بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Босиб олинган Кашмирни озод этиш фарздир

Рамазон нусрат ойи ҳамда Исломнинг ҳиндуслар устидан яна қайта ҳукмрон бўлишининг бошланиши бўлсин

Ҳиндуслар давлати режими норозилик намойишларини бостириш учун Рамазон ойида 2017 йил 28 майдан бошлаб, Кашмирнинг аксар минтақаларида кўчаларда юришга чеклов қўйди. Бу намойишлар мужоҳид Сабзор Аҳмад Бхат билан эндигина ўн олти ёшга кирган яна бир йигитчанинг шаҳид қилинишига қарши бўлмоқда, Аллоҳ бу икки биродарни жаннат билан сийласин. Шу билан бирга, минглаб мард мусулмонлар ўз шаҳидлари жанозаларида хавфсизлик хизматининг бўлишига қарши норозилик билдириб, босқинчиликни қораловчи сўзлар ёзилган плакатлар кўтариб чиққанлар. Бундан ташқари, босиб олинган Кашмир мусулмонлари 2016 йил 8 июлдаги 22 ёшли Бурҳон Вонийнинг шаҳид қилинганидан ҳам ҳамон ўзларига келганлари йўқ. Бу биродарлар мустабид ҳиндус кучлари репрессиясига бардош бердилар ва уларнинг кўпчилиги шаҳид бўлди.

Эй Покистондаги мусулмонлар!

Етмиш йилдан бери кашмирлик мусулмон биродарларимиз босқинчи ҳиндус кучлари томонидан қаттиқ репрессияга учрамоқдалар. Шу кунгача улардан етмиш мингдан зиёди шаҳид бўлди, яна кўпчилиги шаҳид бўлишга мунтазир. Бироқ шунга қарамай, Бажу-Навоз режими бу мушрик давлат билан мулоқот қилишга, муносабатларни нормаллаштиришга чақирмоқда, гўё у тинч адолатли қўшни давлатдек! Ахир, бизга яхши маълумку, бу ҳиндуслар мусулмонларнинг тинч яшашларига қўймаяпти, чунки улар мушрикдир. Аллоҳ Таоло ушбу Рамазон ойида нозил қилган Ўзининг Китобида

لَتَجِدَنَّ أَشَدَّ النَّاسِ عَدَاوَةً لِّلَّذِينَ آمَنُوا الْيَهُودَ وَالَّذِينَ أَشْرَكُوا

«Мўминларга энг қаттиқ адоват қилгувчи одамлар яҳудийлар ва мушрик бўлган кимсалар эканини кўрасиз»        [Моида 82]

демоқда. Яна шуни ҳам биламизки, бу ҳиндуслар, Ҳинд ярим оролидаги мавжуд турли дин вакиллари у ёқда турсин, ҳатто ўз динлари вакилларига ҳам адолат қилишолмайди. Бунинг муқобили ўлароқ, биласизлар, Ҳинд ярим оролига Ислом ҳукмронлик қилган даврлар мобайнида мусулмонлар ҳиндусларга омонлик бериб, уларнинг дин ва ирқлари қандай бўлишидан қатъий назар, оилаларига адолат кўрсатганлар.

Эй Покистон қуролли кучлари сафидаги зобитлар!

Кашмирдаги мусулмонларнинг репрессияга учраётганлари ҳақида ҳар сафар эшитганимизда, кўзларимиз ёшга, юракларимиз қонга, ғазабга тўлмоқда. Шунинг учун сизга ҳижрий 492 йил Рамазон, милодий 1099 йилда Дамашқ қозиси Абу Саид Ҳарвийнинг салибчилар минглаб мусулмонларни қатли ом қилиб, муқаддас ерларини вайрон қилишлари ортидан қилган хитобини эслатмоқчимиз. Дарвоқе, ушбу тарихий хитобида у бундай дея мусулмонларни йиғлатган эди: «Энг ёмон нарса, урушда қиличлар жаранглаётган бир пайтда, йигит кишининг қуроли кўз ёш тўкишдан бошқа нарса бўлмай қолишидир».

Биз сиз зобитларга яна шуни ҳам эслатмоқчимизки, сиз етакчилик қилаётган Покистон қуролли кучлари, ҳижрий 1366 йил Рамазонда (милодий 1947 йилда) барча мусулмонлар базаси сифатида Ислом номи билан ташкил топган. Яна шуни билингки, Покистон, Бангладеш, босиб олинган Кашмир, Афғонистон, Ҳиндистон ичкарисидаги… бир ярим миллиарддан зиёд мусулмонни бирлаштирадиган куч сизнинг қўлингизда. Кашмирлик мусулмонлар ҳиндуслар репрессиясидан қутулишга муштоқ бўлиб турибди. Ушбу Рамазон эса, нусратлар ойидир… Ушбу ойда Бадр жанги бўлган, Маккаи Мукаррама фатҳ қилинган, бобонгиз Муҳаммад ибн Қосим ҳиндус мушриклар устидан нусрат қучган ва ушбу минтақада асос солган исломий бошқарув бир неча аср давом этган.

Шундай қилиб, биз Ҳизб ут-Таҳрир-Покистон вилояти аъзолари сизни босиб олинган Кашмир мусулмонлари ноласига жавобан, шаҳидлари жасадларини Покистон байроғига ўраётган биродарларингиз нидосига жавобан, зиммангиздаги бурчни адо этишга даъват қиламиз. Сиз бугун нусратни кўз олдингизга келтириб, ақида, қон, олов ва қурол нидосига жавоб беришингиз лозим. Бу Пайғамбарлик минҳожи асосидаги рошид Халифаликни барпо этиш учун улуғ олим Ато ибн Халил Абу Рошта амирлиги остидаги Ҳизб ут-Таҳрирга нусрат-ёрдам бериш билан амалга ошади. Биз то Аллоҳ Субҳанаҳу ва Таоло бизни нусрат билан сийлаб, сизга гувоҳ бўладиган кун келгунича сизларни даъват қилишда давом этамиз, бундан ҳаргиз чарчамаймиз, даъватимизни қачон қабул қиласиз? Келинг, ушбу муборак ойда қўлингизни узатинг ва мўминларнинг мажруҳ қалбларига малҳам бўлинг, куфр ва унинг аҳли устидан нусратлар ойини қайта рўёбга чиқаринг.

إِن يَنصُرْكُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُكُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ

«Агар сизларга Аллоҳ нусрат берса, ҳеч ким сизлардан ғолиб бўлмас. Ва агар сизларни ёрдамсиз қўйса, Ундан ўзга ҳеч бир зот ёрдамчи бўлмас. Мўминлар Аллоҳнинг ўзигагина суянсинлар!»    [Оли Имрон 160]

Ҳизб ут-Таҳрирнинг Покистондаги матбуот бўлими

Телефон: +(92)333-561-3813

Факс: +(92)21-520-6479

Электрон почта: htmediapak@gmail.com

Веб саҳифа: www.hizb-pakistan.com