Ҳафталик муҳим воқеалар таҳлили
Ҳафталик муҳим воқеалар таҳлили
بسم الله الرحمن الرحيم
﴿أَفَحُكْمَ الْجَاهِلِيَّةِ يَبْغُونَ وَمَنْ أَحْسَنُ مِنَ اللهِ حُكْمًا لِقَوْمٍ يُوقِنُونَ﴾
“Динсизлик ҳукмрон бўлишини истайдиларми?! Имонлари комил бўлган қавм учун Аллоҳдан ҳам гўзалроқ ҳукм қилгувчи ким бор?!”
Хабар (uza.uz 04.04.2023й): Бош прокуратура матбуот хизмати расмий баёнот берди: …Аниқланишича, 3 апрель куни соат 19.20 ларда Сергели тумани 8-мавзедаги кўп қаватли уйда яшаб келган аёл (1996 й.т.) икки нафар ўғли ва бир нафар қизини қасддан ўлдириш мақсадида 9-қаватдан бирин кетин деразадан ташлаб юбориб, сўнгра ўзи ҳам ойнадан сакраб ўз жонига қасд қилган. Оқибатда барчаси ҳодиса жойида вафот этган.
Изоҳ: Бу мудҳиш ҳодиса юртимизни ларзага солаётган воқеалардан бири бўлди. Ушбу ҳодисада вафот этган аёл ва болаларнинг оиласи ҳамда яқинларига чуқур таъзиямизни изҳор қиламиз. Бундай ҳолатларда биз мусулмон эканлигимизни эсдан чиқармаслигимиз ва бу воқеа атрофида айланиб юрган ҳар хил гап-сўзларга таяниб хулоса чиқаришнинг Шариатимизга зид эканлигини ёдда сақлашимиз лозим. Яна шуни таъкидлаб айтамизки, ҳозирги ботил тузум татбиқи шароитида мусулмон оилаларда ўз жонига қасд қилишдек оғир гуноҳга қўл уришлар кўпайиб боряпти. Бундан мусулмонларга Ислом фақат ибодатдан иборат дин, деб уқтираётганларнинг даъволари ҳеч қандай асоси бўлмаган ёлғон ва чалғитувчи даъволар эканлиги фош бўляпти. Чунки Ислом тўлиғича татбиқ қилинмас экан, бундай жамият на шахсга ва на оилага хотиржамлик беради. Энди бу мудҳиш ҳодисани Ислом билан боғлаётганлар ҳам бор. Масалан, Озодлик радиоси “Эри умрага кетган аёл уч боласи ва ўзини ўлдирди” сарлавҳа остида хабар тарқатди. Бироқ бу янгилик эмас. Зеро, агар мусулмон билан қандайдир нохуш ҳодиса юз берса, бу тезда унинг динига боғланади, худдики бунга Ислом айбдордек. Бундан мақсад Исломга қора чаплаб, мусулмонларни динидан бездиришдир. Бошқа дин вакилларига нисбатан бундай қилинмайди. Бу демократиянинг нақадар иккиюзламачи ва нохолис эканлигини кўрсатади.
Хабар (қалампир.уз 02.04.2023й): Қашқадарё вилояти Косон тумани ҳокими Асрол Бойқараев рўзадор фермерларнинг оғзини мажбуран очтиргани айтилмоқда. Бу ҳақда “Эзгулик” жамияти раиси Абдураҳмон Ташанов Facebook'даги саҳифасида хабар берди. Қайд этилишича, жорий йилнинг 31 март куни бўлиб ўтган йиғилишда Косон тумани ҳокими Асрол Бойқараев қишлоқ хўжалигидаги муаммолар ҳақида ғазаб билан нутқ сўзлаган. “Сенлар рўза тутволиб, сипо бўлиб юрасанлар. Ишни ким қилади?”, дея рўзадорларни сув ичишга мажбур қилган ҳоким.
