بِسْمِ اللهِ الرَّحْمٰنِ الرَّحِيمِ

Бу мағлублик ва тобеликда ўтказаётганимиз Рамазонларнинг охиргиси бўлсин

Устоз Асъад Мансур

Мана, Халифалик ва халифасиз яшаган ҳамда мустамлакачи давлатларга мағлублик ва тобелик остида ўтган бир юз икки йил ортидан яна Рамазон ойи кириб келди. Хўш, инсонлар учун чиқарилган энг яхши Умматга нима бўлди?! Шу даражада сони озайиб ёки заифлашдимики, илмонийлик ва демократия тўнини кийган оддий бир янги салибчилик ҳужумини ҳам ўзидан даф қилолмай қолса?! Наҳотки, душманни қайтаришга, ёвуз кучларни тумшуғини тупроққа ишқаб қўйишга, тажовузкорларни мағлуб қилиб, исломий юртларни салибчи капитализм ахлатларидан тозалашга қодир бўлолмаса?! Унинг давлатини ағдарган, бирлигини парчалаган, фарзандларини қирғин қилиб, бойликларини талаган душманига шу қадар мағлуб ва тобе бўлиб қолишининг сабаби нимада?!

Уммат шундай оғир бир мусибатга учраб, бу мусибатни барча ҳис қилаётган, аммо давосини билолмаётган бир пайтда, ўткир тафаккур қобилиятига эга бўлган ҳар бир инсон Умматнинг қолоқлиги сабабини қидира бошлайди ҳамда унинг тарихи ва мерослари ҳақида изланиб, Уммат аввал қандай бўлгану, ҳозир қандай аҳволга тушиб қолганини ўрганади. Унинг йирик давлат, буюк ҳазорат, чуқур сақофат ва ёрқин мафкурага эга буюк Уммат бўлганини, 1300 йил давомида уч қитъада ҳукмронлик қилганини кўриб, Умматнинг уйғониш сирини, қоқилиши ва йиқилиши сабабларини қидиради. Ва ниҳоят унинг мабдасига етиб келади. Шунда Уммат фикратини хиралик чулғаганини, парда тўсиб қолганини аниқлайди ва уни тозалаб, тиниқлаштириб, аввалги мусаффо ҳолига қайтаради. Уммат тариқатини ҳам излаб, уни тўғри ва соғлом ҳолатда топади ҳамда фикрат билан тариқатни бир-бирига ҳеч ажралмайдиган тарзда мустаҳкам боғлашнинг нақадар аҳамиятли эканини англаб етади. Ана шунда мабдаий ҳизбий уюшма шаклланади. У ўсиб, ривожланиб, кенгайиб, ахири мукаммал озодлик ҳаракатига айланади. Мана, бу уюшма Аллоҳнинг изни ила Пайғамбарлик минҳожи асосидаги Халифаликка даъват қилаётган ва ҳеч кимдан яширинмаган уюшмадир. Кимда-ким Аллоҳга ростгўй ва холис бўлиб, Ислом Умматини қутқаришни хоҳласа, бас, ушбу уюшмага етиб олмоғи, унга қўшилмоғи ва уни қўллаб-қувватламоғи даркор. Токи, бўйнида сусткашлик ва байъатсиз ўтиш гуноҳи бўлмасин ҳамда жоҳилият ўлимини топмасин.

﴿شَهرُ رَمَضَانَ الَّذِى أُنزِلَ فِيهِ القُرآنُ هُدًى لِّلنَّاسِ وَبَيِّناتٍ مِّنَ الهُدَى وَالفُرقَانِ فَمَن شَهِدَ مِنكُمُ الشَّهرَ فَليَـصُمهُ﴾

«(У саноқли кунлар) Рамазон ойидирки, бу ойда одамлар учун ҳидоят бўлиб ва ҳидоят ва фурқон (ҳақ билан ботилни ажратгувчи)нинг очиқ оятлари бўлиб Қуръон нозил қилинган. Бас, сизлардан ким бу ойга ҳозир бўлса, рўза тутсин»                                                                     [Бақара 185]

