Матбуот баёноти

Америка Пайғамбарлик минҳожи асосидаги рошид Халифалик тонги отиши борасида хатар бонгини урмоқда

Уммат мустамлакачилик бўйинтуруғидан қутулиш сари олға қадам ташлаб, Ғарб гегемонлигидан озод бўлишга ҳаракат қилгани сари, Америка Уммат орасидаги холис инсонлар ҳаракатидан қўрқиб, хатар бонгини урмоқда. Чунки Халифалик келаётганини, Росулуллоҳ ﷺ хушхабар берган рошид Халифалик қайта барпо бўлаётганини билишяпти. Шом тоғути Башар Асад қочиб қолиб, қўзғолончилар Дамашққа киришгандан кейин АҚШ ўзининг салибчи иттифоқчилари билан бирга оёққа турди. Бу вазиятни жуда катта иш деб билган Америка ва унинг иттифоқчилари вазиятни назорат қилиш мақсадида бирин-кетин ўз ҳукуматлари вакилларидан элчи ва делегацияларни юборди. Чунки вазият назоратдан чиқиб кетса, бу нарса, айниқса, Ғарб дунёси учун жиддий ва салбий оқибатларга олиб келиши мумкин.

Мусулмон ўлкалари шарқидаги Бангладешга келсак, тоғут Ҳасина қочиб кетгандан сўнг Америка ва унинг малайи Ҳиндистон вазиятни ғоят хавотир билан яқиндан кузатишмоқда. Улар бу иш Ислом ва унинг аҳли қўлига ўтиб кетишидан хавфсирашяпти. Америка дунё мусулмонларининг – шу жумладан Бангладеш аҳлининг – юраги талпинаётган ягона кандидат Ислом эканини яхши англаб турибди. Шунинг учун Бангладеш армиясини золим Ҳасинани тахтдан ағдариб, Ҳиндистонга қочишга мажбур қилган талабалар қўзғолонини назорат қилиш учун ўзининг сургундаги одами Муҳаммад Юнусни яна майдонга олиб келди.

АҚШ миллий разведка директори Тулси Габбард Ҳиндистоннинг «NDTV» телеканалига берган интервьюсида «Бангладешдаги кичик этник гуруҳларнинг таъқиб қилинаётгани ва ўлдирилаётгани ҳамда мамлакатдаги исломий террорчилар таҳдиди исломий халифалик бошқаруви мафкураси ва мақсадини кенгайтираётгани»ни даъво қилди. Бу баёнот Ҳизб ут-Таҳрир – Бангладеш вилоятининг 2025 йил 7 март жума куни оммавий юриш ўтказиши ортидан айтилди. Маълумки, ушбу юриш Ҳизб одамларга Халифалик ағдарилганини эслатиш ва уларни Пайғамбарлик минҳожи асосидаги рошид Халифаликни барпо этишга даъват қилиш ва куч-қудрат аҳлидан Халифалик ағдарилиши хотирасида уни қайта барпо этиш учун Ҳизб ут-Таҳрирга нусрат-ёрдам беришни талаб қилиш мақсадида уюштирилган. Бироқ юришнинг муваққат ҳукумат томонидан шафқатсизлик билан бостирилиши Бангладеш муваққат президенти Муҳаммад Юнуснинг парвойига ҳам келмади. Нобел мукофотига сазовор бўлган, АҚШнинг собиқ президенти Билл Клинтон билан қирқ йил дўст тутиниб, унинг маъмурияти олқишларини олган бу кимса айни бостиришга эътибор бермай, Нью-Йоркка бориб АҚШнинг собиқ президенти Жо Байден билан учрашди.

Бангладеш муваққат ҳукумати АҚШ разведка бошқармаси директори Тулси Габбарднинг баёнотларига кутилганидан ҳам қаттиқроқ муносабат билдирди. Ҳукумат ўз банотида Габбарднинг сўзларини «чалғитувчи» ва «мамлакат обрўсига путур етказувчи» деб атаб, Бангладешнинг анъанавий тарзда Исломга тинч йўл билан амал қилиб келаётганини ва «экстремизмга қарши курашда сезиларли ютуқларга эришганини» таъкидлади. Демакки, Бангладеш муваққат ҳукумати ва у ердаги давлат ортидаги давлат Исломга қарши курашиш ва Халифалик тузумининг қайтишига йўл қўймаслик учун қўлидан келганча ҳаракат қилмоқда. Бангладеш сиёсий элитасининг Ғарбга содиқлиги вақтинчалик ҳолат эмас, балки узоқ йиллар давомида шаклланган сиёсий позициядир. Ҳасина қочиб кетди, лекин унинг изидан борганлар ҳали ҳам саҳнада. Худди ўша эшиклар қоқилиб, айни ўша элчилар ва мустамлакачи кучлардан кўрсатма олинмоқда. Шунинг учун Исломга қарши курашиш ва Халифаликни барпо қилишга даъват қилаётганларни бостириш учун бор кучлари билан ҳаракат қилаётганликларини даъво қилиб, ўзларини бепарволикда айблаган бундай баёнотларни кескин қораладилар.

