بِسْـــمِ اللهِ الرَّحْمٰـــنِ الرَّحِيـــم

Роя газетаси:

Шом қўзғолони заифлашиб қолганда унга тўғри йўлни кўрсатувчи сиёсий етакчиликка муҳтож

Устоз Аҳмад Муоз қаламига мансуб

Шом қўзғолони қийин ва зиддиятли кунларни бошдан кечирмоқда. Шимолий тараф яъни Ҳама ва Идлиб атрофидаги қишлоқларда заифлик кўринаётган бўлса-да, Ғута арслонлари режимнинг мувозанатини издан чиқариб, тартибсиз (чалкаш-чулкаш) ҳаракатланадиган аҳволга солиб қўйди. Мусулмон биродарларимизга қаттиқ азоб бераётган қалъаларидан бири бўлмиш Шарқий Ғутадаги транспорт идорасида ҳарбийлар қамалда қолгач, режим ёлғон гапиришга мажбур бўлди. Айни пайтда Диръа ва Ҳимсдаги бошқа фронтлар гўё Шомда яшамаётгандек ва рўй бераётган ишларга алоқаси йўқдек ҳамон чуқур уйқуда. Бу ажойиб зиддият қўзғолон гуруҳлари етакчилари режимни қулатадиган ҳақиқий амал талабига мувофиқ эмас, балки хорижий бошқарувга мувофиқ юришаётгани ва ўша бошқарувга боғланиб қолишганидан дарак беряпти.

Шом қўзғолонидаги зиддият режимни қулатишга келишиб олган аҳоли ўртасида эмас, балки бу зиддият гуруҳларнинг етакчилари ва уларнинг қонунийлиги ҳамда Шом аҳли ўртасида бўлмоқда. Буларнинг барчасига сабаб – Шом аҳли ва уларнинг қўзғолонига қарши мисли кўрилмаган халқаро тил бириктирув бўлаётган бир пайтда ҳамда халқаро низом ва унинг халқлар ҳисобига ўтказаётган ёлғон қадриятлари ҳақиқати фош бўлган бир пайтда – Шом аҳли ва қўзғолонни Аллоҳ, Росули ва мўминлар хоҳлаган томонга етаклайдиган онгли ва холис сиёсий етакчилик йўқлигидир.

Шу кунларда майдонда кечаётган воқеалар шуни кўрсатмоқдаки, хориждан туриб қўзғолонни бошқараётганлар ва гуруҳ етакчилари кейинги кунлар ҳақида ҳеч қандай фикрга эга эмас. Женева ва Остонада ўтказилган ва қўзғолонга ҳалокатли натижалар олиб келган хорлик келишувлари бу етакчиларнинг хорижга боғлиқ эканини ва улар учун одамлар чекаётган азоб уқубатлар эътиборсиз эканини кўрсатди. Чунки сўнгги кунларда Идлиб ва Ҳама атрофидаги қишлоқларда яшовчи биродарларимиз қиш мавсуми, шамол ва ёмғирлар остида уйларини ташлаб чиқиб кетишди. Сабаби режимнинг қуролли гуруҳлари манфаатдан бошқани кўрмайдиган ва Дамашқдаги жиноятчи режимини сақлаб қолишга уринаётган халқаро ҳамжамият қарорларига боғланиб қолган гуруҳлар ҳисобига устунликка эришишди.

