Британия ташқи ишлар вазирлиги доимий вакилининг Суданга келиши мустақиллик ҳақидаги даъволарнинг ёлғон эканини фош қилди!
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Британия ташқи ишлар вазирлиги доимий вакилининг Суданга келиши мустақиллик ҳақидаги даъволарнинг ёлғон эканини фош қилди!
2017 йил 9 январ душанба куни Британия ташқи ишлар вазирлиги доимий вакили Саймон Макдоналд олий мақомли расмий делегация ҳамроҳлигида Хартумга келди. Британиялик вакил бу ташрифни самарали, дея баҳолади ва сешанба куни Хартумда берган матбуот учрашувида «Дарфур борасида сўзлашувлар олиб боришганини» маълум қилди. У «Биз Дарфурда кечаётган тинчлик амалиёти жуда машаққатли ва узоқ вақтни олади, деб ўйлагандик. У ерда қилиш керак бўлган ишлар ҳали кўп бўлса-да, бироқ ҳозирда катта ва ижобий ўзгаришлар мавжуд», дея таъкидлади. Судан билан Британия бундай учрашувлар сонини кўпайтиришга келишиб олишди. Шунингдек, ҳамфикрлик даражасини кўтариш ва нормал ҳолатга олиб келиш мақсадида йилда бир марта ўрнига, икки марта сиёсий маслаҳат ўтказишга, ўзаро ташрифлар даражасини юқори савияга кўтаришга келишиб олишди. Шунингдек, британиялик масъул Дарфурга бориб, у ерда ўз юрти томонидан олиб борилаётган айрим лойиҳаларни кўздан кечирди.
Биз Ҳизб ут-Таҳрир-Судан вилояти аъзолари қуйидаги ҳақиқатларни баён қилмоқчимиз:
Мустамлакачи Британия юртимизга кўз олайтирган душман давлат.
Дарфурда исёнкорлар ҳаракатини қўллаб-қувватлаётган ва улар учун оммавий ахборот воситаларида минбар ташкил қилган Британиядир;
Судан устида бир тарафда Британия, Франция ва Европа давлатлари, иккинчи тарафда Америка кураш олиб бориб, жинояткорона лойиҳаларини амалга оширишмоқда;
Британиянинг Дарфурга маълум лойиҳаларни киритиши остида нопок мақсадлар ётибди. Агар шундай бўлмаса, у ҳолда, нега бу лойиҳаларини бошқа вилоятларга киритмади, айнан Дарфурга киритди?!
Суданга қари Британиянинг вакили Саймон келди, ундан олдин Британиянинг Хартумдаги элчиси Майкл Арон баёнот бериб, қуролли ҳаракатларнинг ҳукумат билан битим имзолашлари яқинлашаётгани ҳақида башорат бериб, жумладан, бундай деган эди: «Бизнинг давлат Халқ Ҳаракатининг Шимолий сектор бўйича бош секретари Ёсир Армонни йўл харитасига тарғиб этди ҳамда у билан Британ ҳукумати ўртасида ўтган ҳафта бўлиб ўтган учрашув чоғида айни харитани татбиқ қилиш учун зарур бўлган ишларни муҳокама қилди, яхши хабарлар бор эканини ва улар суданлик халққа манзур бўлажагини таъкидлади». Буларнинг ҳаммаси мустамлакачиларнинг юртимиз ишларига бурун суқиш билан нопок нарсаларни режалаштираётганига далолат қилади.
Ислом душман кофирларнинг юртларимиз ишларига аралашишига йўл қўймаслигимизни буюрди ҳамда аслида давлатнинг ўзи қилиши лозим бўлган ҳар қандай сиёсий мустақил масаламизда ёки бошқа масалаларимизда улардан ёрдам сўрашдан қайтарди. Аллоҳ Таоло бундай деди:
يَا أَيُّهَا الَّذِينَ آمَنُوا لَا تَتَّخِذُوا بِطَانَةً مِّن دُونِكُمْ لَا يَأْلُونَكُمْ خَبَالًا وَدُّوا مَا عَنِتُّمْ قَدْ بَدَتِ الْبَغْضَاءُ مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ ۚ قَدْ بَيَّنَّا لَكُمُ الْآيَاتِ ۖ إِن كُنتُمْ تَعْقِلُونَ
«Эй мўминлар, ўзингизни қўйиб, (мунофиқларни) сирдош дўст тутманг! Улар сизларга зарар етказишда кучларини аямайдилар ва ёмон ҳолга тушишингизни орзу қиладилар. Уларнинг сизларни ёмон кўришлари оғизларидан ошкор бўлди. Дилларидаги адоватлари эса янада каттароқдир. Агар ақл юргизсангизлар сизлар учун оят-аломатларни аниқ-равшан қилиб бердик» [Оли Имрон 118]
Набий САВнинг олдиларига Ибн Салул иттифоқчилари бўлган яҳудий аскарлари келиб, мусулмонлар билан биргаликда жанг қилмоқчи бўлишади. Шунда ул зот «Айтинглар қайтиб кетишсин, биз мушриклардан ёрдам олмаймиз», дейдилар. (Ҳокимнинг «Мустадрак» китоби).
Мусулмонлар устидан бевосита раҳбарлик қиладиган, инсонлар ишларини Ислом билан бошқарадиган, тамагирларга ва мустамлакачи душманларга қулай фурсат яратмайдиган мабдаий давлатдан бошқаси мустамлакачи кофирлар илдизига асло болта уролмайди. Шунинг учун ушбу давлатни, Пайғамбарлик минҳожи асосидаги рошид Халифалик давлатини барпо этишга инсонларни даъват қилмоқдамиз. У бахтли ҳаёт, куч-қудратли давлат, дунё ва охират саодатидир.
Аллоҳ Таоло бундай деди:
وَأُخْرَىٰ تُحِبُّونَهَا ۖ نَصْرٌ مِّنَ اللَّـهِ وَفَتْحٌ قَرِيبٌ ۗ وَبَشِّرِ الْمُؤْمِنِينَ
«(Аллоҳ) Яна бошқа сизлар суядиган (бир неъматни ҳам берурки, у) Аллоҳ томонидан бўлган нусрат ва яқин фатҳдир. (Эй Муҳаммад), мўминларга (мана шу) хушхабарни етказинг!» [Саф 13]
Иброҳим Усмон (Абу Халил)
Ҳизбут Таҳрирнинг Судан
вилоятидаги расмий нотиғи
