بِسْمِ اللهِ الرَّحْمٰنِ الرَّحِيم

Айн Ҳалво лагеридаги тўқнашув

Ажнабийлар режалари, қуроллилар, балки бузғунчи пиёда кучлар… қачонгача?!

2017 йил 1 март чоршанба куни Айн Ҳалво қочқинлар лагерида яна қуролли тўқнашув – бу сафар даҳшатли равишда – аланга олди. Бу тўқнашув қатор сиёсий воқеалар манзарасида бўлди. Масалан, хавфсизлик қўмитасининг тарқатилиши, кейин Фаластин раҳбари Маҳмуд Аббоснинг Ливан сафари, сафари давомида лагердаги фаол гуруҳлар, ливанлик сиёсатчилар ва хавфсизлик ходимлари ҳамда Фаластиннинг Байрутдаги элчихонаси ходимлари билан кўплаб учрашувлар ўтказиши… каби. Учрашувлардаги асосий кўзга ташланадиган нарсалар, хавфсизлик хизмати муаммоси ва нормаси ҳамда қидирувдаги шахсларни Ливан давлатига топшириш масаласи бўлди.

Маълумки, бу тўқнашувларда зоҳирда гўё қалқон ва таёқлардан фойдаланилган қилиб кўрсатилса-да, бироқ аҳоли билан лиқ тўла шапалоқдек лагер шимолида автомат ва замбараклардан фойдаланишди… Оқибатда бир киши ҳалок бўлиб, етти киши жароҳатланди. Натижада қочқинлар таҳдидга учраб, қочиб чиқишга мажбур бўлишди… Лагерга етказилган моддий зарарни ҳамда ёрдам масканлари, мактаблар ва хизматларнинг бутунлай издан чиққанини-ку, айтмасак ҳам бўлади. Гўё бу тўқнашув фаластинлик қочқинларнинг оддий инсоний ҳақ-ҳуқуқдан ҳам маҳрум бўлганлари камлик қилиниб, қасддан қилингандай, гўё уларга шунча бахтсизлик ва мусибатлар оздай! Бас, тўхтовсиз давом этаётган бу ҳодисаларнинг охири борми, ўзи?! Бундай мунофиқлик қачон тугайди?!

Айн Ҳалво лагеридаги бу аламли ҳодиса Ливандаги бутун фаластинлик қочқинлар 1948 йилдан бери бошдан кечириб келаётган аччиқ сиёсий воқеликнинг, яъни Фаластиннинг босиб олиниши ва аҳлини қувғин қилиниши воқелигининг натижасидир. Ва яна, уларнинг шўр пешоналарига озодлик ва қаршилик ҳаракати номи остидаги омадсиз лойиҳаларнинг битилиши воқелигининг натижасидир. Аслида таслим бўлишдан ўзга нарса бўлмаган бу лойиҳалар доирасига минтақадаги малай ҳукмдорлар ўртасида кечаётган курашлар ҳам киради. Курашда улар мусулмонларга зўравонлик қилишларини исботлаш учун қай бирлари озодлик ва қаршилик ҳаракати каби ялтироқ шиорлардан кўпроқ фойдаланиш устида пойга ўйнашмоқда… Шу орқали мустамлакачи кофир хўжайинларига қай даражада яқин ва дўст эканини кўрсатишмоқда. Бу хўжайинлари наздида уларнинг сариқ чақалик қадри йўқ. Фақатгина Фаластин заминида яҳудийлар давлатини мустаҳкамлаш масаласида қадри бор, холос…

Буларнинг барчаси Ливаннинг сиёсий режими кучсизлик қилаётган ва лагер ичкарисини назорат қила олмаслигини баҳона қилаётган бир пайтда содир бўлмоқда, даъво қилишича, у «халқаро қарорлар»га риоя қилиб, «қайтиш ҳуқуқини ёки яҳудийларнинг манзилгоҳ қуришларига йўл қўймаслик ҳуқуқини муҳофаза» қилаётган эмиш.

Маълумки, Аллоҳнинг изни ила, ўз аҳлини алдамайдиган етакчи ва мабдага эга сиёсий ҳизб бўлган Ҳизб ут-Таҳрирнинг Айн Ҳалводаги офиси ҳам бугун томонлар ўртасидаги отишмадан омон қолмади, йигитлари бомбалар хавфига юз тутмоқда. Ҳизб – Фаластин ва унинг аҳли масаласининг ечими бутун мусулмонларни қамраб олган сиёсий ечимда деб билади. Бундай сиёсий ечимга келинса, Пайғамбарлик минҳожи асосидаги рошид Халифалик барпо бўлиши билан сохта чегаралар вайрон бўлади, ёлғон ватанпарварликлар тугайди, ушбу Халифалик аҳли ва армияси яҳудийлар давлати билан унга дўстлик қилаётган малай ҳукмдорларни йўқ қилади. Шунга кўра, биз Ҳизб ут-Таҳрир аъзолари қуйидагича мурожаат йўллаймиз:

Эй лагерлардаги биродарлар!

