بِسْمِ اللَّـهِ الرَّحْمَـٰنِ الرَّحِيمِ

Аллоҳ Эрдўған фитнасини яксон қилгай

Хабар:

“Эрдўған Истамбулда Барзоний билан учрашади” – Aljazeera.net 2017 йил 26 февралда шундай хабар тарқатди.

Яна хабар қиладики: “Туркия президенти Ражаб Тойиб Эрдўған якшанба куни Истамбулда Ироқ Курдистони президенти Масуд Барзоний билан учрашди. Турк ахборот агентликлари маълумотларига қараганда, Эрдўған ва Барзоний Мосул ва Тал-Афарадаги сўнгги ҳодисаларни, КИП (Курдистон Ишчилари Партияси) нинг Ироқ шимолидаги мавжуд қисмларини, шунингдек Сурия майдонидаги сўнгги ҳодисаларни муҳокама қилишлари кутилмоқда”.

Изоҳ: Туркия атрофида бирон сиёсий ҳодисалар содир бўлиши билан биз Эрдўғандан бир-бирига зид бўлган ҳаракатларни кўрамиз ва бир-бирига зид бўлган баёнотларни эшитамиз. У Усмоний султонларни Ислом билан бошқарганлари учун эмас, балки уларни турк бўлганлари учун кўкларга кўтаради, шунингдек уларни Ислом ва мусулмонлар душмани, хоин, жиноятчи Мустафо Камол билан тенглаштиради. Биз Эрдўғанни Ҳалаб ва Ҳама шаҳарларини қизил чизиқ эканлиги ва у буларни қайта такрорланишига йўл қўймаслиги ҳақидаги баёнотларини кўрамиз. Аслида у Сурия инқилобига қарши тил бириктирувлар уюштирмоқда, Америка фойдасига Ҳалабни арзон-гаров сотмоқда, оташин нутқлар қилмоқда, лекин шу вақтнинг ўзида унинг баёнотларидан бирортаси душманларга қарши курашда Умматга фойда келтирмади. Булардан ташқари, турк армияси америкаликлар манфаатларига хизмат қилмоқда.

Шу билан кифояланмасдан, Курдистон масаласида Эрдўған қандай қарорга келганини кўриб турибмиз. Туркия ўз чегарасида мухторият ташкил қилишни очиқ талаб қилаётган Сурия курдларидан азият чекмоқда, Америка эса уларнинг сепаратистик талабларини махфий равишда қўллаб қувватламоқда. Шубҳа йўқки, бу ҳодисалар Туркия сиёсатига – айниқса, Американинг турк курдларини ҳам ажралиб чиқишга гиж-гижлаётгани ҳисобга олинса – таҳдид туғдиради. Шундан сўнг, Эрдўған Вашингтон талабига жавобан ҳамда “терроризм” га қарши кураш баҳонаси билан ўз ҳаракатларини Ироқ курдлари билан мувофиқлаштирмоқда. Наҳотки, Эрдўған Американинг Туркия ҳудудида Курдистонни пайдо бўлишини ҳеч қачон қўллаб қувватламаслиги тўғрисидаги ваъдаларига ишонса? Ёки у Америка бу ваъдаларини бажармаслигини ва ўз малайларига ҳеч қандай аҳамият бермаслигини биладими? Бироқ шу билан бир вақтда, у худди энг содиқ қулдай ўзидан мамнун, ҳатто одамларни бундай эмаслигига ишонтирмоқчи бўлаётган бўлса ҳам.

Шубҳасиз, Эрдўған Америка буйруқларига кўра ҳаракат қилмоқда ва улардан заррача ҳам оғишмаяпти. Шундай экан, биз унга ишонаётганлардан сўраймиз: “Наҳотки, Эрдўған ва бошқа мусулмонлар ҳукмдорлари Абу Бакр ва Умарчалик ишончга сазовор бўла олсалар? Эсланг, Исломдаги буюк инсон Ибн Аббос ғазабланиб шундай деган: “Аллоҳнинг Расули (с.а.в) дейдилар…”, кимдир унга эътироз билдириб: “Абу Бакр айтади ва Умар айтади…”, – деди. Шунда у жавоб берди: ““Қўрқаманки, мана ҳозир устиларингга осмондан тош тушади! Мен сизларга айтаманки: “Аллоҳнинг Расули (с.а.в) дедилар”, –  деб, сизлар бўлса: “Абу Бакр айтади, Умар айтади!”, – дейсизлар”. (Аҳмад)

Абдуллоҳ ибн Умар (р.а) дан ривоят қилинишича, одамлар у билан Суннатга оид баъзи масалалар борасида баҳс қилишни бошлаганларида у: “Биз Умарга эргашишга буюрилганмизми ёки Суннатгами?”, – деди. Ахир муаммо Абу Бакр ёки Умарга ишончсизликда бўлганми? Йўқ! Бу ердаги масала шахсларга эмас, Шариатга эргашишдадир.

Ҳизб ут-Таҳрирнинг Марказий ахборот офиси

радиоси учун махсус

Бассам ал Мақдисий

1 Жумадус соний 1438 ҳ.й.

28.02.2017 й.