«Ал-Ваъй» журнали Қуддус ва муборак Ақсо масжидини қўллаб-қувватлаш учун тадбирлар ўтказди
بِسْمِ اللهِ الرَّحْمنِ الرَّحِيمِ
Роя газетаси:
«Ал-Ваъй» журнали Қуддус ва муборак Ақсо масжидини қўллаб-қувватлаш учун тадбирлар ўтказди
Фаластин ва Қуддус турли хил хиёнат ва тил бириктирувларга юз тутмоқда. Мана, яқинда Трамп Қуддус яҳудийлар давлатининг пойтахти, дея эълон қилди. Мана шуларни эътиборга олиб, «Ал-Ваъй» журнали гуруҳи муборак Фаластин заминида Ҳизб ут-Таҳрирга аъзо талабалар доирасида баёнотлар тарқатиш ва намойишларда нутқ сўзлаш, плакатлар кўтариб чиқиш каби бир қатор тадбирларни уюштирди.
Журнал гуруҳи «Ҳукмдорларнинг Трамп қарорига норозилик билдириб қўйишлари уларнинг Қуддус ва муборак Ақсога эмас, яҳудийларга содиқ дўст эканини тасдиқлади», дея номланган баёнот чиқарди. Ҳукмдорларнинг мана шундай шармандали позицияларини улар берган баёнотлар кўрсатиб турибди. Зеро, бу баёнотлар Исро ва Меърож маскани бўлмиш муборак Фаластинни босиб олган, етмиш йилдан бери унга ҳукмронлик қилиб, Фаластин аҳли бошига азоб-уқубатлар солаётган яҳудийлар билан ўртадаги тинчлик амалиёти бузилишидан уларнинг ташвишда эканликларини ифодалади. Улар Трампнинг ушбу қарори мазлум халқларни қўзғаб юборишидан, оқибатда минтақадаги хавфсизлик ва барқарорлик издан чиқиши мумкинлигидан қўрқишяпти. Бу ҳукмдорлар яҳудийлар билан бўлган кураш – Трамп қарори туфайли – музокаралар, БМТ, халқарор қонун ва қарорлар курашидан Ислом Уммати билан бўлган диний-эътиқодий курашга айланиб кетиши мумкинлигидан хавфсирашяпти. Чунки Уммат худди Фаластиннинг денгизидан то қуруқлигигача барча ери каби, Қуддуснинг ҳам шарқидан то ғарбига қадар ҳамма қисмини Исломий Умматнинг мулки, деб эътиқод қилади.
«Ал-Ваъй» гуруҳи ўз баёнотида Трамп қарорига бериладиган жавоб Уммат томонидан ер ларзага келтирилиб, анави разил ҳукмдорлар тахтларини қулатишдан ҳамда Пайғамбарлик минҳожи асосидаги иккинчи рошид Халифаликни барпо этишдан бошланиши кераклигини таъкидлади. Зеро, рошид Халифалик Фаластинни озод этиш учун армияларни сафарбар қилади. Ўз навбатида армиялар Ақсога тукбиру таҳлиллар билан кириб борадилар…
Намойишлар чоғида сўзланган нутқларда «Ал-Ваъй» журнали гуруҳи исломий юртлар ҳукмдорлари реакцияси Американи яҳудийлар босқинчилигига қонунийлик тусини беришга ҳақли, дея тан олиш деб ҳисоблади. «Ал-Ваъй» журнали гуруҳи уларнинг реакцияларини мана шундай ифодалаб, буни катта жиноят ва сиёсий жиҳатдан ўз жонига қасд қилиш дея сифатлади. Чунки Фаластин заминининг ҳамма қисми исломий заминдир. Ундан воз кечишга ҳамда у ердаги босқинчиликка қонунийлик тусини беришга – АҚШ у ёқда турсин – мусулмонлар ҳам ҳақли эмас.
Шуни таъкидлаб ўтиш лозимки, ҳукмдорлар Трамп қарорига – у тинчлик амалиётига путур етказиши ва икки давлат ечимини бузиши мумкин, деган эътиборда – норозилик билдиришди. Ҳукмдорлар тақдим этаётган ва барбод бўлишидан қўрқаётган ечим Американинг икки давлат ечимидир. Яъни улар бир жиноятни бошқа жиноятга алмаштиришмоқда. Аммо Қуддус ва уни яҳудийлар ифлослигидан поклаш масаласи мутлақо ҳукмдорлар ҳисобига киритилмаган.
Роя газетасининг 2017 йил 20 декабр чоршанба кунги 161-сонидан
