БМТнинг Америка сиёсатини амалга ошириш учун Мадая аҳлига қарши тил бириктирганини ҳисоботлар фош қилмоқда: «қирғин қуроллари ва очлик остида ўлим топиш ёки тиз чўкиш»
Роя газетаси:
БМТнинг Америка сиёсатини амалга ошириш учун Мадая аҳлига қарши тил бириктирганини ҳисоботлар фош қилмоқда: «қирғин қуроллари ва очлик остида ўлим топиш ёки тиз чўкиш»
«Foreign Policy» журнали БМТга қарашли Халқаро кўмак ташкилоти ходимлари сўзларини келтирди. Улар ўз сўзларида Мадая аҳолисининг бир неча ойдан буён очарчиликни бошдан кечираётганидан ва бунинг натижасида инсонларнинг ҳалок бўлаётганидан БМТ хабардор бўлсада, бироқ бунга сукут сақлаб келаётганини таъкидлашди. Шунингдек, Халқаро ташкилотни бошданоқ Мадая мавзуси билан шуғулланишдан кўра Сурия режими билан муносабатлар ўрнатишни ўзининг устувор вазифаси қилиб келаётганиликда айблашди.
Журналга кўра, Мадая қаттиқ очарчиликни бошдан кечирмоқда, ўтган йилнинг октябридан буён у ерга ҳеч қандай халқаро ёрдам киритилмаган. Шаҳар аҳолиси инсоний вазиятнинг бутунлай ишдан чиққани тўғрисида бонг урмоқда. Бу эса ўтган декабрнинг ўзида 6 нафар вояга етмаган ва 17 нафар вояга етган шахснинг нобуд бўлишига олиб келди. Айни пайтда очарчилик қолган юзлаб инсон ҳаётига хавф солмоқда.
Халқаро кўмак ташкилоти мулозимларига кўра, БМТ масъуллари Мадаядаги инсоний вазият аҳволини била туриб, сукутни лозим кўришган. Ҳозир эса иш ахборот воситаларига чиқиб кетди. Халқаро ташкилот Мадая вазияти ҳақида ички нашр орқали гапириш билан кифояланиб, уни ташқарига тарқатмаган эди.
Октябр ойида чиқарилган ички нашрда Мадаядаги инсоний вазият ҳақида гапирилиб, у ердаги аҳоли тўйиб овқат емасликдан қийналаётгани, инсонпарварлик ёрдамларини киритиш жуда зарурлиги, чунки тўйиб овқат емаётганлар минг нафар шахсни ташкил қилиб, улар орасида бир ёшга етамаган гўдаклар ҳам борлиги очиқланган эди.
БМТнинг Мадая қамалига нисбатан тутган бундай позицияси сабабли Суриядаги Халқаро кўмак ходимлари Халқаро ташкилотни Асад режимига итоат қилаётганликда айблашга мажбур бўлдилар. Жорий йил 13 январда 112 нафар ходим имзо чеккан баёнотда БМТ қамал остидаги минтақаларга кириш учун Асад режимининг кўк чироғига муҳтож эмаслиги, чунки Хавфсизлик Кенгаши кўплаб инсонпарварлик ёрдамларини эмин-эркин киритиш тўғрисида қарор чиқаргани айтилади. Имзочилар БМТнинг сурияликларга қарши оч қўйиш муаммосини ҳал этишга муваффақ бўлмагани сабабли унинг умид рамзи сифатини йўқотиб, пайсалга солиш рамзига айланиб қолганини таъкидладилар (Халиж онлайн).
Роя газетасининг 2016 йил 20 январ чоршанба кунги 61-сонидан