Изоҳ: Ўзини Исломга мойил қилиб кўрсатиш учун Умра зиёратига бориб намойиш этган президентни асл юзини қўл остидаги ҳокимларини шу каби ишлари, Роббим Аллоҳдир дегувчиларни зиндонларда сақлаб туришлари, Хоразмдаги раҳбар мулозимларни меҳрибонлик уйидаги бузуқликлари очиқ баён қилиб турибди. Чунки кадрлар танлашда Мирзиёев ўзига содиқликни энг асосий ўлчов қилиб қўйган. Тақвосиз кимсалар ҳеч қачон тақволи одамларни ёнига йўлатмайдилар. Шунингдек, ушбу ҳокимнинг муборак Рамазон ойида рўзадорларга ғазаб қилиб, уларнинг рўзасини очишга мажбур қилиши ҳозирги бузуқ тузум берган “тарбия”нинг оқибатидир. Ислом ва унинг аҳкомлари қадрланиб, муҳофаза қилинмайдиган, улар умуман назарга илинмайдиган ҳозирги тузумда бундай кимсалар деярли жазоланмайди ёки енгил жазо билан қутулиб кетишади. Буни бир ҳафта ўтса ҳамки анави ҳокимга ҳеч қандай чора кўрилмаётганидан билиш мумкин. Динда буюрилган ишларни имкони борича қилишга уринганлар эса, зудлик билан шафқатсиз жазоланади.
Хабар (кун.уз 05.04.2023й): Ўзбекистон расмийлари кейинги 3 йилда мактаб таълими сифатини кўтариш учун халқаро ташкилотлар томонидан 580 млн доллар ажратилишини кутмоқда. 2023-2026 йиллар учун тасдиқланган мактабгача ва мактаб таълимини ислоҳ қилиш бўйича йўл харитасида 18 та халқаро ташкилот билан ҳамкорлик қилиш кўзда тутилган.
Изоҳ: Таълим сиёсати келажак авлоднинг дунёқараши, сақофати, ҳаёт тарзини шакллантиришда катта ролни бажаради. Халқимизнинг аксар қисми мусулмон бўлгани туфайли таълим дастурлари ҳам шунга мос равишда Ислом ақидасига таянган ҳолда ишлаб чиқилиши лозим. Аммо бу жараённи Исломга душман бўлган Ғарб давлатларининг маблағлари эвазига молиялаштириш хатарлидир. Чунки ёш авлод таълим-тарбияси учун маблағ ажратувчи халқаро ташкилотлар ўзининг бузуқ сақофатини ёйиш шарти билангина ҳомийлик қилиши ойдек равшандир. Бу эса, келажагимиз пойдеворини бузуқ асосга қуриш демакдир.
Хабар (қалампир.уз 09.04.2023й): Аввалроқ ўзининг маҳсулотлар сифати ва уларнинг яроқлилиги ҳақидаги танқидий видеолари билан “Activist” номи орқали танилган Ҳожиакбар Носиров 15 суткага қамалгани ҳақида хабар берган эдик. У фуқароларга турли ишлаб чиқарувчи компаниялар маҳсулоти бўлган йогуртларнинг таркибида кармин E120 моддаси борлиги сабабли уларни истеъмол қилиш ҳаром экани ҳақида фикрлар билдирган. Ўзбекистон мусулмонлари идораси Фатво маркази ушбу талқин юзасидан муносабат билдирди.
Изоҳ: Ҳукумат бу йигитни қандайдир жиноятларда айблаб қамоқ жазоси берганини Ўзбекистон мусулмонлари идораси Фатво маркази оқлаб берибди. Аслини олганда, бундай фатво жуда эҳтиёткорлик билан берилгани кўриниб турибди. Яъни халқни ҳам, ҳукуматни ҳам “хафа” қилиб қўймаслик қасд қилингани билиниб турибди. Бироқ барибир ҳукуматни оқлаш томонга кўпроқ ён босилган, бўлмаса бу йигитнинг гапларида ҳеч қандай жиноят аломатлари йўқ, деган гапни айтиши керак эди. Лекин асосий масала бунда эмас, балки мавжуд тузумнинг икки хил стандартлар асосида юришидир. Зеро, демократик принципларга кўра, дин давлат ишларига, давлат эса дин ишларига аралашмаслиги керак. Агар бу йигит ҳалол ва ҳаром ҳақида тўғри ёки нотўғри гапларни айтган бўлса, бу ҳукумат наздида динга алоқадор иш эмасми?! Ахир, одамлар бу ҳукумат билан қайси принципга кўра муомала қилишлари керак?! Жавоб шуки, бундай ҳукуматда ҳеч қандай принципнинг ўзи йўқ, чунки у манфаатдан бошқасини билмайди. Шунинг учун ҳам ҳукумат динни қаттиқ назорат қилади ва одамлар Исломга эргашиб кетишларини ҳеч ҳам истамайди. Чунки Исломда сиёсат бор ва бу сиёсат анави президенту ҳокимларни тахтлари-ю ботил демократияси билан бирга тарихнинг ахлат қутисига ирғитиб юборади.
Ҳизб ут-Таҳрирнинг Ўзбекистондаги матбуот бўлими аъзоси Зайниддин
10.04.2023й
