Бутун дунё мусулмонларига ийд қурбон байрами муборак бўлсин!

بسم الله الرحمن الرحيم

Аллоҳу Акбар! Аллоҳу Акбар! Ла илаҳа иллаллоҳ!

      Аллоҳу Акбар! Аллоҳу Акбар! Ва лиллаҳил ҳамд!     

Бутун оламлар роббиси ва мураббийси бўлган Аллоҳ Субҳанаҳуга ҳамду санолар, шон–шарафлар бўлсин! Бутун мақтовлар ёлғиз Аллоҳникидир. Унга ҳамдлар айтамиз, Ундан мағфират сўраймиз. Кимни Аллоҳ ҳидоят қилса, демак у ҳидоятланибди,  кимни адаштирса, уни тўғри йўлга солгувчи топилмас. Гувоҳлик бераманки, Аллоҳдан ўзга илоҳ йўқдир ва яна гувоҳлик бераманки, жанобимиз Муҳаммад (с.а.в.) Унинг бандаси ва элчисидир! Ҳамда  инсоният учун ҳидоят машъали бўлган, йўлбошчимиз, раҳбаримиз, саййидимиз Муҳаммад (с.а.в.) га, у кишининг оиласи ва асҳобларига сизу бизлардан саловату саломлар бўлсин! У кишига эргашиб, ҳидоят йўлини танлаган, Аллоҳнинг ҳукмини олий қилиш йўлида молию жони билан фаолият майдонига қадам қўйганларга Аллоҳнинг раҳмати, мағфирати бўлсин!

Ушбу кун сизу биз Ислом уммати  Зулҳижжа ойининг ўнинчи кун тонгини қарши олмоқдамиз.  Бу улуғ ва ғаниматли бўлган Зулҳижжа ойи барча асрларда Ислом ва мусулмонлар учун баракотли, ҳайрли, раҳмат ойи бўлиб келган. Бу ой Исломнинг асосий рукнларидан бири бўлган Ҳаж ибодати адо қилинадиган ойдир. Ушбу маросим мусулмонлар учун ҳам зиёрат, ҳам саёҳат ҳамда бутун ер юзидаги уммат вакилларининг бир-бирлари билан дийдор кўришадиган, умматнинг келажакдаги иқтисодий, сиёсий ишларига янги режалар тузадиган буюк жамланишдир. 

Ер юзига Халифалик давлати соя солиб турган ўн асрдан зиёд давр мобайнида давлат раҳбари, яъни мўминлар амири бўлган халифа ўз волийларини ҳаж маросимида жамлар, раиятнинг бошқаруви борасида маслаҳатлашар, умматнинг фаровонлиги, тараққиёти учун керакли тавсияларни берар эди. Бир сўз билан айтсак, уммат етакчилари ўз фуқаросининг ғами билан яшар, давлат ўз фуқароларини бошқариш ва ҳимоялаш хусусида келгусидаги режаларини белгилар эди. Ҳа, улар мусулмонларнинг ҳақиқий пешволари бўлганларки, жанг майдонларида сафларнинг олдинги қаторида турар эдилар. Шунинг учун ҳам мусулмонлар халифасидан, волийсидан мамнун бўлган холда, халифалар эса ўз қўл остидаги фуқароларидан рози бўлган холда хотиржамликда хаёт кечирар эдилар.  Мусулмонлар халифа бирон бир эзгулик қилса, унга ёрдам беришар, қўллаб-қувватлашар, хато қилса муҳосаба ва тафтиш қилиб тўғрилашар эди.

Аммо умматнинг бугунги куничи? Ушбу улуғ байрамни Ислом уммати қандай қарши олмоқда? Умматнинг химоячиси бўлган Халифалик давлати тикланмаган, кўпгина мусулмонлар юртлари ғанимлар томонидан босиб олинган, ҳамма ёқни илмонийлик, куфр сақофати ва фикрлари босиб кетган, исломий юртлар ҳукмдорларнинг мамлакатнинг тараққиёти билан ҳам, фуқаросининг фаровонлиги билан ҳам иши йўқ, кофирлар билан апоқ-чапоқ, яҳудийлар жиноятларига нисбатан қўл қовуштириб турган, ўз халқининг фожеасидан хурсанд бўлиб турган бир кунларда кутиб олмоқдамиз!

