Бошимизда мусибат, кеч эмас, Аллоҳга боғланайлик

بِسْمِ اللهِ الرَّحْمٰنِ الرَّحِيم

Кўз илғамас зарра – covid-19 аталмиш вирус билан бутун дунёни, ҳатто йирик империяларни ҳам тиз чўктириб қўйган ва барча нарсага қодир ягона Яратувчи Аллоҳ Субҳанаҳу ва Таолога ҳамду санолар бўлсин. У Зотнинг суйган бандаси Росулуллоҳ соллаллоҳу алайҳи ва салламга ва у кишининг оилалари, саҳобалари розияллоҳу анҳуларга ҳам саломлар бўлсин. Ҳамда Буюк Зотдан бу нохуш воқеликдан тезроқ бизларни яхши ҳолатга ўтказишини сўраб қоламиз.

Воқеликда гувоҳ бўлиб турибмизки, бугунги кунда дунё аҳли ташвишда. Бу вирусдан омонда қолиш-қолмаслик катта сўроқ остида турибди. Шунинг учун қаердан, қандай бўлмасин нажот истовчилар кимдан ёрдам кутишни билмай қолди.

Инсонга эртаси эслатилар экан, бугунги мусибати унинг қалбини тарк этмайди. Лекин шундай эслатмалар борки, бундай эслатмалар бугунимиз учун қалбларимизни хотиржам бўлишига сабаб бўлади. Шундай эслатмалардан бири – мўминлигимиз ва мўминлардек яшашимиз ортидан келадиган яхшиликка, Жаннатга ҳаракат қилишимиз. Инсон иймонга эга бўлган экан, ўзининг ҳар лаҳзаси синовда ўтишига ишонади. Бу дунё ҳаёти шундай, яъни синовдан иборатдир. Бу синовли ҳаётнинг синовлари воқеликда ҳар хил ҳолатда намоён бўлади, буни идрок этиш учун эса, фикрлаш керак. Агар инсон фикр юритмаса, у ўзининг устидаги синовни унутиши мумкин ёки шу синовни ифода этувчи бирор ҳолат ўзининг бошида турганлигини англай олмайди. Шунинг учун инсон жумладан хурсандчилик, ғам-ташвиш, бойлик ва фақирлик, хуллас фикр юритишга имконият бўладиган ҳар бир ҳолат устида фикр юритмоғи зарурий ишдир. Йўқса, синовли дунёнинг синовли онларида “тойилиб” кетиш ҳеч гап эмас.

Шу ўринда, инсоннинг уйғониши зарур эканлигини бугунги ҳолатдан ҳам идрок этиш мумкин. Чунки, аввало, уйғонган уммат ўз ақидаси талабига кўра давлатига ҳам эришади. Шунинг учун биз шундай мақомдаги давлатимизга эришишимиз учун албатта уйғонишимиз керак. Агар бу уммат ўз давлатига эришмаса, унинг ғами, ташвиши кўпайса кўпаядики, асло аримайди. Шунинг учун умматнинг ғамини ўзининг ғами деб биладиган, ташвишини ўзиникидек кўрадиган давлати бўлиши зарурий ҳолатдир.

Энди уйғонган умматнинг давлати тўғрисида қисқача гапириб ўтсак. Бундай давлат, аввало, ҳар бир офат ва мусибат учун уни бартараф қилувчи ечимга эга бўлади. Яъни кимдандир излаб ёки ким қандай тажриба ўтказяпти ёки ким ўзининг эски ускуналарини бизга эҳсон қилар экан ва малакали мутахассисларини бизга бериб турар экан, деб кўз тикиб ўтирмайди. Чунки унда умматни уйғотган дунё ҳаётига ечими, яъни ҳар бир муаммони муолажа қила оладиган асоси, пойдевори бўлади. Бу умматнинг таянадиган асоси – Ислом мабдаси фақат ибодатлар учун эмас, балки ҳаётнинг барча соҳаларидаги муаммоларга тўғри ечимлар беради. Шу ечимларни ҳаётимизга татбиқ қилишга ҳаракат қилиш Исломни ҳаётга олиб келиш учун ҳаракатдир. Ҳар бир ҳаракатимизни Аллоҳнинг шариати бўйича бажаришимиз Аллоҳга боғланишимиздир. Аллоҳга боғланиб иш қилишгина бизларни ҳар бир мусибат ва фалокатлардан, муаммолардан тўғри чиқиб кетишимизга олиб боради.

Ҳизб ут-Таҳрирнинг Ўзбекистондаги медиа офиси. Абдуллоҳ

08.10.2020й