بِسْـــمِ اللهِ الرَّحْمٰـــنِ الرَّحِيـــم

Матбуот баёноти

БМТ «хавфсизлик ҳимоячилари»нинг ўзлари жамият учун хавфли кимсалардир

Британиянинг Таймс газетаси «БМТ хизматчилари ўн йил давомида юз берган 60 мингта жинсий зўравонлик жиноятидан жавобгардир» сарлавҳа остидаги ҳисоботни нашр қилди. Бу ҳисобот ушбу (хайрия) ташкилоти таянчларини ларзага келтирган можаро тўғрисида фош қилинган янги кенг маълумотларни келтиради. Ҳисоботнинг биринчи саҳифасида нашр қилинган маълумотга кўра, «Оксфам» бўлинмаси ўзининг Гаитидаги тармоғи директорлигига тайинлаган Рональд ван Хаувермейрен ташкилотнинг Гаити зилзиласи қурбонларига ёрдам кўрсатиш ишлари давомида фоҳишалар билан муносабатда бўлиши тўғрисидаги можаронинг марказида қолди. У икки йил олдин фоҳишалардан фойдаланишда айбдор деб топилгани сабабли Британиянинг ёрдам кўрсатиш ишларини олиб борувчи ташкилотидан қувилган эди.

БМТ хизматчилари ва тинчликпарвар кучлар томонидан содир этилган жинсий зўравонлик ҳолатларининг фош қилиниши биринчи бор бўлаётгани йўқ. Бирлашган Миллатлар Ташкилоти жинсий эксплуатацияда ва жинсий зўравонликда гумон қилинган хизматчиларига қарши 2017 йилнинг июл ва сентябр ойлари давомида 31та шикоят келиб тушганини маълум қилди. Ўтган июн ойида Бирлашган Миллатлар Ташкилотининг Марказий Африка республикасидаги тинчликпарварлик миссияси ўз бирлашмаси аъзолари ва БМТнинг ҳарбий бўлмаган хизматчилари содир этган жинсий зўравонликлар ҳақида маълумот олганини билдирди. Шунингдек, БМТ чиқарган ҳисоботда билдирилишича, унга қарашли халқаро тинчликпарвар кучлар ўзлари хизмат ўтаётган ва БМТ томонидан ёрдам кўрсатилиши назарда тутилган юртларда буюмларни жинсий хизмат эвазига алмаштиришган.

Таймс газетаси «Оксфам» масаласи билан бир қаторда берган маълумотга кўра, БМТга қарашли координацион марказдаги фавқулодда амалиётлар собиқ раҳбари Эндрю МакЛауд Халқаро ташкилот хизматчиларини дунёнинг турли жойларида минглаган жинсий зўравонликларни содир этишда айблайди. У халқаро ташкилотларда ва унинг агентликларида ишловчи тахминан 3300 нафар педофил борлигига ишора қилади. Улар томонидан содир этилган жинсий зўравонликларнинг ўнтадан биттасигина маълум қилинишини ҳисобга олиб, у шундай хулосага келади.

БМТ буларнинг натижасида аскарлари болаларга жинсий тегажоғлик қилгани исботланган халқаро тинчликпарвар кучларининг халқаро тинчликпарварлик миссияларида қатнашмаслигини талаб қилди.

Инсон ҳуқуқларини сақлашни, аёллар ва болаларни зўравонликдан ҳимоя қилишни даъво қилаётган бу ташкилот хизматчилари айни шу зўравонликни содир этишмоқда. Улар ҳақида «хавфсизлик ҳимоячилари» дея кўрилганларнинг ўзлари аслида жаллодлардир» деб айтиш мумкин. Бу ишлар ушбу халқаро ташкилот жиноятлари денгизидан бир томчи холос. Бу ташкилот шафқатсиз бадбўй капиталистик системани тамсил этади ва ҳуқуқлар ҳимоячиси эканини даъво қилади. Аслида у заифга қарши кучли томонда, камбағалга қарши бой томонда туради ва заиф давлатларга қарши кучли буюк давлатларнинг кўрсатмаларини ижро қилади.

Эй мусулмонлар!

Сизларни ҳимоя қилишга, манфаатингиз ва тинчлигингиз устида бедор бўлишга адолатсиз ташкилотлар ҳақлими ёки адолатли, кучли Раббоний низом ҳақлими? Ушбу адолатли низомни Аллоҳнинг шариати билан бошқарувчи ва унинг аҳкомларини татбиқ қилувчи Рошид Халифалик давлати орқалигина татбиқ қилиш мумкин. Аллоҳ Таоло айтади:

﴿وَمَنْ أَظْلَمُ مِمَّن ذُكِّرَ بِآيَاتِ رَبِّهِ ثُمَّ أَعْرَضَ عَنْهَا إِنَّا مِنَ الْمُجْرِمِينَ مُنتَقِمُونَ﴾

«Ўз Парвардигорининг оятлари билан панд-насиҳат қилинганидан сўнг, улардан юз ўгирган кимсадан ҳам золимроқ ким бор?! Албатта Биз ундай жиноятчи кимсалардан интиқом олгувчидирмиз»                                                                          [Сажда 22]

Ҳизб ут-Таҳрирнинг марказий матбуот

бўлими аёллар қисми

телефон-факс: 00961 1 30 75 94

уяли телефон: 00961 71 72 40 43

электрон почта: ws-cmo@hizb-ut-tahrir.info