بِسْمِ اللهِ الرَّحْمنِ الرَّحِيمِ

Биз Аллоҳнинг мукофоти ва азобини ўйлаймизми???

“أَصْحَابُ الْجَنَّةِ يَوْمَئِذٍ خَيْرٌ مُّسْتَقَرّاً وَأَحْسَنُ مَقِيلاً”

“Ўша кунда жаннат эгаларининг қароргоҳлари ва оромгоҳлар ғоят яхшидир”. (Фурқон. 24)

Буюк Аллоҳ бизларга мукофот учун яшаш жойи қилиб берган Жаннат нақадар яхши жой-а биродарларим?! Хар бир мусулмонга бу ерга кириш насиб қилсин. Лекин бу жойга лойиқ бўлиш масъулияти бизларда юк бўлиб турибди. Аллоҳ раҳмли Зот, Ўзининг мукофотига қандай эришишлигимизни ҳам билдириб қўйди ва ўрнак қилиб, эргашишлигимиз учун Пайғамбари соллоллоҳу алайхи васалламни бизларга ибрат қилиб кўрсатиб берди. Шунда ҳам Аллоҳнинг мукофотига эришишдан бош тортамизми? Аллоҳнинг йўлидан, буйруқларидан бўйин товлаймизми? Нахот ўзимиз учун нақадар яхши бўлган жойга эга бўлишни хохламасак? Мукофотни хохламасдан азобга қараб интиламизми?

“وَيَوْمَ تَشَقَّقُ السَّمَاء بِالْغَمَامِ وَنُزِّلَ الْمَلَائِكَةُ تَنزِيلاً”

“У кунда булутли осмон ёрилиб, фаришталар бўлак-бўлак тушурилурлар”. (Фурқон. 25)

“الْمُلْكُ يَوْمَئِذٍ الْحَقُّ لِلرَّحْمَنِ وَكَانَ يَوْماً عَلَى الْكَافِرِينَ عَسِيراً”

“У кунда ҳукмронлик Роҳманга ҳақ бўлур. У кун кофирлар учун кўп қийин кун бўлур”. (Фурқон. 26)

Бизлар мана шу кундагина Хақни танимаймизми? Аллоҳ Таъоло бизларга берган имкониятидан фойдаланмаймизми? Дунёларимизни йўқотишдаги қўрқувдан, яъни вахндан воз кечиб мукофот сари қадам ташламаймизми? Бандаларнинг мукофотлашларидан, азизлашларидан, севишларидан Аллоҳнинг мукофоти афзал эканлигини билмаймизми? Аллоҳнинг бизларни яратганлиги, бизларнинг Хожамиз эканлиги, неъматлари билан сийлаганлиги, тўғри йўлини кўрсатиб қўйганлиги бизларнинг ёдимиздан қандай кўтарилмоқда? 

“وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلاً”

“У кунда золим икки қўлини тишлаб: «Эй воҳ!!! Пайғамбар ила бир йўлни тутганимда эди!» дер” (Фурқон. 27)

Аллоҳнинг розилигига эришишнинг йўли Пайғамбарига эргашишлик эканлигини билмаймизми? Ёки бошқа йўл топиб олдикми? Ёки бошқа йўлни истовчиларга эргашдикми? Хаётингизга қаранг, нахот Пайғамбарнинг йўлига ўхшаса? Ўхшата олмаётган бўлсангиз, айтингчи бу дунёда нима учун яшаб юрибсиз, мақсад дунёга хукмронликми, қачонгача? Фикр юритинг, Аллоҳ берган ақлингиз билан, дунё хаётига боқинг, кўзларингизни каттароқ очинг, кимга эргашмоқдасиз? Сиз эргашаётган инсонлар Аллоҳнинг азобидан сизни қутқара оладими? Росулининг йўлига эргашмай уларнинг этагига ёпишиб “Жаннатга кира оламан” – деб ўйлайсизми? Уларнинг ўзлари, хисоб вақтида ёрдамга мухтож бўлишларига ишонмайсизми? Сиз кимнинг розилигини истамоқдасиз бандани, ёки Яратувчини?

“يَا وَيْلَتَى لَيْتَنِي لَمْ أَتَّخِذْ فُلَاناً خَلِيلاً”

“«Эй воҳ!!! Кошки фалончини дўст тутмасам эди”. (Фурқон. 28)

Нахот сиз ҳам шундай афсусланишингиз мумкинлигини ўйламасангиз? Дўст тутган, яхши кўрган одамларингизга қарангчи, улар Аллоҳни севувчи, Пайғамбарига эргашувчи инсонларми? Сизга Жаннатни илинадиларми, Пайғамбарига эргашиб Аллоҳнинг розилигига, мукофотларига эга бўлишингизни хоҳлайдиларми? Сизни Жаханнамга тушишингиз мумкинлигидан огохлантириб, бундай бўлмаслиги учун сиз билан бирга харакат қилмоқдаларми? Сиз билан фақат дунё лаззатларидагина бирга бўлиш учун дўст тутинишган эмасми? 

“أَمْ تَحْسَبُ أَنَّ أَكْثَرَهُمْ يَسْمَعُونَ أَوْ يَعْقِلُونَ إِنْ هُمْ إِلَّا كَالْأَنْعَامِ بَلْ هُمْ أَضَلُّ سَبِيلاً”

“Ёки сен уларнинг кўплари тинглай оладилар ё англай оладилар, деб ҳисоблайсанми? Аслида, уларнинг ҳайвонлардан фарқи йўқ. Балки яна ҳам йўлдан озганроқдирлар”.   (Фурқон. 44)

Ўз нафсимиз учун яшашлигимиз бизларни бу оятдаги каби қилиб қўймайдими? Аллоҳдан бошқасининг хукмлари билан яшашлигимиз ҳайвоний яшаш бўлиб қолмайдими? Инсоннинг розилиги йўлида Аллоҳнинг розилигини унутишимиз йўлдан озганлигимизни далили эмасми? Биз юқоридаги оятда айтилган инсонлардек эмасмизми?

Биз мана шу бугундан, хозирги вақтдан, айнан шу сониялардан хар қандай тўсиқлар бўлмасин Аллоҳнинг йўлидан юриб, Пайғамбари соллоллоҳу алайхи вассалламга эргашишликка харакат қилайлик. Хар бир ўтган вақтимиз учун, сонияларимиз учун Аллоҳга хисоб берамиз. У кунда афсусланишликдан Аллоҳ сақламаса бошқаси сақлай олмайди!

Ҳизб ут-Таҳрирнинг Ўзбекистондаги медиа офиси Абдуллоҳ

03.06.2014