بِسْمِ اللهِ الرَّحْمٰنِ الرَّحِيمِ

Ғазо тил бириктирув, босим ва суиқасдлар ўртасида

Ҳамд Тобиб қаламига мансуб

Ғазо ва унинг аҳлига қарши амалга оширилаётган босим, суиқасд ва тил бириктирувлар ҳақида гапиришдан олдин айтамизки, Ғазо аҳлининг бу замин ва унинг сиёсий келажаги ҳақидаги кўз-қараши Ғарбий Соҳилдаги бошқа фаластинликлар ҳамда дунёдаги бошқа мусулмонлар кўз-қараши билан бир хил. Бу кўз-қараш Исломий Уммат ақидасининг туб моҳиятини ифодалайди. Яъни, Уммат ушбу муборак заминни тўлиқ озод этиш ва яҳуд вужуди билан учрашиб музокара қилмаслик ёки сулҳ тузмаслик, шунингдек босқинчи яҳудийларнинг давом этиб келаётган агрессиясини батамом тугатиш вожиб, деб билади.

Фаластин аҳли ва бутун мусулмонларнинг бу ҳақдаги кўз-қараши Ислом шариатидан келиб чиққан. Зеро, шариат босқинчи яҳудийлар билан бўладиган ҳар қандай музокарани рад этади ва Фаластиннинг бирор қарич еридан воз кечмасликка буюради. Шунингдек, шариат босқинчи яҳудийлар билан бўладиган ҳар қандай учрашувни ҳам рад этади, фақат жанг майдонидаги учрашув бундан мустасно.

Ушбу кўз-қарашни синдириш ҳамда Фаластин аҳлини яҳудийлар билан музокара қилишга, кейин уларни тан олиб, улар билан алоқаларни нормаллаштиришга мажбурлаш учун уларга қарши бутун дунё ва мусулмонларнинг малай ҳукмдорлари тил бириктиришди. Ушбу тил бириктирув «Бальфур» декларациясини ҳамда «Сайкс-Пико» режасини амалга ошириш билан 1917 йили бошланди. Кейин яҳудийларни Фаластинга кўчириш билан катта тил бириктирув амалга оширилди. Кейин эса, 48, 56 ва 67 йилларда араб давлатлари армияларининг мағлубиятга учраш саҳна ўйини амалга оширилди. Кейин, Араб давлатлари Лигаси кўрсатмалари номи остида Фаластин аҳли вакиллари билан ўтириб музокара қилишнинг муқаддимаси сифатида Фаластин Озодлик ташкилотини Ливандан чиқариб, унинг жангчиларини у ер, бу ерга тарқатиб юборишга тил бириктирилди. Ундан кейин «Мадрид» ва «Осло» конференциялари бўлиб ўтди. Шундай қилиб, 2002 йили араб давлатлари саммитида Араб давлатлари Лигаси яҳудий вужудини ошкора тан олди.

Фаластинга ва унинг аҳлига қарши тўқилган тил бириктирувлар шу билан тугадими? Аслини олганда, келгуси тил бириктирувлар кўлами Фаластинга ва унинг халқига нисбатан содир этилган аввалги хиёнат ва тил бириктирувлардан улкан бўлади. Бу тил бириктирувлар Фаластин халқини тиз чўктириш билан ниҳоясига етади. Уларни тиз чўктиришдан мақсад, Америка билан мусулмонларнинг ҳукмдорлари ўртасида қабул қилинган ва тил бириктирувларнинг якуни ҳисобланган аср келишувига мувофиқ келгуси тил бириктирувни ҳам қабул қилдириш ҳамда яҳудийларни бутун минтақада ҳўжайинга айлантиришдир. Бу билан яҳудийлар регионал сиёсий ташкилотларга ҳам, ҳарбий ташкилот ва муассасаларга ҳам ҳукмрон бўлади. Шунингдек, минтақа давлатлари олдида босқинчи вужудни мақбул ва воқеий вужудга айлантириш учун у билан минтақадаги барча давлатлар ўртасидаги муносабатлар нормаллаштирилади.

Умуман бутун минтақа ва хусусан Фаластин келажаги ҳақидаги бундай кўз-қараш унга қарши қўшимча босимларни амалга оширмасдан тек ташлаб қўйилмайди. Яъни, хоссатан Ғазодаги холис жангчиларга қарши суиқасдлар амалга оширилади. Шунингдек, Фаластиннинг ичкарисию ташқарисидаги уламолар, исломий юртлардаги режимлар сиёсатига қарши чиқувчи фаоллар қамоққа олинади.

Фаластин аҳлига қарши кўп босимлар қўлланди, айниқса Ғазо секторида бундай босимлар ҳамон давом этмоқда… Босимлар икки йўналишда қўлланмоқда. Биринчи йўналиш: яҳудийлар иқтисодий босим ва тазйиқларни қўлламоқда, ошкора ва яширин уруш олиб бормоқда ҳамда ҳарбий тозалаш ва суиқасдларни амалга оширмоқда… Иккинчи йўналиш: Миср ҳукумати репрессия ва қамоққа олишларни қўлламоқда, Миср ва Ғазо ўртасидаги ўтиш йўлларини ҳамда туннелларни ёпиб қўймоқда. Шунингдек, у Ғазога ва унинг аҳлига қарши катта тил бириктирувларни амалга оширмоқда.