Ўзингиз билган ва билмаган ҳолда, сиёсий ёки хавфсизлик режалари қурбонига айланиб, бир-бирингизга қурол кўтариб, бир-бирингизни ўлдириб, одамларни қўрқитадиган амаллардан сақланинг. Бу каби қилмишлар Аллоҳ Таолонинг қуйидаги каломида ва Росулуллоҳ САВ сўзларида айтилган кимсалар қилмишидан бошқа нарса эмас:

وَمَن يَقْتُلْ مُؤْمِنًا مُّتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّـهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا

«Ким қасддан бир мўминни ўлдирса, унинг жазоси жаҳаннам бўлиб, ўша жойда абадий қолажак, у Аллоҳнинг ғазаби ва лаънатига дучор бўлган, (Аллоҳ унга) улкан азобни тайёрлаб қўйган»                                                         [Нисо 93]

مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا

«Кимки бирон жонни ўлдирмаган ва ерда бузғунчилик қилиб юрмаган одамни ўлдирса, демак, гўё барча одамларни ўлдирибди»                             [Моида 32]

Росулуллоҳ САВ бундай дедилар:

«لو أن أهل السماء وأهل الأرض اشتركوا في دم مؤمن لأكبهم الله في النار»

«Агар само ва ер юзи аҳли битта мўмин қонини тўкишда шерик бўлган бўлса, Аллоҳ уларни албатта дўзахга киритмай қолмайди». (Термизий ривояти).

Яна Абу Довуд Абу Ҳурайрадан ривоят қилган ҳадисда ҳам бундай дедилар:

«لا يَحِلُ لمُسلمٍ أن يُروعَ مسلما»

«Мусулмон мусулмонни қўрқитиши ҳалол эмас».

Шунга биноан, мусулмонлар ўртасида уруш чиқаришни хориждан туриб молиялаштираётган кимсалар ҳам, ичкарида туриб уни амалга ошираётган кимсалар ҳам, бир-бирларига қарши ўқ отаётган кимсалар ҳам, ўт очишга берилган буйруққа бўйсунаётганлар ҳам, ҳар бири бундай гуноҳ учун Аллоҳга тавба қилиб олмоқлари ва қайтиб бундай қилмасликка қарор қилишлари лозим. Чунки бундай қилмишлар Аллоҳнинг ғазабига, азобига ва лаънатига ҳақлидир. Лагер аҳли ва у ердаги ақли расо инсонлар анавиларни қўлларидан ушлаб тўхтатиб қолмоғингиз керак.

Эй Ливан аҳли!

Бу қочқин биродарларингиз, сизга ё туғишган қариндошингиз, ёки қуда-анда қариндошларингиздир. Бас, улар билан сизнинг ўртангизда манфур айримачилик низоси чиқмаслиги лозим. Аксинча, уларга ёрдам беришингиз, орангизда тинч-фаровон яшашларига имконият яратишингиз даркор.  Орангизни ҳужжат ва шартномалар билан бирга, тўсиқ ва чегаралар ҳам бўлиб қўймасин. Уларга берадиган ёрдамларингиздан бири шуки, Ливан сиёсатчиларига босим қилинг, босим қилишингиз билан улар қочқинларга нисбатан хавфсизлик ойнасидан эмас, сиёсий ойнадан қарайдиган бўлсинлар, уларга хориждан тиқиштирилаётган ва ичкарида ижро этилаётган терроризм нуқтаи-назаридан эмас, шариатингиз нуқтаи-назардан туриб қарасинлар, шариатингиз нуқтаи-назари эса уларнинг хавфсизлигини таъминлаш ва ҳимоя қилишдан иборат.

Хотирангиздан ҳаргиз кўтарилмасин, Фаластин заминини озод этиш масаласи фаластинликларнигина эмас, балки бутун мусулмонлар масаласидир. Шундай бўлгач, халқаро кўрсатмаларга қулоқ солманг. Чунки у нарсалар бир кун ҳам сизга фойда келтирмади, билъакс, сизнинг, Фаластин аҳлининг ва барча мусулмонларнинг бошига бало бўлди… Вазиятни бутунлай беқарорлаштириб, маҳаллий уруш ўчоғига айлантирди, Аллоҳнинг шариатини ҳакам қилишдан ва битта рошид Халифалик давлатда бирлашишдан узоқлаштирди. Зотан, ушбу давлат юртларингизни озод этади, ишларингизни ҳақ билан бошқаради, жонингиз, молингиз ва номусингизни ҳимоя қилади.

يَا أَيُّهَا الَّذِينَ آمَنُوا اسْتَجِيبُوا لِلَّـهِ وَلِلرَّسُولِ إِذَا دَعَاكُمْ لِمَا يُحْيِيكُمْ

«Эй мўминлар, Аллоҳ ва Унинг Росули сизни абадий ҳаёт берадиган нарсага даъват қилган пайтда уни қабул қилинг»                                        [Анфол 24]

Ҳизб ут-Таҳрир                                                                           5 жумодус-соний 1438ҳ

Ливан вилояти                                                                           4 март 2017м