Борлиқ тартиблашган махсус ҳолат ҳақидаги саволга жавоб

Сайтимиз электрон почтасига Huzayfa исмли мухлисимиздан келган саволга жавоб.

 Савол:

 Ассалому алайкум. “Табиат яратувчи бўлиши ҳам ботил. Чунки табиат нарсалар ва бу нарсалар тартиблашадиган низомнинг мажмуаси бўлиб, коинотдаги ҳар бир нарса мана шу низомга мувофиқ юради.

 Бу тартиб низомнинг ўзидан чиққан эмас. Чунки тартиблашадиган нарсалар йўқ бўлса, низом ҳам мавжуд бўлмайди. У нарсалардан ҳам келиб чиққан эмас. Чунки нарсаларнинг мавжудлиги автоматик тарзда низомни вужудга келтириб, ўз-ўзидан тартибланишга қодир эмас. Бу тартиб нарсалар ва низомнинг мажмуасидан ҳам келиб чиққан эмас. Чунки тартиб нарсалар ва низом бўйсунадиган махсус ҳолатдагина пайдо бўлади. Мана шу низом ва нарсалар учун махсус ҳолат – тартибни келтириб чиқаради. Бу махсус ҳолат низом ва нарсалар устига белгиланган. Танзим (тартиб) фақат шунга асосан ҳосил бўлади. Бу махсус ҳолат низомдан ҳам, нарсалардан ҳам, уларнинг мажмуасидан ҳам келиб чиқмайди. Демак, у бошқа тарафидан келади. Ўз устига қўйилган махсус ҳолатга мувофиқ ҳаракатланадиган табиат ўзидан бошқага муҳтождир. Демак, у азалий эмас. Азалий бўлмаган нарса эса яратувчи бўла олмайди. Демак, азалийлик сифатига эга яратувчигина яратувчидир. У Оллоҳ Субҳанаҳу ва Таъолодир”. (Исломий шахсия китоби Ислом ақидаси мавзусидан олинди).

 Савол шуки, бу ерда айтилаётган махсус ҳолат нима? Юқоридаги мавзуни  илтимос кенгрок қилиб шархлаб беринглар. Аллоҳ ажрларингни берсин!

 Жавоб:

بسم الله الرحمن الرحيم

 يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنْكُمْ ۖ فَإِنْ تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنْتُمْ تُؤْمِنُونَ بِاللَّهِ وَالْيَوْمِ الْآخِرِ ۚ ذَٰلِكَ خَيْرٌ وَأَحْسَنُ تَأْوِيلًا

“Эй иймон келтирганлар, Аллоҳга итоат қилинг ва пайғамбарга ҳамда ўзларингиздан бўлган (яъни мусулмон бўлиб Аллоҳнинг ҳукмларини татбиқ қилаётган) ҳокимларга бўйинсунинг! Бордию бирон муаммога дуч келсангиз,— агар ҳақиқатан Аллоҳга ва охират кунига ишонсангиз — у муаммони Аллоҳга ва пайғамбарига қайтаринг! Мана шу яхшироқ ва чиройлироқ ечимдир”. (Нисо. 59)

 Ва алайкум ассалом ва роҳматуллоҳи. Олам яратилишига нотўрғи бўлсада ечим берган, Дарвин назарияси тарафдорлари ҳисобланган социалистик мабда эгалари бўлган одамлар борлиқдаги муайян тартиб-интизомни табиат қонунлари тартиблашиши натижасида пайдо бўлган дейишади.

 Ушбу ечимни ботил эканини исботлаш учун Шайх Тақийюддин Набаҳоний роҳимаҳуллоҳ “Исломий шахсия” китобида юқоридаги фикрни айтган, яъни табиат яратувчи бўлиши ботил. Чунки табиат бу – нарсалар ва бу нарсалар тартиблашадиган низомнинг йиғиндиси ва коинотдаги ҳар бир нарса мана шу қонуниятга мувофиқ юради.

 Буни тушуниш учун мисолларга эътибор қаратамиз. Мисол учун инсоннинг дунёга келиш ҳолати. Бу ҳолатда қонуниятга кўра, албатта икки жинс вакилларининг уруғлари бир бирига қўшилишини талаб қилади. Бу ерда нарса уруғлар ва улардан пайдо бўлаётган гўдакнинг эмбриони. Демак, шу эмбрионнинг вужудга келишидаги қонуният икки жинс вакилларининг уруғлари бир бирига қўшилиши. Ушбу қонуният ана шу нарсаларнинг ўзидан келиб чиқмайди, яъни уруғлардан ёки эмбриондан келиб чиқмайди. Махсус ҳолат эса, онанинг бачадони бўлябди. Чунки онанинг бачадонидаги ҳолат бўлмаса бу эмбрион пайдо бўлмайди. Яъни онанинг бачадонида юз берадиган воқеликлар, ҳолатлар махсус ҳолат хисобланади. Ва онанинг бачадонидаги воқелик ва ходисалардан бошқа шароитда ҳар қанча урунилмасин, икки жинс уруғларини бир бирига қўшишга қанча ҳаракат қилинсин, барибир эмбрион пайдо бўлмайди. Эмбрион улғайиши ва туғилиши учун ҳам айнан онанинг бачадонидаги воқелик, жараёнлар махсус ҳолат хисобланади. Демак, шу махсус ҳолат бор экан уруғ ва эмбирон (яъни нарсалар) ҳамда, айнан икки жинс уруғи бирлашишидан эмбрионнинг пайдо бўлиши (яъни қонуният) тартиблашмоқда.

 Кўриб турибмизки, бу тартиблашишни вужудга келтираётган нарса махсус ҳолат бўляпти. Яъни махсус ҳолат бўлмаганида эмбрионнинг вужудга келиш воқелиги вужудга келмасди, чунки на нарсалар бир бирига ўз таъсирини кўрсата оларди ва ана шу ишга тааллуқли бўлган қонуниятлар амалда мавжуд бўла олмасди, таъсир кўрсата олмасди ҳам. Бу махсус ҳолат эса, ташқи куч тарафидан пайдо қилинади, ўз ҳолича пайдо бўлиб қолмайди. Валлоҳу аълам.

Ҳизб ут-Таҳрирнинг Ўзбекистондаги медиа офиси. Муслим

07.01.2017й