Инсоният кўз ўнгида содир бўлаётган Шом ва Бирмадаги қирғинлар  ушбу асрнинг буюк фожеаси сифатида тарихнинг қонли саҳифаларини тўлдирмоқда.  Қарийб, олтинчи йилки муқаддас Шом заминидаги уруш олови бир лаҳзада тўхтагани йўқ. 2015 йил 30 сентябридан рус босқинчиларининг харбий учоқлари шу кунга қадар ҳаво ҳужумларини давом эттирмоқда. Ушбу заминдаги мусулмонлар бирор кун хотиржам уйқуга ётганлари йўқ, сабаби уларга қарши ҳар қандай инсонийлик сифатидан ҳоли бўлган Америка бошчилигидаги халқаро кучлар, ўзларининг сиёсий мақсадларини амалга ошириш учун инсониятга қарши барча ёвузликлардан фойдаланмоқдалар. Натижада миллионлаган тинч аҳоли вакилларини муқаддас қонлари сув каби оқмоқда. Норасида гўдакларнинг оҳу-фарёди дунёдаги барча холис инсонларни қалбларини ларзага солмоқда.

Эй Ислом Уммати! Сизу-биз уммати Муҳаммадга бир халифа, бир байроқ остида байрам қилиш онлари келмадими? Зулм, тазйиқ, таъқиб остида янчилишдан зерикмадингизми? Наҳотки, шунча азизлигимиз топталса ҳам, Исломни ҳаётга қайтариш ўрнига қўл қовуштириб турамиз! Аждодларимизни шони-шавкатини бутун оламга олиб чиққан буюк неъмат, яъни бутун оламлар Роббиси сизу-бизга буюк туҳфа қилиб берган Исломга ҳаётимизнинг асосий манбаи сифатида қараш вақти етиб келди!  Эй, ўзини Ислом умматиданман, деган даъвода юрган мусулмон аҳли, сизларга шуни таъкид билан айтамизки, Аллоҳнинг ҳукмлари Ўзининг изни ила ҳаётга қайтиш арафасида турибди.

Пайғамбар  (с.а.в.) нинг башоратлари рўёбга чиқиш кунлари кун сайин, соат сайин яқин келмоқда. Агар сизлар жиддий ҳаракат қилмасангиз, бошқалар келиб шу ишнинг уддасидан чиқиш шарафига муяссар бўлишади. Зеро, Аллоҳ бу буюк ишни шу шарафга лойиқ одамларнинг қўллари ила амалга ошириши муқаррардир! Яна шуни билингизки, Аллоҳ Азза ва Жалланинг дини ҳаёт майдонига кириб келишида ҳеч шак-шубҳа йўқ. Аниқки, Буюк ва Азиз Аллоҳнинг дини барча юртларни бошқаргай, ер юзидаги ҳар бир шаҳарлигу кўчманчининг уйига кириб боргай. Пайғамбарлик минҳожи асосидаги Халифалик Аллоҳ изни ила албатта бўлгай. Бу – ҳабибингиз Мустафо САВнинг башоратларидир. Пайғамбаримиз соллалоҳу алайҳи васаллам айтадилар:

» إِنَّ اهللَ زَوَى لِيَ التأْرَضَ فْرَنْيْتُ مَشَارِقْهَا وَمَغَارِبَهَا، وَإِنَّ مُلتكَ نُمَّتِيْ سَيَبْلُغُ مَا زُوِيَ لِيْ

مِنْهَا، وَنُعْطِيتُ التكْنْزَيْنِ التأْحْمَرَ وَالتأْبْيَضَ

«Аллоҳ ерни менга йиғиб кўрсатди, шунда унинг кун чиқишдан кун ботишигача барча жойларини кўрдим. Аниқки, Умматим мулки менга йиғиб кўрсатилган жойларгача етиб боради ва менга икки, яъни қизил ва оқ хазина берилди». Имом Аҳмад ривояти.

