بِسْمِ اللهِ الرَّحْمٰنِ الرَّحِيمِ

Матбуот баёноти

Ғазо аҳлига ёрдам кўрсатиш учун армиялар сафарбар қилинишини талаб қилган Ҳизб ут-Таҳрир аъзоларидан бир гуруҳини Иорданиянинг репрессив хавфсизлик хизмати ҳибсга олди

Ҳизб ут-Таҳрир аъзолари томонидан Иорданиядаги бир қатор масжидларда «Эй мусулмон армиялар сафидаги аскарлар!

﴿أَلَيْسَ مِنْكُمْ رَجُلٌ رَشِيد﴾

«Орангизда тўғри йўлга юргувчи бирон киши йўқми?!» сарлавҳали нашра тарқатилиши ортидан, бугун жумъа намозидан кейин Иорданиянинг репрессив хавфсизлик хизмати улардан бир нечтасини ҳибсга олиб, номаълум томонга олиб кетди. Бу нашрада мусулмон армиялардаги аскарларга қуйидагича мурожаат йўлланган: «Ғазода биродарларингизнинг дарё бўлиб оқаётган қонлари наҳотки сизга таъсир қилмаса?!» «Наҳотки, болалар ва аёллар ноласи, қарияларнинг ёрдам сўраб қилган фарёди сизни ёрдам беришга ундамаса?!»… «Аллоҳга итоат қилиш яхшими ёки Аллоҳ ва Унинг Росулига уруш қилиб, душманларни дўст тутаётган ҳукмдорларга итоат қилишми?!»… «Яҳудийлар жангари халқ эмас. Улар пешоналарига хор-зорлик ва расволик битиб қўйилган қўрқоқ халқ… Сизлар ўзингиз гувоҳи бўлдингизки, биродарларингиз орасидаги бир гуруҳ иймонли ёшлар қўлларида яҳудийларнинг қуролларига тенг келмайдиган оддий қуроллар бўлишига қарамай, бу яҳудийларга кучли зарба бердилар»…

Нашра қуйидагича мурожаат билан якунланган: «Эй мусулмон армиялар сафидаги аскарлар!

Орангизда сизларни Аллоҳ ва Росулига ёрдам беришга бошлайдиган тўғри йўлга юргувчи бирон киши йўқми?! Наҳотки орангизда

﴿نَصْرٌ مِنَ اللهِ وَفَتْحٌ قَرِيبٌ﴾

(Аллоҳ томонидан бўлган нусрат ва яқин фатҳ) сари етаклайдиган тўғри йўлга юргувчи бирон киши йўқ бўлса?! Умматга жавоб беришга шошилинг, чунки у сизга нидо қилмоқда. Муборак заминга ёрдам беришга шошилинг, чунки у сиздан ёрдам талаб қилмоқда.

﴿يَا أَيُّهَا الَّذِينَ آمَنُوا إِنْ تَنْصُرُوا اللهَ يَنْصُرْكُمْ وَيُثَبِّتْ أَقْدَامَكُمْ * وَالَّذِينَ كَفَرُوا فَتَعْساً لَهُمْ وَأَضَلَّ أَعْمَالَهُمْ﴾

«Эй мўминлар, агар сизлар Аллоҳга ёрдам берсангизлар (яъни Унинг йўлида жиҳод қилсангизлар), У зот ҳам сизларга нусрат берур ва жанг майдонида қадамларингизни собит-барқарор қилур. Кофир бўлган кимсалар учун эса ҳалокат бўлур ва (Аллоҳ) уларнинг амалларини зое кетказур»  [Муҳаммад 7-8]

Наҳотки, ушбу даъват ҳамда Аллоҳнинг каломини эслатиш, шунингдек, нафақат малай ҳукмдорларнинг, балки бутун оламнинг кўз ўнгида қирғин қилинаётган мусулмонларга ёрдам бериш ва яҳудийларга қарши жанг қилиш борасида шариат буюрган вожиб вазифани баён қилиш, бу ишларнинг барчаси куч-қувват аҳлига Ислом хитоби билан мурожаат қилаётган мўмин йигитларнинг ҳибсга олинишини талаб қилаётган бўлса?! Ҳеч шубҳасиз, бу нарса яҳудийлар иттифоқчиси ва уларнинг чегарасини ҳимоя қилувчи бўлган, Иорданиядаги омма халқ уни биладиган, қолаверса, у ҳақда туну кун гапирадиган режим ҳақидаги ҳақиқатга далолат қилиб, уни очиб беради.

