Аграр соҳа истиқболлари муҳокама этилди
بِسْـــمِ اللهِ الرَّحْمٰـــنِ الرَّحِيـــم
Аграр соҳа истиқболлари муҳокама этилди
Нукусда "Оролбўйи экологик шароитда аграр соҳани ривожлантириш истиқболлари" мавзуида илмий-амалий анжуман бўлиб ўтди.
Ўзбекистон республикаси Олий Мажлиси Қонунчилик палатасининг аграр ва сув хўжалиги масалалари қўмитаси томонидан ташкил этилган мазкур тадбирда депутатлар, қишлоқ ва сув хўжалиги, адлия, иқтисодиёт вазирликлари, банклар, фермер хўжаликлари раҳбарлари ҳамда аграр соҳа мутахассислари иштирок этди.
Президент Ислом Каримов раҳнамолигида мамлакатимизда фермерлик фаолиятини такомиллаштириш, экин майдонларини оптималлаштириш, қишлоқ хўжалик маҳсулотлари етиштиришни кўпайтириш, ерларнинг мелиоратив ҳолатини яхшилаш, ишлаб чиқариш жараёнларинини техник ва техналогик янгилаш масалаларига алоҳида эътибор қаратилмоқда.
Анжуманда аграр секторни барқарор ва самарали ривожлантириш ҳамда аҳоли фаровонлигини оширишда фермер хўжаликларининг ўрни ва ролини кучайтириш мақсадида президент томонидан 2012 йил 22 октябрда қабул қилинган "Ўзбекистонда фермерлик фаолиятини ташкил қилишни янада такомиллаштириш ва уни ривожлантириш чора-тадбирлари тўғрисида"ги фармон ижросини таъминлаш масаласи атрофлича муҳокама этилди. Оролбўйида табиий ресурсларни муҳофаза қилиш, экалогик ҳолатни яхшилаш ва барқарорлаштириш борасида амалга оширилаётган ишлар, мавжуд муаммолар ва келгусидаги долзарб вазифалар ҳамда соҳанинг ҳуқуқий асосларини янада такомиллаштириш тўғрисида фикрлар билдирилди.
Изоҳ: Қишлоқ хўжалиги – моддий ишлаб чиқаришнинг асосий тармоқларидан бири; деҳқончилик ва чорвачилик маҳсулотлари етиштириш билан шуғулланади. Қишлоқ хўжалиги аҳолининг озиқ-овқат маҳсулотларига, саноатнинг кўпгина тармоқларини хом-ашёга бўлган талабини қондиради. Қишлоқ хўжалиги деҳқончилик (далачилик, сабзавотчилик, мевачилик ва ҳоказолар) ҳамда чорвачилик тармоқларини ўз ичига олади. Буларни биргаликда тўғри қўшиб олиб бориш моддий ва меҳнат ресурсларидан унумли фойдаланишга имкон беради.
Қишлоқ хўжалиги мамлакатни тараққий эттирмайди, кудратли мамлакатга ҳам айлантирмайди, аксинча мамлакатни хом ашё базасига айлантириб, саноати тараққий этган мамлакатга қарам давлатга айлантиради. Оғир саноати тараққий этган мамлакатнинг қишлоқ хўжалиги ҳам тараққий этади. Йўқса мамлакат ҳам қолоқ бўлади. Қишлоқ хўжалигининг тараққиёти оғир саноатга чамбарчас боғлиқ.
Мустамлакачи давлатларни манфаатига хизмат қилувчи "Жаҳон Банки", "Ҳалқаро Валюта Фонди" сингари ташкилотлар, учунчи олам давлатларига оғир саноатни ривожлантириш учун асло кредит бермайди ва инвестиция ётқизмайди. Бу ташкилотлар томонидан берилаётган кредитлар фақатгина қишлоқ хўжалиги, ободонлаштириш сингари даромад келтирмайдиган ва давлатнинг тараққиётига хизмат қилиши мумкин бўлмаган соҳаларгагина ажратилиб, бу соҳалардан даромад келмаганлиги боис бу кредитлар давлатнинг бўйнига қарз бўлиб илинаверади. Бунинг натижасида эса бу ташкилотлар ортида турган мустамлакачи давлатлар қарздор давлатга ўз таъсирини ўтказади ва нуфузи остида ушлаб туради.
Салохиддинов Али