Аллоҳ Рамазонда Қуръонни нозил қилиш билан бу ойни баракотли ой қилди. Гўё инсонларни ҳидоят қилувчи Қуръонни нозил қилгани сабабли Аллоҳ Таолога шукр қилишимиз учун рамазон рўзаси фарз қилингандек. Шунинг учун Қуръонга имон келтирган ҳар бир шахс одамларни залолатдан қутқариб, Аллоҳнинг изни ила, уларни зулматлардан нурга чиқариш учун Қуръонни барча инсонларга етказмоғи даркор. Шу боис, фақат рўза тутиш билан кифояланиб, Қуръонни одамларга етказмаслик ҳамда уни худди Росулуллоҳ ﷺга нозил қилинган тарзда татбиқ қилишга даъват қилмаслик жоиз бўлмайди. Дарҳақиқат, ул зот Қуръонни барча одамларга етказдилар, Қуръон давлатини барпо этиб, унинг ҳақ ила ботилни ажратиб берувчи аҳкомларини татбиқ этдилар. У зотнинг бу амаллари бутун инсониятга ўрнак бўлиб қолди. Шундай экан, инсон қандай қилиб, ўзининг устидан Қуръондан бўлмаган аҳкомларнинг татбиқ этилишини ва Қуръондан бўлмаган қонунларнинг ишлаб чиқилишини қабул қилиши мумкин?! Қандай қилиб, халқ суверенлиги-хўжайинлиги тўғрисидаги иллюзияга рози бўлиши ва худди рўза, намоз, закот ва ҳаж каби фарз бўлган шариат суверенлигини рад этиши мумкин?!

Рамазон жиҳодлар, фатҳлар ва нусратлар ойидир ва уни шундай ойга айлантирайлик. Гўё Аллоҳ Субҳанаҳу ва Таоло мусулмонларнинг илк жанги рўзада бўлишини хоҳлаб, ҳижратнинг иккинчи йилида ҳам рўзани, ҳам буюк Бадр жангини фарз қилгандек. Токи, мусулмонлар рўза билан жиҳоднинг бир-биридан ажралмаслигига диққат қаратсинлар. Зеро, рўза емоқ ва ичмоқдан сақланишгина эмас. Балки рўзани катта ибодат, яъни Аллоҳнинг йўлидаги жиҳод билан қўшиш лозим. Ҳақиқатда, мусулмонлар буни тушуниб, Рамазонда жиҳоддан ҳамда буюк фатҳ ва нусратлар қучишдан тўхтамадилар. Рамазонда Бадр жанги, Макка фатҳи, Қодисия жанги, Андалус фатҳи, Залоқа, Айн-Жолут, Ҳиттин жанглари бўлиб ўтди. Байтул Мақдиснинг озод этилиши, Умурия фатҳи ва Анқара фатҳи ҳам Рамазонда бўлган. Бас, бу ой ухлаш, ифторликка ва саҳарликларга овқат тайёрлаш, сериал ва фильмлар томоша қилиш ойи эмас. Балки у кундузлари рўза тутиб, жиҳод қилиш, кечалари қиёмда бўлиб, Қуръон ўқиш ойидир.

Қуръон, саҳиҳ ҳадислар, Росулуллоҳ ﷺнинг сийратлари ва саҳобалар ижмоси, булар Ислом Умматидан бошқа бирон бир умматда мавжуд бўлмаган шаръий манбалар бўлиб, уларда келган қатъий шаръий буйруқлар, шу билан бир қаторда Умматнинг кўҳна тарихидаги ҳақиқатлар, буларнинг барчаси Халифаликни барпо этиб, Исломни татбиқ қилиш учун ҳаракат қилиш вожиблигини баён қилади. Мабданинг моҳияти ҳам мабда соҳибига уни ичида сақлаб турмасликни, балки барча оқим ва фикрларга қарши курашишни буюради. Шунингдек, бошқа мабда ва тузумларнинг ҳукмрон бўлишига йўл қўймасликни, бошқа тузумни татбиқ қилмасликни ва бошқа манбадан келиб чиққан қонунларга бўйсунмасликни фарз қилади.