Бу сиёсий келишувлар шуни кўрсатмоқдаки, ўзларини Шом аҳли вакилларимиз деб даъво қилаётганлар калтабинликдан бошқа масъулиятни ҳис қилишмаяпти, хоин ва малайликлари ҳақида айтмаса ҳам бўлади. Чунки режимга қарши қўзғолонга чиққан Шом аҳли биринчи кунданоқ бу режимнинг ҳақиқатини ҳамда Ғарб давлатлари ва БМТ бошчилигидаги жиноятчилар уни ҳимоя қилаётганини тушунган. Шунинг учун улар биринчи кунданоқ (Эй Аллоҳ бизнинг сендан бошқа ёрдамчимиз йўқ) деган шиорни кўтаришган. Айни пайтда биз қўзғолон вакилларимиз деб даъво қилаётганларнинг ҳеч қандай сиёсий тушунчалари, қонунлари ва асослари йўқ эди. Улар қўзғолон душманлари қўлидаги қўғирчоққа айланишган, душманлар уларни театрлаштирилган анжуманларга олиб бориб, улар орқали муаммоларини сотиб ва принциплардан воз кечишмоқда. Бу ҳам етмаганидек барча даражаларда жанг қизиган бир пайтда режим куч билан қўлга кирита олмайдиган нарсани музокаралар орқали, барчанинг кўз ўнгида унга бериб юборишди. Қўзғолондаги машаққатли кунлар шуни исботладики, ҳарбий ютуқлар ахлоқ ва қийматлардан холи олам соясида ўтказилган маккорона конференциядаги кичкинагина сиёсий қарор қаршисида ҳавога учмоқда.

Биз қўзғолон қўлга киритган ютуқларга ишониб бўлмайди, чунки эртага конференцияда ундан воз кечишади деб бир неча бор айтган эдик. Кунлар ўтар экан, сўзимиз ўз тасдиғини топди. Чунки қўзғолонда сиёсий етакчилик етишмаганидан улкан ҳарбий ишлар ва катта қурбонликлар бекор кетди. Бу тирик қолиш учун муҳим жиҳатдир. Чунки режим кенг майдонларни бой бериши ва барча майдонларда зарар кўришига қарамай сиёсий етакчилиги унинг вужудини сақлаб келмоқда.

Режимни тинимсиз қўллаб-қувватлаб туришлари ва аксар минтақаларни қайтариб олиши билан ўз бошпанасини мустаҳкамлаб олмоқда. Муаммо қўзғолоннинг ботиллигида эмас, балки ундаги шахсларни ўзгартириш лозим. Бизнинг ҳолатимизда муаммоли кишилар гуруҳ етакчилари бўлиб, улар қўзғолон ҳақиқати ҳамда шарт ва қўшимчалар юклаётган давлатлар позициясини англашмаяпти. Бу етакчилар заиф, қўрқоқ ва хоин бўлишгани туфайли ўша давлатлар нимани айтса, ўшани қабул қилишди. Натижада тўғри иш қиляпмиз деб ҳисоблаб қўзғолон ва унинг аҳлини эътиборсиз қолдиришди. Шунинг учун Шом аҳли ушбу етакчиларни ўзгартиришлари лозим.

Бошқа тарафдан эса қўзғолон шимолда заиф бўлиши ва режимнинг қуролли гуруҳлари устун келишига қарамай, режим маркази ва пойтахтида кучли эканини кўрсатди. Чунки Хораста шаҳри қўзғолончилари озчиликни ташкил қилсада, режимнинг мана шу сабрли озчилик қаршисида заифлиги ва кучдан қолганини исботлашди. Агар ирода бўлса бу устунликка суяниб, режимни янчиш ва бутунлай йўқ қилиш томон қадам ташлаш мумкин. Лекин гуруҳлар етакчиларида қўзғолон ва унинг амалга оширилиши лозим бўлган мақсадлари борасидаги стратегик фикрлаш етишмаётганидан бу нарса хусусан ҳарбий жиҳатда мавжуд эмас. Бу мақсадларни амалга ошириш кайфияти ҳаёт ҳақидаги нуқтаи назарга боғланиши лозим. Биз мусулмонларнинг ҳаёт ҳақидаги нуқтаи назаримиз исломий ақида, яъни (Ла илаҳа иллаллоҳ Муҳаммадур Росулуллоҳ)га боғлиқдир. Бошқача айтганда ҳаётимиздаги барча нарсалар қанчалик кичик бўлмасин Аллоҳнинг буйруқларига боғлиқ ва унинг ижро қилиш тариқати Пайғамбаримиз ﷺнинг йўлидан юриш билан амалга ошади. Чунки қўзғолонимиздаги кураш режимга қарши қўзғалган гуруҳ шакллантираётган Ислом билан режим ва БМТ ўз ташкилоти, муассасалари ва қонунлари билан шакллантираётган куфр ўртасидаги кураш экани аниқдир. Биз бу курашда ғалаба қилишимиз учун унинг сабабларини ушлашимиз лозим. Бу эса барча иш, хусусан сиёсий ишда Аллоҳнинг буйруқларига боғланиш билан рўёбга чиқади.