Иордания режими ҳам, мусулмон юртларидаги бошқа ҳукмрон режимлар каби армияларга ёрдам сўраб йўлланган даъватдан, шунингдек, мазлумларга куч-қувват аҳли орқали ёрдам кўрсатиш ғоясидан қўрқади. Негаки, у бу даъват унинг ҳокимиятини йўқ қилишини билади. Бу режим яҳудий вужудини ҳимоя қилиш ва унинг чегарасини қўриқлаш вазифаси юкланган тузилмадан бошқа нарса эмас. Шу боис, у одамларни Фаластинга ёрдам кўрсатиш учун ҳақиқий ва шаръий ечим томон йўналтирадиган ҳар қандай овозни бўғишга ҳаракат қилади.

Биз, Ислом Уммати бизни таниганидек, ўз аҳлига ёлғон гапирмайдиган етакчимиз. Ҳизб аъзоларининг ҳибсга олиниб, зулмга учраши бизни ҳақни очиқ айтиб, ҳукмдорларнинг ёлғонларини ва кофир мустамлакачига қарамлигини баён қилишдан тўса олмайди. Шуни таъкидлаб айтамизки, ҳибсга олишлар даъватни етказувчи йигитларни заифлаштирмайди, аксинча, уларнинг қатъиятини, Аллоҳ Таолога бўлган ишончини ва ҳақ йўлда саботини, шунингдек, гарчи бироз кейинроқ бўлса ҳам, Аллоҳнинг мўмин бандаларига ёрдам беришига бўлган иймонларини кучайтиради.

﴿أَلَا إِنَّ نَصْرَ اللهِ قَرِيبٌ﴾

«Огоҳ бўлингизким, Аллоҳнинг ёрдами яқиндир»    [Бақара 214]

Айни пайтда, ҳибсга олинган Ҳизб аъзолари соғ-саломатлиги учун Иордания режимини жавобгар деб ҳисоблаймиз ва ундан уларни дарҳол озод қилишини талаб қиламиз. Шунингдек, биз Умматни даъватни етказувчи Ҳизб аъзолари билан бирга туриб, Аллоҳ ва Унинг Росули рози бўладиган шарафли позицияни эгаллашга, Ҳизб аъзоларини хавфсизлик хизмати чангалидан озод этишга чақирамиз. Бас, Ҳизб аъзоларини хавфсизлик хизмати қўлига топшириб, ёрдамсиз қолдирманг, Иордания режими зулмига ташлаб қўйманг. Уларни ҳимоя қилишга ва озод этишга шошилинг. Росулуллоҳ ﷺ айтадилар:

«الْمُسْلِمُ أَخُو الْمُسْلِمِ، لَا يَظْلِمُهُ وَلَا يَخْذُلُهُ وَلَا يُسْلِمُهُ»

«Мусулмон мусулмоннинг биродаридир, унга зулм қилмайди, уни ёрдамсиз қолдирмайди ва душманга топшириб қўймайди».

Биз Аллоҳдан ўзга ҳеч кимни барча айбу нуқсондан пок санамаган ҳолда, шуни айтамизки, бу йигитлар тақводор ва покиза йигитлар бўлиб, Ҳизб ут-Таҳрир сафида фаолият олиб бормоқдалар ва Ҳизб билан биргаликда рошид Халифалик давлатини барпо этишга ҳаракат қилмоқдалар. Зеро, Халифаликнинг белгилари уфқда кўриниб қолган бўлиб, яқинда яҳудий вужудини йўқ қилиб, Умматни ёрдамсиз ташлаб қўйган ҳар бир кишидан ҳисоб сўрайди.

﴿وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ﴾

«Золим кимсалар эса яқинида қандай оқибатга қараб кетаётганларини билиб қолурлар»   [Шуаро 227]

Ҳизб ут-Таҳрирнинг Иордания вилоятидаги матбуот бўлими