Матбуот баёноти

Британия ва Американинг Судандаги нуфуз кураши кучайган бир пайтда Судан бўйича ўтказилган Лондон конференцияси муваффақиятсизликка учради

Кеча, 2025 йил 15 апрел сешанба куни Британия пойтахти Лондонда бўлиб ўтган Судан бўйича конференция ўзининг якуний баёнотини чиқаришга муваффақ бўлолмади. «Индепендент арабия» газетасининг 2025 йил 16 апрел кунги хабарига кўра, конференцияда баъзи араб давлатлари (Саудия, Миср ва Амирликлар) келиша олмаганликлари сабабли якуний баёнот эълон қилинмаган. Айни конференцияга таклиф қилган ва ҳозирлик кўрган Британия бўлиб, у Европа давлатлари, АҚШ, айрим Араб ва Африка давлатларини, шунингдек, БМТ, Араб давлатлари Лигаси, Африка Иттифоқи ва IGAD каби ташкилотларни йиғди. Шу орқали оммавий ахборот воситаларида бу конференциянинг Судан можаросини ҳал этишга қаратилган халқаро конференция эканини таъкидлашни кўзлади.

Ушбу воқеликни тиниқ билиш учун қуйидаги фактларни кўриб чиқиш керак:

Биринчидан:

Британия Судан ва унинг аҳлига асло қайғурмайди. Унинг Судандаги можарони ҳал қилиш нияти ҳам йўқ. Аксинча, бу конференция Суданда нуфуз ўрнатиш учун Британия ва Америка ўртасида кетаётган кураш доирасида бўлиб ўтди. Уларнинг кураши 2019 йил Америкага тобе Инқоз режими қулашига олиб келган Судан қўзғолони намойишлари ортидан яққол кўзга ташланган эди. Буни кейинги ҳодисалар ҳам исботлади. Ҳатто Америка доиравий келишувини йўққа чиқариш мақсадида ўзининг Судандаги одамлари ўртасида уруш чиқарди. Чунки бу келишув агар амалга ошгудек бўлса, Судандаги нуфуз Америкадан Британияга ўтиши муқаррар эди.

Иккинчидан:

Уруш бошлангандан кейин Британия сиёсий фаолият олиб бориш билан Американинг Судандаги режаларини ўзининг Ўзгариш ва Эркинлик ҳаракатидаги одамлари орқали барбод қилишга уринди. Унинг одамлари аввал «Тақаддум» ва яқинда «Сумуд» мувофиқлаштируви орқали ҳаракат қилишди. Бироқ Британия муваффақиятга эришолмади. Чунки Америка Фуқаролик ҳаракатидаги британияпарастларни фитналаб-алдашга ҳамда доиравий келишувни барбод этишга муваффақ бўлди. Зотан, унинг барбод бўлганини Фуқаролик ҳаракатидагиларнинг ўзлари ҳам гапиришяпти. Бироқ Британия таслим бўлмади. Ушбу конференция ҳам унинг қуролларидан биридир. Шу орқали Британия Тезкор қўллаб-қувватлаш кучлари томонидан қуролсиз тинч аҳолига қарши содир этилган даҳшатли жиноятларни рўкач қиляпти, айниқса, яқинда Дарфур вилояти маркази бўлган Фаширда, аниқроғи, «Замзам» қочқинлар лагеридаги жиноятларни пеш қиляпти.

Учинчидан:

Америка Суданда ҳеч бир сиёсий ечимнинг ўз қўлидан ташқарида амалга ошишига йўл қўймайди. Урушни тўхтатиш ечими ҳам шундай. Уни тўхтатиш учун аввало Американинг мақсади амалга ошиши керак. Зотан, бу мақсади уруш бошлаган пайтда кўзлаган мақсади бўлиб, бугун шу уруш тугашга яқинлашиб қолди. У Суданга нисбатан шунча тил бириктирувларининг самарасини асло Британияга бериб қўймайди. Шунинг учун Миср ва Саудиядаги америкапараст малайлар Лондон конференциясини бузди: «Араб давлатлари Суданда урушни тўхтатиш музокараларини енгиллатиш учун қўшма алоқа кенгаши тузиш тўғрисидаги якуний баёнотни имзолашдан бош тортишди, масалан, Миср, Саудия ва Бирлашган Араб Амирликлари ўртасида баёнот борасида тортишув кун бўйи давом этди». «Британия ташқи ишлар вазирлиги якуний баёнот мавжуд бўлмагани учун сиёсий йўл бўйича келишувга эришилмаганидан қайғуда эканини билдирди». (Монте-Карло радиоси, 2025 йил 16 апрел).

Хуллас калом, биз Ҳизб ут-Таҳрир – Судан вилояти бу лаънати уруш бошлангандан бери, ҳатто бошланишидан олдин ҳам Судан аҳлини Британия-Америка уруши оқибатларидан, бу улар учун ҳалокат бўлишидан огоҳлантириб келдик ва ҳамон огоҳлантиришда давом этяпмиз. Мана, ўша фактлар кундан-кунга фош бўлиб, биз айтган ҳақиқатлар аён бўлиб бормоқда.

Судан ўғлонлари орасидаги холис инсонларга яна мурожаат йўллаймиз: ўлкамизни мустамлакачилик курашига тайёр майдон қилиб берган кимсаларни тийиб қўйинг, бунинг учун уларни фош этиб, Умматнинг Халифалик лойиҳасини қабул қилинг. Ушбу Пайғамбарлик минҳожи асосидаги рошид Халифалик лойиҳаси билан мустамлакачи кофирнинг думи қирқилиб, Судан ва бошқа ўлкаларимиз ривожланади. Ёлғиз Халифалик билангина мамлакат мустамлакачиларга қарамликдан қутулади ва бу дунёда қудратга, охиратда Аллоҳ Субҳанаҳунинг ризо ва карамига ноил бўлади.

﴿يَٰٓأَيُّهَا ٱلَّذِينَ ءَامَنُواْ ٱسۡتَجِيبُواْ لِلَّهِ وَلِلرَّسُولِ إِذَا دَعَاكُمۡ لِمَا يُحۡيِيكُمۡ﴾

«Эй мўминлар, Аллоҳ ва Росули сизни абадий ҳаёт берадиган нарсага даъват қилар экан, уни қабул қилинглар»     [Анфол 24]

Иброҳим Усмон (Абу Халил) Ҳизб ут-Таҳрирнинг Судан вилоятидаги расмий нотиғи