Суриядаги янги ҳукмдорларнинг яҳудий раҳбарлари билан учрашувлари — улкан жиноятдир!

«Axios» сайти якшанба куни Иорданияда Сурия ташқи ишлар вазири Асъад Аш-Шайбоний ва яҳудий вужудининг «Моссад» айғоқчилик хизмати директори Роман Гофман иштирокида юқори даражадаги учрашув бўлиб ўтганини фош қилди. Унда икки томон яҳудий вужудининг сўнгги ҳаво ҳужумлари ортидан келиб чиққан кескинликни жиловлаш йўлларини муҳокама қилиш мақсадида бир даврага тўпланган.

Яҳудий вужуди Туркиянинг ҳарбий куч тўплашини тўсиш ниятини рўкач қилиб, Идлиб чеккасидаги Абу аз-Зуҳур ҳарбий аэропортининг учиш-қўниш йўлаклари ва ангарларини нишонга олган бир нечта ҳаво зарбаларини берган эди; Дамашқ ва Анқара эса бу манзилда Туркиянинг бирорта ҳам доимий ҳарбий шахсий таркиби ёки ҳарбий базаси йўқлигини таъкидлаб, буни инкор этган эди.

Шайбоний «Reuters» ва «Axios» агентликлари орқали Дамашқ тажовузларни тўхтатиш ва яқинда босиб олинган ҳудудлардан чекиниш шарти билан кескинликни юмшатиш ҳамда хавфсизлик битимига эришиш бўйича музокараларни қайта бошлашга интилаётганини маълум қилган бўлса, яҳудий вужудидаги хавфсизлик тизими буфер зоналар ўрнатиш, қуролсизлантириш ва Туркиянинг ҳар қандай ҳарбий иштирокини тақиқлашни қатъий талаб қилмоқда.

Ҳал қилувчи бир паллада, яҳудийлар юртнинг ери ва ҳавосини топтаб, Ғазодаги аҳлимизга қарши кетма-кет қирғинларни содир этаётган бир вақтда, биз «кескинликни жиловлаш» ва «хавфсизлик тадбирлари» ниқоби остида Сурия ташқи ишлар вазири билан «Моссад» айғоқчилик хизмати раҳбарини бирлаштирган учрашувларда намоён бўлган улкан бир жиноят ва йирик сиёсий инқироз қаршисида турибмиз! Бу қадам малайликнинг тубан қаърига қулаш деб баҳоланади ҳамда ўзидан кейин суверенитет, қадр-қиммат, замин ва муқаддасотларни бой беришдан дарак беради.

Шунга кўра, Ҳизб ут-Таҳрирнинг Сурия вилоятидаги Матбуот бўлими чиқарган матбуот баёнотида қуйидаги ҳақиқатлар таъкидланди:

Биринчидан: Еримизни босиб олган ва бизга нисбатан ўз кибр-ҳавосини намойиш этаётган душман билан муносабатларни нормаллаштирувчи учрашувлар ўтказиш — қандай баҳона остида бўлмасин, асло қабул қилиб бўлмайдиган ва оқлаб бўлмайдиган улкан жиноятдир! Шунингдек, ҳаво зарбалари ортидан музокаралар сари югуриш жиноятчини ўз жинояти учун мукофотлашдан бошқа нарса эмасдир!

Иккинчидан: Аҳдларни бузиш билан танилган яҳудийлар билан кетма-кет ён беришлар йўлидан бориш азалий душман қаршисидаги хавфли жарликдир ва бизнинг аҳволимиз «Осло маъмурияти» ҳолидан заррача яхши бўлмайди. Зеро ушбу вужуд билан музокаралар на бир қарич ерни озод қилади, на бизга хавфсизлик келтиради ва на қадр-қимматни сақлайди! Балки бу душманга қарамлик юкланадиган ва ирода тортиб олинадиган йўлдир. Айниқса, бугун мажбуран юкланаётган шартлар бизни товламачилик соябони остида ушлаб туриш ҳамда куч-қувват унсурларидан маҳрум этишни мақсад қилган, рад этилган хавфсизлик васийлигидан ўзга нарса эмасдир.

Учинчидан: Кеча жиноят ва хиёнат деб ҳисобланган нарса бугун «сиёсий устамонлик» бўлиб қолмайди ва ҳар қандай шароит ёки баҳонада унга қонуний тус бериш асло жоиз эмасдир!

Баёнот қуйидагиларни қўшимча қилди:

Ўзгармас мезонлар сабаблар ва баҳоналарнинг ўзгариши билан ўзгариб қолмайди. Кимки Америка ва унинг асрандиси бўлмиш яҳудий вужуди розилигига интилиш ҳамда уларнинг кўрсатмаларига бўйсуниш хавфсизлик ёки барқарорлик олиб келади деб ўйласа, у сароб ортидан чопаётган гумроҳдир! Бугунги воқеалар эса ана шу енгилтак ва бебош сиёсатларнинг аччиқ меваларидан ўзга нарса эмас.

Матбуот баёноти қуйидагиларни таъкидлади:

Бугун барчамизнинг зиммамиздаги вожиб бурч — ушбу улкан мункар иш ва улкан жиноятдан мутлақ безор эканимизни эълон қилиш ҳамда яҳудийлар билан бўладиган ҳар қандай хавфсизлик ёки сиёсий битимлар бизни ифода этмайдиган ва биз асло рози бўлмайдиган ботил битимлар эканини қатъий таъкидлашдир!

Биз шунга тўлиқ ишонамизки, ушбу Умматнинг охири фақат унинг аввалини ўнглаган нарса билангина ўнгланади: бу Шариатга сиёдатни ва Умматга ҳокимиятни қайтарадиган ҳамда жиноятчилар ва бўйин эгувчи хорлар даврини ниҳоясига етказадиган пайғамбарлик минҳожи асосидаги иккинчи Рошид Халифалик соясидаги Ислом бошқарувидир!

Роя газетасининг 2026 йил 2 сентябр чоршанба кунги 615-сонидан