар. Диний либосда юрувчилар (хижоб ва яктак).

Баданига татиуровка урганлар.

Узоқ муддатга бориб диний амалларни ўрганиб қайтиб келганлар.

Диний ҳаёт кечираётганлар.

Мактаб, коллеж ва олий ўқув юртларига хижобда ва диний либосда бораётганлар.

Масжидга бордиган вояга етмаганлар ва аёллар.

Ислом динидан бошқа динга эътиқод қиладиганлар.

Миссионерлик фаолияти билан шуғулланаётганлар

Хукумат ва ХМҚО органларидан норози кайфиятда юрганлар (амалдаги сиёсатдан норози бўлиб юрганлар).

Ўқиш мақсадида чет давлатларга кетганлар.

Ҳар махалла маълумот бериш керак ИИБга ва жамғармага бугун.

(Ушбу кўрсатма бош вазирнинг кўрсатмасига асосан).

Телеграм канал муаллифи: Ушбу рўйхатни Бош вазирнинг маҳаллаларга берган кўрсатмаси эканлиги иддао қилинмоқда.

Изоҳ: Бу каби хабарлар расмий каналларда ошкор этилмаса-да, ижтимоий тармоқларда кенг тарқалмоқда. Бу хабарларни ҳозирча маҳалла фаоллари расман тасдиқлаганлари ҳам, инкор ҳам қилганлари йўқ. Қолаверса, Бош вазир жанобларини бу хабарлар зиддига “фейк” хабар дея фикр билдирмаётгани ва ҳукумат ходимлари ўша рўйхат бўйича халқ орасида турли босимлар олиб борганлиги оммага сир бўлмай қолган. Шунингдек, бундай норасмий топшириқларнинг сизиб чиқиб кетаётгани янгилик эмас, яъни ҳукуматнинг норасмий буйруқлари акс этган ҳужжатлар ора-сира турли манбалар орқали эълон қилиниб келади. Бу ердаги масала шуки, Мирзиёев ахлат тузум, дея танқид қилган яҳудий Каримов даврининг тажрибаларидан у ҳали ҳам воз кечмаган экан, ҳозирги ўзбек ҳукумати Исломга қарши курашга мажбурланяптими ё ўз хоҳиши билан қиляптими, деган саволни ўртага чиқаради. Аммо нима бўлган тақдирда ҳам, Исломга қарши уруш очиш Аллоҳ ва Унинг Росули ﷺга қарши уруш очиш эканлигини эслатишда давом этаверамиз. Зеро, бундай улкан жиноятга қўл уришдан сақланиш танлови ҳар қандай замонда бор бўлган. Фақат бундай танловдан воз кечиш билан, анави шайтонни малайлари бўлмиш кофир мустамлакачиларнинг осонроқдек кўринган йўлини танлаш ортида икки дунё шармандалиги ва танг-бахтсиз ҳаёт ётади.

Ҳизб ут-Таҳрирнинг Ўзбекистондаги матбуот бўлими аъзоси Зайниддин

03.04.2023й