Америка ва Россия Ўзбекистонни мустамлака қилишда сақофий йўналишни кучайтирмоқда

بِسْمِ اللهِ الرَّحْمٰنِ الرَّحِيم

Хабар: Россия Маориф вазирлиги билан Ўзбекистон Халқ таълими вазирлиги Тошкентда 100 минг нусхада янги рус тили дарслиги чоп этган. Бу ҳақда МДҲ Ижроия қўмитаси матбуот хизмати маълумот тарқатди.

Қайд этилишича, “Зўр!” (“Класс!”) лойиҳаси доирасида чоп этилаётган бу дарсликлар ўқиш ўзбек тилида юритиладиган мактабларнинг иккинчи синф ўқувчилари учун тайёрланган. Бунақа дарсликлардан жами 600 минг нусхадан кўпроқ чиқариш режаланган.

Лойиҳа доирасида шу йил сентябридан рус тили бўйича янги дарсликлардан тажриба тариқасида 3–7-синф ўқувчилари ўртасида, янги йилдан бошлаб эса 8–11-синф ўқувчилари ўртасида фойдаланилади.

Аввалроқ Халқаро тараққиёт бўйича АҚШ агентлиги (USAID) халқаро нашриётлар томонидан ишлаб чиқилган икки дарслик лицензиясини сотиб олиш учун Ўзбекистон Халқ таълими вазирлигига 10 миллион доллар ажратилганини эълон қилган эди. (Озодлик, 11.08.2021й)

Изоҳ: Маълумки, тил ўргатиш сақофат бериш йўлларидан биридир. Чунки сақофат ҳаёт ҳақидаги фикрлар мажмуаси бўлиб, қайси миллатнинг тили ўргатилса, тил билан бирга ўша миллатнинг урф-одатлари, дунёқараши, маданияти, фалсафаси ҳам қўшиб ўргатилади. Шунинг учун ҳам таълим дастуримизга киритилаётган рус ёки инглиз тилларини ўргатадиган дарсликларда Исломга зид бўлган фикрларни кўришингиз мумкин. Агар ишонмасангиз, фарзандингизга ўргатилаётган рус ёки инглиз тили китобларини очиб, диққат билан ўқиб кўринг. Ушбу китоблар тилни ўргатиш баҳонасида ғайриисломий фикрлар билан тўлиб-тошган. Энг хавфлиси шуки, бу китоблар бола ақлини танишидан бошлаб то балоғатга етгунига қадар бўлган даврни ўз ичига олган мактаб дарсликларида ўқитилади. Яъни ёш авлодни бузуқ ва нотўғри фикрлар билан тарбиялаш, душманларимиз манфаатлари учун хизмат қиладиган муросасоз кадрлар етишиб чиқишига хизмат қилади. Мустамлакачилик лойиҳаларини амалга оширишда таълим тизимининг роли каттадир. Шунинг учун чет тилларини ўргатиш баҳонасида Россия ва Америка таълим дастурларимизга ўзларининг хато ва бузуқ фикрларини ҳар хил дарсликлар орқали киргазишдан манфаатдордир.

Ўзбекистон ҳукумати эса, бундай бузуқ сақофатдан мусулмонлар фарзандларини ҳимоя қилиб, уларнинг дунёқараши ва қадриятларига мос келадиган энг тўғри фикрлар билан тарбиялайдиган, Ислом ақидасига асосланган таълим дастурини ишлаб чиқиш ўрнига, барча ёмонликлар уяси бўлган динни ҳаётдан ажратишга асосланган таълим дастурини гоҳ Америкадан, гоҳ Россиядан кўчириб олмоқда. Бу ўринда дастурлар ва дарсликлардаги берилаётган фикрларга умуман эътибор бермаяпти. Шундай бузуқ фикрларга тўла бўлган дарсликларни тасдиқлаб, уни мусулмонлар фарзандларига ўқитишга зўр бериб ҳаракат қилгани ҳолида, кимдир мустақил равишда Исломдан бир нарсани ўргатаётган бўлса, уни жиноятчига чиқариб жазоламоқда. Буни қарангки, фарзандларимиз онгини ёшлигидан бошлаб нотўғри фикрларга тўлдириш таълим бериш ҳисобланса, Исломни ўргатиш жиноят экан. Ахир, шу ҳукумат Ислом ақидасига асосланган таълим дастурини ишлаб чиқиб, уни татбиқ қилиши, хусусий таълим даргоҳларини излаб топиб тақиқлаш ўрнига, уларга Исломий таълим дастури доирасида фаолият юргизишида амалий ёрдам бериши керак эмасмиди? Агар ушбу ҳукуматнинг мақсади Америка ва Россияни рози қилиш эмас, балки Аллоҳни рози қилиш бўлганда эди, шундай қилган бўларди.

Мусулмонлар учун таълим дастури ёлғиз Ислом ақидасига асосланмоғи лозим. Чет тилларини ўрганиш – Ислом даъватини бошқа халқ ва миллатларга етказишда тил муҳим рол ўйнашини ҳисобга олган ҳолда – жоиз ишлардан ҳисобланади. Бироқ тилга алоқадор бўлган дарсликлар ҳам Ислом ақидасига зид бўлмаган ҳолда ишлаб чиқилиши керак. Бунинг учун Ислом давлати ушбу соҳа мутахассисларининг Ислом ақидаси доирасидаги дарсликларни ишлаб чиқишларига эътибор қаратади. Бу дарсликларга динни ҳаётдан ажратишга асосланган ёки бошқа дунёқарашлардан бирор фикр кириб қолишига йўл қўйилмайди.

Ҳизб ут-Таҳрирнинг Ўзбекистондаги матбуот бўлими аъзоси Фаррух

14.08.2021й