Зеҳнга қўйилган тузоқ

بِسْمِ اللَّـهِ الرَّحْمَـٰنِ الرَّحِيمِ

Солиқ қўмитаси раҳбарияти ўтказган матбуот анжуманида Газета.uz сайти мухбирининг, “Нима учун Ўзбекистонда санъаткор қўшиқчилар даромад солиғи тўламайди ва бунга нима халақит қиляпти?” деган саволига жавобан, “Санъаткорларга 2025 ва 2026 йилларда даромадлар декларациясини тўғрилаб, топшириш бўйича имконият берамиз. 2027 йил 1 январдан бошлаб агар улар ўз даромадларини тўлиқ кўрсатмаса ёки солиқлардан қочса, биз солиқ назорати текширувлари ўтказиб, солиқларни ҳисоблаймиз ва ундирамиз”, – деди солиқ қўмитаси раиси биринчи ўринбосари Мубин Мирзаев. Бу жавоб кетидан одамларнинг бир қанча эътирозлари келиб чиқди. “Яна икки йилгача халқни алдаш“, “Маданият вазирлиги, Ўзбекконцерт тугатилса, халқнинг миллиардлаб пули бу ташкилотлар учун бюджетдан сарфланмайди!”, “2040 йилгача вақт бермабди-да. Шу қарор қора халқ учун бўлганида бир ойда кучга кирар эди”, “Ўзбек эстрадаси юлдузи деб реклама қилишади. Давлат ва хусусий телеканалларда ярим яланғоч чиқиб, уялмасдан қўшиқ айтишяпти. ТВ раҳбарияти миллионлаб пулини олиб “мазза” қилиб ётибди”… Шу ва шу каби эътирозлар ўринли бўлса-да, лекин санъаткор-қўшиқчиларнинг шахсий ҳаёти, ижоди ва уларнинг ўзаро “даҳанаки жанглари”ни кузатиш халқимиз орасида ёшу қарининг кундалик тарзига айлангани ҳам бор гап.

Бу ҳолат ўз-ўзидан бежиз бўлаётгани йўқ, албатта. Чунки юртимизга кўз олайтирган мустамлакачи давлатлар, нафақат, моддий бойликларимизга, балки зеҳнларимизга ҳам ҳукмрон бўлишни хоҳлайди. Бунинг учун улар турли услубларни қўллайди. Бу услублардан бири, матбуот воситаларига эгалик қилиб, Ғарб дунёқарашига хизмат қилдириш. Бунинг учун Ғарб тушунчалари билан заҳарланган қатламнинг кундалик турмуш тарзи, шахсий ҳаётини ёритиб машҳур қилиш. Бундан мақсад, халқимизнинг турмуш тарзини Ғарбнинг бузуқ ҳаёт тарзига айлантириш ҳамда зеҳнларимизни Ислом ва мусулмонлар масаласидан бошқа беҳуда мавзуларга буриб юбориш. Қўшиқчиларнинг муайян ҳодисаларга нисбатан қарашлари, шахсий ҳаётидаги янгиликлар ёки ўзаро “даҳанаки жанглари”, ахлоқсиз чиқишлари кабиларни матбуот воситаларида шов-шувга айлантириш ортида мустамлакачининг мана шу мақсадлари турибди. Афсуски, кўпчилигимиз уларнинг бу тузоқларига зеҳнимизни очиб беряпмиз. Эсланг, Ботир Қодиров иши ёки Юлдуз Усмонова атрофидаги шов-шувлар бизни жиноятчи яҳуд вужудининг Ғазо аҳлини аёвсиз қирғинидан чалғитмадими?! Аслида, бутун диққат-эътиборимизни Ислом Умматига мустамлакачи кофир тарафидан келадиган хатарларга қаратиб, уларни бартараф қилиш учун тўғри йўлдаги Халифаликни тиклаш сари ҳаракат қилишимиз керак эмасми?!

عَنْ أَبِي هُرَيْرَةَ رَضِيَ اللهُ عَنْهُ قَالَ: قَالَ رَسُولُ اللهِ صَلَّى اللهُ عَلَيهِ وَسَلَّمَ:

"مِنْ حُسْنِ إِسْلَامِ الْمَرْءِ تَرْكُهُ مَالَا يَعْنِيهِ"

حَدِيثٌ حَسَنٌ رَوَاهُ التِّرْمِذِيُّ وَغَيرُهُ [ت 2317، ق [3976.

Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи васаллам: “Кишининг ўзи учун муҳим бўлмаган нарсаларни тарк қилиши унинг Исломи чиройли эканлигидандир”, деб айтдилар. Ҳасан ҳадис. Термизий ва бошқалар ривоят қилишган. 

Ҳизб ут-Таҳрир Ўзбекистон Матбуот бўлими аъзоси Иззатуллоҳ

13.04.2025й