Ғазони сиёсий жиҳатдан бўйсундириш иши Мисрга, хусусан унинг жосуслик хизматига юкланган. Жосуслик хизмати жирканч урушнинг барча турларини қўлламоқда. Шунингдек, жосуслик хизмати холис сиёсий ва ҳарбий етакчиларга суиқасд қилиш ишларида яҳудийлар билан тил бириктирмоқда…

Фаластин аҳлига қарши қўлланаётган босим, оч қолдириш, суиқасдлар, маошларни тўхтатиб қўйиш ва тазйиқ ўтказиш сиёсатларининг қўлланишидан мақсад «Бальфур» декларацияси ва «Сайкс-Пико» шартномасидан кейинги тил бириктирувларни қабул қилишга мажбурлашдир. Тахминан юз йил олдин режаланган «Бальфур» декларацияси ва «Сайкс-Пико» шартномаси қарорларининг ижроси бугунги кунгача давом этиб келмоқда. Мустамлакачилар ва уларнинг мусулмонлар ҳукмдорларидан ташкил топган малайлари муборак заминга қарши ушбу улкан тил бириктирувни охирига етказишда ютуққа эришишадими?

Ғарб ва унинг малайлари айниқса қўзғолонлар босқичидан кейин тушуниб етган ҳақиқат шуки, исломий халқлар уларга ва уларнинг овозини эшитишга тоқат қилмайдиган бўлиб қолди. Исломий халқлар «тонг отиб уйғонсаму улардан бирортасини кўрмасам» деб орзу қилмоқда. Қўзғолонлар ҳатто яҳудийларнинг исломий халқлар ҳақидаги қарашларини ўзгартириб юборди. Исломий халқларнинг Фаластин, унинг муқаддаслиги ва мусулмонлар ақидасида унинг тутган ўрни ҳақидаги кўз-қарашларини яҳудийлар бошқалардан кўра яхши билишади. Бу халқларнинг Фаластинни озод қилишга ва уларнинг вужудини қўпориб ташлашга ҳаракат қилишларини ҳам ва бу юз бериши муқаррар иш эканини ҳам яхши билишади. Шунингдек, улар ўзлари ҳаракат қилаётган тинчлик қоғоздаги сиёҳ ва халқ истагига зид равишда минтақадаги малай давлатлар кучи билан ижро қилинаётган шартномадан бошқа нарса эмаслигини ҳам билишади.

Хотимадан олдин айтамизки: Фаластин замини кофирлар томонидан босиб олинганидан кейин бир неча бор озод қилинган. Ҳар сафар уни Салоҳиддин, Зоҳир Бейбарс ва Қутз каби тақводор қўмондонлар озод қилган…

Кофирлар ва малай ҳукмдорларнинг тил бириктирувлари яқинда аниқ муваффақиятсизликка учрайди. Фаластин ичкариси ва ташқарисидаги уни озод қилишга, яҳуд чангалидан уни қутқаришга ҳаракат қилаётган мусулмон халқнинг иродаси олдида бу тил бириктирувлар чилпарчин бўлади.

Хотима қилиб айтамизки: Исломий юртлардаги малай давлатлар албатта заволга юз тутади ва яҳудий вужуди ҳам тўлиқ вайрон қилиниб, илдизи билан қўпориб ташланади… Фаластин замини Аллоҳнинг изни ила олдингидек Умматнинг базасига, Ислом диёрининг марказига айланади ва Уммат армияси Европани фатҳ қилиш сари шу базадан ҳаракатга келади. Ибн асокир «Дамашқ тарихи» китобида келтирган ҳадисда Росулуллоҳ A айтадилар:

«هَذَا الأَمْرُ — يعني الخلافة — كَائِنٌ بَعْدِي بِالْمَدِينَةِ، ثُمَّ بِالشَّامِ، ثُمَّ بِالْجَزِيرَةِ، ثُمَّ بِالْعِرَاقِ، ثُمَّ بِالْمَدِينَةِ، ثُمَّ بِبَيْتِ الْمَقْدِسِ، فَإِذَا كَانَ بِبَيْتِ الْمَقْدِسِ فَثَمَّ عُقْرُ دَارِها، وَلَنْ يُخْرِجَهَا قَوْمٌ فَتَعُودَ إِلَيْهِمْ أَبَداً»

«Мендан кейин бу иш (Халифалик) Мадинада бўлади, кейин Шомда, кейин Араб Ярим оролида, кейин Ироқда, кейин Мадинада, кейин Байтул Мақдисда (бўлади). Агар Байтул Мақдисда бўлса, (Байтул Мақдис) унинг маркази бўлади. Уни (Халифаликни) у ердан ҳеч ким ҳеч қачон чиқаролмайди». Пайғамбар \ яна бундай деганлар:

«يَا ابْنَ حَوَالَةَ إِذَا رَأَيْتَ الْخِلَافَةَ قَدْ نَزَلَتْ أَرْضَ الْمُقَدَّسَةِ فَقَدْ دَنَتْ الزَّلَازِلُ وَالْبَلَابِلُ وَالْأُمُورُ الْعِظَامُ، وَالسَّاعَةُ يَوْمَئِذٍ أَقْرَبُ مِنْ النَّاسِ مِنْ يَدِي هَذِهِ مِنْ رَأْسِكَ»

«Эй Ибн Ҳавола, қачон Халифалик муқаддас заминга жойлашганини кўрсангиз, демак, зилзилалар, балолар ва улкан ишлар яқинлашибди. Ўша кунда қиёмат соати мана шу қўлимнинг бошингизга яқинлигидан ҳам яқинроқ қолади».

Роя газетасининг 2019 йил 27 ноябр чоршанба кунги 262-сонидан

+1

0

Related posts:

UNRWA Ғазо секторидаги минг нафарга яқин ходимини ишдан бўшатди Шом қўзғолони тил бириктирувлар ва ёрдамсиз ташлаб қўйишларга қарамай давом этади Яҳудийлар жиноятини тўхтатиш учун армияларни сафарбар қилиш лозим Тил бириктирувчи раҳбарларнинг тез-тез учрашув ўтказиши режаларини амалга оширишлари олдида тўсиқлар кўплигини англатади