Бангладеш сиёсий нутқи «BPD» ташкилоти томонидан уюштирилган «Зулмдан холи янги Бангладеш: қора қонунлар давом этадими ёки бекор қилинадими?» номли давра суҳбатида Ҳизб ут-Таҳрир – Бангладеш вилояти номидан маъруза қилинди
Матбуот баёноти
Бангладеш сиёсий нутқи «BPD» ташкилоти томонидан уюштирилган «Зулмдан холи янги Бангладеш: қора қонунлар давом этадими ёки бекор қилинадими?» номли давра суҳбатида Ҳизб ут-Таҳрир – Бангладеш вилояти номидан маъруза қилинди
2024 йил 14 сентябр шанба куни кундуз соат 11:00да Бангладеш сиёсий нутқи «BPD» ташкилоти томонидан «Зулмдан холи янги Бангладеш: қора қонунлар давом этадими ёки бекор қилинадими?» номли давра суҳбати уюштирилди. Унда Ҳизб ут-Таҳрир – Бангладеш вилояти номидан устоз Кази Риёз билан устоз Муҳаммад Шамсуззуҳо маъруза қилди. Ушбу давра суҳбатига таклиф этилган икки Ҳизб аъзосининг маърузалари қуйидагича мазмунда бўлди:
Устоз Кази Риёз:
Ҳасина ҳукумати ағдарилди, аммо тоғут Ҳасина одамларни репрессия қилган қора қонунлар бекор қилингани йўқ. Биз ушбу йиғиндан фойдаланиб, барча қора қонунларни, хусусан, репрессия билан боғлиқ ваколатлар қонуни, жиноят-процессуал кодексининг 54-моддаси, терроризмга қарши кураш қонуни ва киберхавфсизлик қонунини дарҳол бекор қилинишини талаб қиламиз. Дарҳақиқат, мустамлакачилар минтақа халқларини бостириш мақсадида «қора қонунлар»ни жорий қилишган бўлса, кейинчалик малай режимлар ҳам худди шу тарзда мамлакат халқига зулм қилиш учун турли номлар остида қора қонунларни жорий этишда давом этди.
Биз бу жиноят-процессуал кодексининг 54-моддасини яхши биламиз. Уни биринчи бўлиб инглизлар 1898 йили ўзларига қарши чиққан халқ ҳаракатларини бостириш учун ишлаб чиқишган. 54-моддадан фойдаланиб, миллионлаб шахсларни ҳеч қандай асоссиз ва ордерсиз қамоққа ташлашган. Кейин одамларни бостириш учун айни қонунга асосан 1974 йил махсус ваколатлар тўғрисидаги қонун қабул қилинди ва яна полиция ҳар қандай гумонланувчи шахсни ордерсиз қамоққа оладиган бўлди.
2009 йил қабул қилинган терроризмга қарши кураш қонуни Ғарбнинг Исломга қарши глобал кураши доирасида татбиқ қилинди. Ҳасина ҳукумати ҳокимият тепасига келишдан олдин терроризмга қарши кураш ниқоби остида Исломга қарши кураш олиб боришга ваъда берди. Исломга қарши кураш эса Ислом Умматининг уйғонишига ва сиёсий Исломнинг қайтишига қарши кураш демакдир. Ўзингизга маълум, 2009 йил февралда Ҳизб ут-Таҳрир Ҳасина ва Ҳиндистоннинг тил бириктируви билан Пилхонада иқтидорли ҳарбий зобитларни ўлдирилишига қарши кучли ва жасоратли норозилик намойишини бошлаган эди. Шу нуқтаи назардан, тоғут Ҳасина оддий матбуот эслатмаси орқали Ҳизб ут-Таҳрирни тақиқлаб, мазкур қонундан Ҳизб йигитларини ва бошқа фаолларни бостиришда фойдаланди. Бу қонун асосида, шунингдек, кўплаб уламолар, сиёсатчилар ва оддий кишилар ўғирлаб кетиш, қамоққа олиш ва қийноққа солиш кампанияларига дуч келдилар. Шу билан бирга, сиёсатчилар, журналистлар ва холис зиёлиларнинг киберхавфсизлик қонуни ниқоби остида бостирилганига одамлар гувоҳ бўлган.
Устоз Кази Риёз сўзини давом эттирди:
Бу қора қонун Ислом шариатида ҳаром ҳисобланади. Чунки ҳукмдордан ҳисоб сўраш ҳар бир мусулмонга фарз. Ривоят қилинишича, «Бир киши Набий ﷺнинг ҳузурларига келиб, энг яхши жиҳод қайси? – деб сўради. Шунда ул зот
«كَلِمَةُ حَقٍّ عِنْدَ إِمَامٍ جَائِرٍ»
«Золим раҳбар олдида ҳақ сўзни айтмоқ», дея марҳамат қилдилар. (Имом Аҳмад ва имом Термизий ривояти). Қолаверса, гумонланувчиларнинг ҳибсга олиниши ва қамоққа ташланиши Исломнинг «Инсон айби исботланмагунча айбсиздир», деган тамойилига зиддир.