﴿فَلَا وَرَبِّكَ لَا يُؤمِنُونَ حَتَّى يُحَكِّمُوكَ فِيمَا شَجَرَ بَينَهُم﴾

«Йўқ, Парвардигорингизга қасамки, то улар ўз ўрталарида чиққан келишмовчиликларда сизни ҳакам қилмагунларича зинҳор мўмин бўла олмайдилар»                                                [Нисо 65]

Мусулмонларнинг ҳозирги воқелиги улардан Халифаликни барпо этишга ҳаракат қилишни талаб қилмоқда. Чунки Халифаликсиз на қутулиш бор ва на ривожланиш. Мусулмонларнинг воқелиги, шунингдек, ҳар бир соғлом қалб эгаси бўлган ва ўзи ҳозир бўлган ҳолда чин кўнгилдан қулоқ соладиган кишига Умматни қутқариш учун ҳаракатга келишни эслатмоқда. Бундан бошқа йўл йўқ. шу боис, золим капитализмдан куйиб жизғинак бўлаётган барча инсониятни қутқариш учун ҳаракат қилиш мусулмонларга фарздир. Чунки Уммат бутун оламни куфр, зулм, залолат, одамларнинг бир-бирларини қул қилиши, мулк эркинлиги ниқоби остида бировнинг молини ноҳақ ейиш, шахс эркинлиги, демократия ва инсон ҳуқуқлари ниқоби остида одамларни разолат ботқоғига ботириш каби барча ифлосликлардан қутқариш омонатини ўз елкасига олган

﴿وَكَذلِكَ جَعَلناكُم أُمَّةً وَّسَطاً لِّتَکُونُوا شُهَدَاءَ عَلَى النَّاسِ﴾

«Шунингдек, сизларни бошқа одамлар устида гувоҳ бўлишингиз учун ўрта (энг яхши) Уммат қилдик»                                                                       [Бақара 143]

Рамазон ойи иймон муҳити билан бурканган. Шунинг учун унда тақво ва руҳий ришталар ҳукмронлик қилиб, мусулмоннинг Парвардигори билан бўлган алоқасини мустаҳкамлайди.. Зеро, рўзадан ҳикмат ҳам шу:

﴿كُتِبَ عَلَيکُمُ الصِّيَامُ کَمَا كُتِبَ عَلَى الَّذِينَ مِن قَبلِکُم لَعَلَّكُم تَتَّقُونَ﴾

«Тақволи кишилар бўлишингиз учун сизлардан илгари ўтганларга фарз қилингани каби сизларга ҳам рўза тутиш фарз қилинди»                                                                              [Бақара 183]

Бу муҳит мусулмонни солиҳ амалларни қилишга ундайди ҳамда ишни бирламчилардан бошлашга чақиради. Зеро, Халифаликни барпо этиш биринчи устувор вазифалардан биридир. Чунки аҳкомларнинг татбиқ этилиши Халифаликка боғлиқ бўлиб, у билан барча вожиботлар қоим бўлади, мол, номус ва юрт ҳимояси ҳам Халифалик томонидан таъминланади. Биз мусулмонларга биринчи даражали устувор вазифаларни ҳеч малолланмай, эринмай эслатмоғимиз даркор. Дарҳақиқат, яхшилик қилишни, бошқалардан жавобгар бўлишни, муҳтожга ёрдам бериб, ғояларга етишиш йўлида жон фидо этишни яхши кўриш мусулмонларнинг табиатига муҳрлаб қўйилган. Агар уларнинг бошқарувини холис онгли етакчилик қўлга олса, мусулмонлар мўъжизалар яратишни бошлайдилар.

Ислом Уммати тоза, саховатли халқдир. У ҳар қанча очлик, азоб-уқубат ва зўравонликка дучор бўлса ҳам, қайта оёққа туриб, арслон каби ўкиради ва тўфонга айланади. Масалан, салибчилар ва мўғуллар даврида унинг бошига не-не мусибатлар тушмади. Аммо яна оёққа туриб, қайта буюк давлатга айланди. Ҳозир ҳам бошига қанча мусибатлар тушган бўлса ҳам ўлгани йўқ. Зеро, у жанг майдонларида йирик давлатларни мағлуб қилди. Бугун эса малай режимларга қарши қилган қўзғолони орқали Америка ва Ғарб давлатларини деярли ағдарди. Дарҳақиқат, унинг онги ўсди, ҳали мукаммал онга эга бўлмаган эса-да, аммо албатта эга бўлади. Чунки у инсонлар учун чиқарилган энг яхши Умматдир. Чунки у энг тўғри мабда соҳиби бўлган ва энг онгли Ҳизбни етиштириб чиқарган Умматдир. У Аллоҳнинг изни ила албатта нусрат қучади.

Роя газетасининг 2023 йил 22 март чоршанба кунги 435-сонидан