Аждодлар қудуғидаги сувни пул тўлаб ичяпмиз

بسم الله الرحمن الرحيم

Мадинада бир қудуқ бўлиб, ундаги сувни яҳудийлардан бир киши одамларга сотар эди. Сарвари Коинот ﷺнинг тарғибларига биноан Усмон р.а. уни сотиб олиб, одамларга Аллоҳ учун ҳадя қилиш учун бордилар. Аммо яҳудий тайёр даромад келтирувчи қудуқни сотмаслигини айтди. Шунда зукко саҳоба бошқача йўл тутди. Яҳудийга ўша қудуқнинг ярмига каттагина пул таклиф қилди. Яҳудий рози бўлиб, бир кун у ва бир кун Усмон розияллоҳу анҳу қудуққа эгалик қиладиган бўлди. Усмон розияллоҳу анҳу эгалик қиладиган кунда сувни халққа текин тарқатди. Одамлар идишларини тўлдириб олдилар. Яҳудий эгалик қиладиган кунда эса, ҳеч ким келмай қўйди. Алданганини билган яҳудий қудуқнинг иккинчи ярмини Усмон розияллоҳу анҳуга арзимаган пулга сотиб юборишга мажбур бўлди. Натижада сув ҳар куни халққа ва ана шу яҳудий оиласига ҳам текин бўлиб қолди.

Азизлар, биз шундай эзгулик улашувчилар давлатида фаровон яшаб, текин анхору қудуқлардан ичиб, униб ўсган миллат эдик. Ўн уч асрдан кўпроқ вақтда ушбу Ислом Давлати соясида анхорларимиз зилол сувларидан нафландик. Бу биргина ичимлик сувимиз – ҳаёт манбаларидан бири хусусидаги мулоҳаза. Ҳаётнинг бошқа жабҳаларидаги қулайликлар хусусида етарлича маълумотлар ҳар бир изланувчи учун топилади…

Қачонки ўша эзгулик жамияти – Халифалик қулатилгач, бугунда боболаримиз қудуғига манави нокас ҳокимлар эгалик қилиб яна пулга сотмоқдалар. Бир маълумотда келтирилишича, Ўзбекистон аҳолисининг сувдан бўлган қарзи 1,13 трлн сўмга етибди. Сувга солинадиган солиқдан ташқари шунчалар кўп солиқлар борки, улар Умматни тинкасини қуритмоқда.

Келажаги буюк, дея Умматни алдаган Каримов аллақачон ўлган бўлса-да, ҳануз буюклик шарпаларидан дарак йўқ. Бу ўлкаларнинг ҳақиқий буюклиги келажак ҳақида томоқ йиртувчи юлғич золимлар айтган бузуқ тузумларда эмас. Балки узоқ ўтмишимиз манбаси бўлган Ислом ақидасига қайтмоқликдадир.

Бугун бизлар Аллоҳнинг шариатидан узоқлашиб қадру қийматимиздан, азизлигимиздан айрилдик. Зеро, буюклик Аллоҳнинг Ўзига қайтмоқликда эканини англамоқ ақл эгалари учун муҳим заруратдир. Бошқача айтганда, ўша қудуғимизни қайта сотиб олувчи ва барча эзгуликларни қайтаришга қодир Усмон розияллоҳу анҳу каби азизларга муҳтожмиз! Оламдаги зўравонликларга чек қўювчи қалқонимизга мухтожмиз! Росулуллоҳ ﷺ башорат қилган Иккинчи Рошид Халифаликни қайтишига муҳтожмиз. Ушбу давлат Росулуллоҳ ﷺ айтганларидек, ресурсларни адолат билан ўз эгаларига тақсимлайди:

اَلْمُسْلِمُونَ شُرَكَاءُ فِى ثَلاَثٍ فِى الْمَاءِ وَالْكَلَإِ وَالنَّارِ

“Одамлар уч нарсада шерикдирлар: ўт-ўлан (яъни яйлов), сув ва оловда”. Аҳмад ва Абу Довуд ривояти.

Ҳизб ут-Таҳрирнинг Ўзбекистондаги матбуот бўлими аъзоси Зайниддин

09.05.2023й