بِسْمِ اللهِ الرَّحْمنِ الرَّحِيمِ

Роя газетаси:

Яқинда булар мағлуб бўлиб, ортларига қараб қочиб қолурлар

Ҳалабда қонхўр режим билан Ҳизбуллоҳнинг навбатдаги йўқотишлари

Якшанба куни Сурия қуролли мухолафати юртнинг иқтисодий пойтахтида давом этаётган жангларда Сурия режими кучлари билан Ҳизбуллоҳ сафларида кўплаб инсон ўлдирилганини хабар қилди.

«Жайшул Мужоҳидин» матбуот бўлими «Бугун Ливандаги Ҳизбуллоҳ кучларидан тўлиқ бир гуруҳи Ҳалаб жанубидаги Уҳуд тепалигида танкка қарши ракеталар ҳужумига учраши ортидан ўлдирилди, шу билан бирга, яна бир гуруҳ ҳам Мўъта тепалигига киришга уриниши чоғида ўлдирилди», дея билдирди.

Ушбу тепаликлар Сурия мухолафати кучларининг жанубий районлардан Ҳалаб шаҳри жанубидаги ҳарбий билим юртлари томон йўналишида муҳим нуқта ҳисобланади.

Сурия режими кучлари хорижлик жангарилар ёрдамида айни шу минтақалардаги мухолафатга қарши ҳужумларни амалга оширишга уринмоқда. Бу ҳужумлардан мақсад режим томонидан жорий қилинган қамални ёриб ўтиш уринишларини тўхтатишдир.

«Ғурфати амалиёт фатҳи Ҳалаб»нинг маълум қилишича, «Ҳалаб шаҳри шарқига ўрнатилган миналар портлатилиши натижасида режим унсурларидан бир нечтаси ўлдирилган».

Сўнгги ҳафталарда, хусусан, мухолафат жангчиларининг қамални синдириш жангини бошлаганларидан сўнг, режим кучлари билан уларга тарафдор жангарилар сафларида инсоний талофатлар кўп учрамоқда. (Арабий Жадид).

Роя газетасининг 2016 йил 9 ноябр чоршанба кунги 103-сонидан