بِسْمِ اللهِ الرَّحْمٰنِ الرَّحِيمِ

Амирликларнинг Ямандаги ҳукмрон режим бош вазирини учрашувга таклиф қилиши ортидаги мақсад

Ҳизб ут-Таҳрир – Яман вилояти матбуот бўлими нашр қилган баёнотда, Амирликларнинг Ямандаги ҳукмрон режим бош вазири Муин Абдулмаликни таклиф қилиши ортидан кўзлаган мақсадлари ҳақида сўз юритилади. Баёнотда бундай дейилади: Инсон ҳуқуқлари масаласи Амирликлар билан боғлиқ масалаларнинг биринчи сафида турибди. Хусусан, Аданда қўшма комиссия тузилиб, Яман жанубидаги турли ҳудудларида инсон ҳуқуқлари бузилаётгани бўйича тергов кетмоқда. Тергов «Хьюман Райтс Вотч» инсон ҳуқуқлари ташкилоти томонидан Амирликларга қарши комиссияга тақдим этилган айблов асосида бошланди. Айбловда Амирликларнинг Яман жанубидаги бир яширин қамоқхонани бошқараётгани, вазирликларга қарашли бўлмаган бундай норасмий лагерларда муҳбусларга нисбатан қийноқлар қўлланаётгани айтилади.

Ҳизб матбуот баёнотида қуйидагиларга диққатни жалб қилган:

Амирликларнинг Ямандаги Аданга киргандан бошлаб шуғулланаётган роли, у ердан Ҳусийларни чиқариб ташлашдан, Жанубий ҳаракат (Ҳирок)нинг Мансура шаҳрида қарор топган америкапараст қанотини йўқ қилишдан, Яман жанубидаги Саудия режими ишларига панд беришдан ҳамда британияпараст Айдарус Зубайдий раислигидаги Жанубий ҳаракатнинг ўтиш даври кенгашини таъсис этишига ёрдамлашиб, уни қўллаб-қувватлашдан иборат. Бу шуни англатадики, Британия Американинг Ҳусийларни Санъога киритишга муваффақ бўлиши ва ташқаридан уларни қўллаб туриши ортидан унинг Яман жанубидаги ишларига панд етказиш ва йўққа чиқаришга ҳаракат қилмоқда.

Баёнот сўнггида қуйидагилар таъкидланади:

Яман ҳам, бошқа мусулмон юртлари қатори, Англо-Америка дохил халқаро кураш остида қолмоқда. Бунга чек қўйиш учун Яман аҳли кўзларини очиб, бу курашаётган томонлардан ўзларини четга олмоқлари ҳамда Ҳизб ут-Таҳрир барпо этиш учун фаолият қилаётган Пайғамбарлик минҳожи асосидаги рошид Халифалик давлатини барпо қилиш орқали Исломларига қайтмоқлари керак.

Роя газетасининг 2019 йил 26 июн чоршанба кунги 240-сонидан