Шунга кўра, агар биз шу аҳволда давом этаверадиган бўлсак, жар ёқасига бориб, боши берк кўчага кириб қоламиз. Шунингдек халқимиз ва аҳлимизнинг инсоний сабр тоқати борасида умидимиз сўнади. Биз буни англашимиз учун уйқудан уйғонишимиз лозим. Мен бу борада ҳарбийларга айтар сўзим шуки, режим Россия самолётларининг бир парча жойга беҳисоб бомба ёғдиришлари остида устунликка эришмоқда. Биз бу ҳужумларни икки йўл билан пучга чиқаришимиз мумкин: Биринчи: Ҳалабдан Ғоб соҳили, Ҳимс, Диръа ва бошқа жойларгача режим билан курашиш учун янги фронт очиш. Иккинчи: Россиянинг Хмеймимдаги базасига кириб бориш ва кучини синдириш учун соҳилдан фронт очиш. Гуруҳ етакчилари Женева, Остона ва бошқа жойларда йўл қўйган аҳмоқликлари туфайли биз қилишимиз лозим бўлган ишга қаттиқ бел боғласак, Аллоҳнинг изни билан буни амалга оширамиз. Чунки улар бу конференцияларда режимни қулатиш ва Исломни ҳакам қилиш борасидаги истагимизни бўғишга ҳаракат қилишмоқда.

Эй Шом аҳли, кимки қўзғолон ўз кучида турган пайтда уни сақламаса ва охирига етказмаса, у заифлашгач уни сақлаб қола олмайди. Бу ўта юксак иш бўлиб, унга девор ортини кўра олувчи, ёрқин фикрли, илмда собит бўлган кишилар бел боғлайдилар. Чунки душманларимиз макр ҳийла ва алдов билан устимиздан ғалаба қилмоқдалар. Биз эса тил бириктирувлар туфайли мағлуб бўлган ҳолда уларнинг қўл остига тушмоқдамиз. Биз берган қурбонларимизни сақлаш ва шаҳидларимиз қонини оқлаш учун қўзғолон етакчилигини уни бошқаришга қодир, у билан бўрон ва тўлқинларга қарши тура олувчи, келажакни кўра оладиган, душманларнинг тил бириктирувларини фош қила оладиган сиёсий режага эга, моҳир капитанга топширишимиз лозим. Шунингдек ярамас, қўрқоқ ва Ғарбга малай кимсаларни қўзғолон етакчилигидан узоқлаштириш учун барча соҳа, халқ соҳаси, ҳарбий соҳа ва ижтимоий соҳада ҳаракатланиш зарур. Шунинг учун Ҳизб ут-Таҳрирни сиёсий етакчи қилиб олинса, режимни қулатиш ва Пайғамбарлик минҳожи асосидаги рошид Халифаликни тиклаш орқали нусрат ва имкониятга эришилади.

﴿إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ﴾

«Албатта Биз пайғамбарларимизга ва имон келтирган зотларга ҳаёти дунёда ҳам, гувоҳлар (ҳозир бўлиб) турадиган Кунда (Қиёматда) ҳам ёрдам берурмиз»    [Ғофир 50]

Роя газетасининг 2018 йил 10 январ чоршанба кунги 164-сонидан