Мана шундай шарафга эга бўлишга ошиқинг! Аллоҳ ва Унинг Росули ваъдаларига садоқат билан иш олиб бораётган даъватчиларни қўллаб-қувватланг! Аллоҳ ва Расулига ёрдам берган ва натижада Аллоҳ ҳам уларга ёрдам бериб, уларни азиз қилган, Аллоҳ улардан рози бўлиб, улар ҳам Аллоҳдан рози бўлган ансорийлардек бўлинглар. Буюк қудрат эгаси бўлган зот айтади:

إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ

– „Албатта, Биз пайғамбарларимизга ва иймон келтирган зотларга ҳаёти дунёда ҳам, гувоҳлар (ҳозир бўлиб) турадиган Кунда (қиёматда) ҳам ёрдам берурмиз“.        (40:51)

Ушбу онларда, яъни қалбларимиз эриб, ҳар қандай дунё машаққатлари охират қийинчиликлари олдида арзимас нарса эканлигини вужудимиз билан сезаётган бир лаҳзада, Роббимизни мададига қанчалар муҳтож эканлигимизни кўз олдимизга келтириб,  биргалашиб дуо қилайлик!

Парвардигоро, мусулмонларни хўрланган, аёлларимизу қизларимизни номуси топталган, гўдакларимизни бешигидаёқ ўлдирилган, йигитларимизни асир олинган ҳолда кўришга тоқатимиз қолмади. Ўзингни нусратингга бизларни кўп интизор қилмагин, тоқатимиздан ортиқ юк юкламагин, Сен бизларни ҳолимиздан хабардор зотсан!

Парвардигоро, бизга ҳам Пайғамбар САВнинг ансор  ёрдамчиларидек, ансорийларни юборгин!

Парвардигоро, яқин кунларда бизга ҳам Пайғамбар САВга берганингдек нусрат неъматингни  бергин!

Парвардигоро, бутун инсониятни зулматдан нурга олиб чиқувчи рошид Халифалик Давлатини эълон қилиниши билан қалбларимизни хушнуд айлагин!

Парвардигоро, бизни кўп интизор этмагин, тоқатимиздан ортиқ юкни бизларга юкламагин, амалларимизга риё аралашиб ҳузурингга қўлларимиз қуруқ боришидан паноҳ бергин!
Парвардигоро, ҳидоятга бошлаганингдан сўнг адашиб сенга осий, кофир, мушрик, мунофиқ кимсалардан бўлиб қолишдан бизларни сақлагин!

Парвардигоро, ўз росулинг қалбига хурсандчилик солганингдек, бизларнинг қалбларимизга  ҳам хурсандчилик солгин!

Парвардигоро, Ўз ҳабибинг Муҳаммад Мустафо САВнинг дилларига ато этганингдек бизларнинг ҳам дилларимизга ором ато этгин!

Парвардигоро, бутун дунёдаги золимларнинг зах ертўлаларида ётган барча мазлум биродарларимизга, мазлума опа сингилларимизга чиройли сабр бергин!

Парвардигоро, Ўзингни муқаддас еринг бўлмиш Шом диёрларида бўлаётган ҳаракатларга мададкор бўлгин! У ерларда тўкилган норасида гўдакларнинг қонини, мазлума муслималарни қонини, холис мужоҳидлар қонини зое  қилмагин!

Парвардигоро, Сен буюк куч-қудрат Эгасисан ҳамда ўз ишингга ғолиб, музаффар бўлган  ва биз мўминларга меҳрибон,  раҳмли  зотсан!

Парвардигоро, ушбу ийдимиз Халифаликсиз, қолқонимизсиз, зафарлару ғалабаларсиз, мустамлакачиларни қўли остида кучсиз, обрў-эътиборсиз, ғам-ғуссада ўтказаётган энг сўнгги кунимиз бўлишини сендан ёлвориб  сўраб  қоламиз!

Парвардигоро, бизни бир лаҳзада, балки унданда оз фурсатда ўз ҳолимизга ташлаб қўймагин! Биз Сендан розимиз, Сен ҳам биздан рози бўлгин!

Парвардигоро, Сенга ёлвориб сўраниб кўтарган қўлларимизни қуруқ қайтармагин, сен дуоларимизни қабул қилгувчи, меҳрибон ва раҳмдил  Парвардигоримизсан!

Бутун оламлар Роббиси бўлган Аллоҳ Таолога ҳамду-санолар, шон-шарафлар бўлсин!!! Аллоҳу Акбар! Аллоҳу Акбар! Аллоҳу Акбар!

Барчаларимизга ийд қурбон байрами муборак бўлсин!

Хизб ут–Таҳрирнинг Ўзбекистондаги медиа офиси

01.09.2017й.