Устоз Муҳаммад Шамсуззуҳо:
Устоз Ҳизб ут-Таҳрирга нисбатан тақиқловни бекор қилиш масаласини кўтариб, бундай деди: Тоғут Ҳасина ҳокимиятга келганидан кўп ўтмай қабул қилинган қора қонуннинг биринчи қурбони Ҳизб ут-Таҳрир бўлди. Шунингдек, 2009 йил Ҳасина Ҳиндистон билан тил бириктирган ҳолда Пилхонадаги иқтидорли ҳарбий зобитларга нисбатан қилган қирғинни Умматга ростгўйлик ва жасорат билан очиб берган ягона томон ҳам Ҳизб ут-Таҳрир бўлди. Аммо қотил Ҳасина ҳукумати сиёсий йўллар билан Ҳизб ут-Таҳрирга қарши кураша олмагач, бу адолатли ва муросасиз овозни бостиришга ҳаракат қилиб, биргина матбуот эслатмаси орқали унинг фаолиятига ноқонуний ва ноҳақ чекловлар қўйди. Шунга қарамай, Ҳизб ут-Таҳрир Ҳасина ҳукуматининг қамоққа олиш, ўғирлаб кетиш, қатл қилиш ва армия зобитларини ишдан бўшатиш ва Исломга қарши ҳаракатларига нисбатан ўзининг муросасиз сиёсий курашини давом эттирди. Шу нуқтаи назардан, 2013 йилда тоғут Ҳасина қонунни менсимай ва ижроий ҳокимиятини суиистеъмол қилган ҳолда, Ҳизб ут-Таҳрирни номинг ўчгур «терроризмга қарши кураш қонуни» доирасига ҳам киритди. Биз давлат ҳокимиятини мана шундай жирканч тарзда суиистеъмол қилган ўша давр ижроий органини жазога тортилишини қатъий талаб қиламиз. Зеро, бу мустабид тубан Ҳасина ҳукумати қора қонундан фойдаланган ҳолда Бенгал Миллий партияси билан Жамоати Исломияга нисбатан, жумладан, сиёсатчилар, фаоллар, уламолар, зиёлилар, журналистлар, намойишчиларга ҳам таърифлашга тил ожизлик қиладиган зулмлар ўтказди ҳамда номинг ўчгур «AYNA GHAR» ҳаракатини тузди. Биз бу жиноятларнинг ижрочилари жазоланишини талаб қиламиз.
Муваққат ҳукуматга айни қора қонунни ислоҳ қилиш, деган тузоққа тушиб қолмасликни маслаҳат берамиз. Ҳукумат қора қонунларни ҳамда тоғут Ҳасина томонидан Ҳизб ут-Таҳрирга қўйилган ноқонуний тақиқни бекор қилиши лозим. Биз диктатор Ҳасина ҳукуматининг биринчи қурбони бўлган бўлсак, Жамоати Исломия унинг сўнгги қурбони бўлган. Жамоати Исломия адолат ва инсофни таъминлаш ҳамда ўзининг камситишга қарши эканини исботлаш орқали Ҳасинанинг диктатор ҳукуматидан ўзини узоқ тутмоғи даркор.
Устоз Муҳаммад муваққат ҳукуматга қарата сўзини давом эттирди: Маҳаллий ва ажнабий туҳматчиларнинг Ҳизб ут-Таҳрирга қарши тарғиботларига қулоқ солманглар. Чунки Ҳизб ут-Таҳрир маълум бир сиёсий минҳож асосида фаолият олиб борадиган ва ўз фикрларини тарқатишда ҳеч бир шаклда зўравонликка мурожаат қилмайдиган фикрий сиёсий Ҳизбдир. Шу билан бир қаторда, Ҳизб ут-Таҳрир кичик этник гуруҳларга қарши қилинаётган ҳужумларни, зиёратгоҳларга қилинаётган ҳужумларни ҳамда юртдаги мазҳаблар тотувлигини бузишга қаратилган бошқа уринишларни кескин қоралайди. Бу бизнинг ўтмишдаги ва бугундаги позициямиз бўлиб, келажакда ҳам шундай қолади. Ҳизб ут-Таҳрир Умматга қарши бўлган барча шартнома ва тажовузларга, жумладан, стратегик сувларга қилинаётган тажовузларга, чегаралар, йўлаклар ва ўтиш жойларидаги қирғинларга қарши биринчи сафда туришда давом этади.
Ниҳоят, муваққат ҳукуматга айтар сўзимиз бундай: мамлакатдаги энг нуфузли университет ва таълим муассасаларидаги минглаб ёшлар, жумладан, Дакка университети, Бангладеш Технология университети, Читтагонг университети, Шоҳ Жаҳон Фан ва Технология университети, Ражшаҳий университети, «Northwestern» университети, «Brak» университети ва «East West» университетидаги талаба ёшлар, шунингдек, ҳукуматнинг собиқ расмийлари, собиқ ҳарбий зобитлар, журналистлар, ўқитувчилар, зиёлилар ва жамиятда таъсирга эга бошқа соҳа вакиллари Ҳизб ут-Таҳрирнинг сиёсий ва фикрий курашига қўшилмоқдалар. Бундан ташқари, мамлакатнинг меҳнаткаш халқида Ислом динига муҳаббат жуда катта. Шунинг учун муваққат ҳукуматни золим Ҳасина томонидан Ҳизб ут-Таҳрирга қарши қўйилган тақиқни давом эттириб, жамиятнинг нуфузли қатламидан ҳамда Исломни яхши кўрадиган Бангладеш халқидан узоқлашмасликни тавсия қиламиз. Дарҳол Ҳизб ут-Таҳрирга қўйилган тақиқни бекор қилинг.
﴿إِنَّ فِي ذَٰلِكَ لَذِكۡرَىٰ لِمَن كَانَ لَهُۥ قَلۡبٌ أَوۡ أَلۡقَى ٱلسَّمۡعَ وَهُوَ شَهِيدٞ﴾
«Албатта бунда (огоҳ) қалб эгаси бўлган ёки ўзи ҳозир бўлган ҳолда (яъни сидқидилдан) қулоқ тутган киши учун эслатма-ибратлар бор» [Қоф 37]
Ҳизб ут-Таҳрирнинг Бангладешдаги матбуот бўлими