Исломий юртлардаги, шу жумладан, Бангладешдаги ҳукмдорлар ва давлат ортидаги давлат кўпинча пайқамаётган ёки эътиборсиз қолдираётган бир ҳақиқат бор. У ҳам бўлса, Американинг мусулмон ўлкаларда Ислом сўзининг биргина тилга олинишидан ҳам ваҳимага тушаётганидир. Қолаверса, АҚШ Бангладеш ва бошқа исломий ўлкаларда исломий ҳаётни қайта тиклаш чақириқларини ҳеч қачон енгил қабул қилмаяпти, аксинча, жуда жиддий қабул қилмоқда. Масалан, миллий разведка директори Тулси Габбард ва унинг давлати Ғарбнинг бузғунчи очкўз маданиятига муқобил буюк маданият-ҳазорат Ислом эканини англамоқда ҳамда агар Халифаликка даъват қилаётганларни тек қўйиб қўйилса, Уммат айни даъват атрофига бирлашиб, Ислом бошқарувини танлашини ва Аллоҳнинг Китоби, Росули ﷺнинг суннатлари билан ҳукм юритувчи халифага байъат беришини яхши билиб турибди.

Шунинг учун Америка ва унинг салибчи иттифоқчиларининг сиёсати олдини олиш стратегиясига асосланмоқда. Яъни Ислом ўлкаларидаги ўз малайлари ва одамларига Халифаликка даъват қилувчиларни Умматдан ажратиб қўйишга кўрсатма бермоқда ва шу мақсадда тақиқлаш, қувғин қилиш, қамоққа ташлаш, бостириш каби ўз ихтиёрларидаги барча воситалардан фойдаланишларини хоҳламоқда.  Бу ҳолат Қурайшнинг Пайғамбаримиз Муҳаммад ﷺ ва у зотнинг саҳобаларига қарши олиб борган бойкот, қийноқ, ёмонотлиқ қилиш ва туҳмат сиёсатини эслатади. Лекин Аллоҳ Таоло Ўз динига ёрдам бериб, уни барча динлардан устун қилди. Америка буни истамаса-да ва унинг разведка бошқармаси бошлиғи ақлдан озса-да, тез орада Аллоҳнинг изни ила Халифаликка даъват қилувчилар зафар қозонади!

﴿يُرِيدُونَ لِيُطۡفِ‍ُٔواْ نُورَ ٱللَّهِ بِأَفۡوَٰهِهِمۡ وَٱللَّهُ مُتِمُّ نُورِهِۦ وَلَوۡ كَرِهَ ٱلۡكَٰفِرُونَ + هُوَ ٱلَّذِيٓ أَرۡسَلَ رَسُولَهُۥ بِٱلۡهُدَىٰ وَدِينِ ٱلۡحَقِّ لِيُظۡهِرَهُۥ عَلَى ٱلدِّينِ كُلِّهِۦ وَلَوۡ كَرِهَ ٱلۡمُشۡرِكُونَ﴾

«Улар Аллоҳнинг нурини (яъни Исломни) оғизлари (яъни беҳуда гаплари) билан ўчирмоқчи бўлурлар. Аллоҳ эса, гарчи кофирлар истамасалар-да, Ўз нурини (яъни динини) тўла (яъни ҳар тарафга) ёйгувчидир. У (Аллоҳ) Ўз пайғамбарини ҳидоят ва ҳақ дин билан – гарчи мушриклар истамасалар-да — барча динлар устидан ғолиб қилиш учун юборган зотдир»                                       [Соф 9]

Биз Бангладеш аҳлига ва армиядаги холис ҳарбийларга шуни эслатмоқчимизки, улар кофир Ғарб кучлари томонидан нишонга олинмоқдалар ва бу кучлар уларга яхшилик бўлишини ҳаргиз истамайди. Чунки яхшилик Исломнинг қайтиши ва Аллоҳ нозил қилган аҳкомлар билан ҳукм юритилишидан иборат. Шунинг учун бу кучлар халқ билан Халифаликни барпо этиш даъвати ўртасига тўсиқ қўйишга қаттиқ ҳаракат қилишяпти. Шу сабабдан Бангладеш аҳли айни тил бириктирув тузоғини англаб етмоқлари ва Ҳизб ут-Таҳрир билан биргаликда уни барбод этмоқлари даркор. Америка Бангладешдаги ўзининг малайларини кучайтиришидан, эҳтимолки, тоғут Ҳасинани қайта ҳокимиятга олиб келишидан олдин Бенгал армиясидаги холис ҳарбийларимиз Ҳизб ут-Таҳрирга нусрат беришга шошилмоқлари лозим.

﴿مَّا يَوَدُّ ٱلَّذِينَ كَفَرُواْ مِنۡ أَهۡلِ ٱلۡكِتَٰبِ وَلَا ٱلۡمُشۡرِكِينَ أَن يُنَزَّلَ عَلَيۡكُم مِّنۡ خَيۡرٖ مِّن رَّبِّكُمۡۚ وَٱللَّهُ يَخۡتَصُّ بِرَحۡمَتِهِۦ مَن يَشَآءُۚ وَٱللَّهُ ذُو ٱلۡفَضۡلِ ٱلۡعَظِيمِ﴾

«На аҳли китоблар (яҳудий ва насронийлар)дан бўлган кофирлар сизга Роббингиз тарафидан бир яхшилик тушишини истайдилар ва на мушриклар. Аллоҳ эса раҳмат-марҳаматини ўзи хоҳлаган кишиларга хос қилиб беради. Аллоҳ буюк фазлу карам соҳибидир»    [Бақара 105]

Ҳизб ут-Таҳрирнинг марказий матбуот бўлими