Буюк Исломий Халифалик Давлатининг қулатилганининг 91 йиллиги олдидан!
بِسْمِ اللهِ الرَّحْمنِ الرَّحِيمِ
Буюк Исломий Халифалик Давлатининг қулатилганининг 91 йиллиги олдидан!
Халифалик давлати қулатилиб, Ислом ҳаёт майдонидан четлатилгач, Ислом юртларида илмоний Ғарб низомлари татбиқ этила бошлади. Ҳукуматни бошқаришда ҳам, суд органларида ҳам, иқтисодий ва ижтимоий соҳаларда ҳам капиталистик низом бош мезонга айланди. Шундан буён Ислом Уммати оғир касалга чалиниб, касали тобора авж олиб бораётган беморга ўхшаб қолди. Соғайиш учун неча турли «дори» ларни истеъмол қилаётганига қарамасдан, хануз мустамлакачи давлатларни исканжаларида қолмоқда. Иқтисодий режалар, ислоҳотларни бирортаси бу умматни қолоқлик қаъридан тортиб чиқа олмаяпти, бунинг асл сабаби эса, бу муолажаларда Умматнинг мабдасига, ақидасига асосланмаганидур.
Умматга татбиқ этилаётган қашшоқлаштириш ва оч қолдириш сиёсати мустамлакачилик режасидир. Токи, Уммат нон топишдан бошқа нарсани ўйламасин. Токи, биз мустамлакачи давлатларнинг этагини тутишда, уларнинг манфаатларига хизмат қилишда давом этаверайлик. Қашшоқликнинг авж олаётгани, мамлакат бойлигининг етишмаслиги ёки табиий конларининг озлигида эмас, балки бунинг асл сабаби, Оллоҳ нозил қилган нарса билан ҳукм юритилмаётганидадур. Масалан, иқтисодий соҳада бойлик адолат билан тақсимланмаяпти. Ғарбга, мустамлакачилик сиёсатларига кўр-кўрона тақлид қилиняпти. Ғарбнинг малайлари ўзларининг шахсий, шахсий бўлганда ҳам, бурнининг остидаги манфаатидан бошқа нарсани ўйламаяптилар. Халқнинг, одамларнинг манфаати уларни мутлақо қизиқтирмаяпти. Йирик давлатлар майда давлатларнинг бойликларини, имкониятларини босиб олганлар. Уларни ўзларига қарам қилишда қашшоқлаштириш ва оч қолдириш сиёсатларига асосланяптилар. Бу сиёсатлар жамиятга салбий таъсир кўрсатяпти. Қашшоқлик кофирликка, фосиқликка, малайликка, шубҳали ташкилотларга аъзо бўлиб олишга олиб боряпти. Қашшоқлаштириш сиёсати оилаларнинг бузилишига, тарқоқликка ва заифлашишга олиб боряпти. Айни пайтда жиноятларни, жиноий гуруҳларни, эътиқодимизнинг ҳар қандай қадриятларини писанд қилмайдиган авлодни келтириб чиқаряпти. Оқибатда жамият тинч-хотиржам яшашдан маҳрум бўляпти.
Энг тўғри муолажа Исломдадир. Зеро, Ислом ҳукмлар чиқариб, қонун доирасидан чиқмаган ҳар қандай турдаги меҳнатни бойлик топишнинг бирламчи сабаби ва асл йўли қилиб белгилаган. Оллоҳ Таоло айтади:
فَامْشُوا فِي مَنَاكِبِهَا وَكُلُوا مِن رِّزْقِهِ وَإِلَيْهِ النُّشُورُ
– “Бас, сизлар у (ер)нинг ҳар томонида (сайр-саёҳат қилиб ё тижорат билан ёки деҳқончиликни касб қилиб) юраверинглар ва (Оллоҳнинг берган) ризқ-рўзидан енглар. Ёлғиз Унинг ҳузурига тирилиб чиқиш-қайтиш бордир”. [67:15]
Агар давлат фуқароси иш тополмаса, давлат уни иш билан таъминлашга мажбур. Негаки давлат ўз фуқаросига масъул. Пайғамбаримиз Муҳаммад соллаллоҳу алайҳи вассаллам:
وَالْإِمَامُ رَاعٍ وَهُوَ مَسْئُوْلٌ عَنْ رَعِيَّتِهِ
“Имом бошқарувчидир ва у ўз фуқаросига масъулдир”, деганлар. Бухорий ва Муслим ривояти. Агар шахс ўзини ва оиласини таъминлай олмаса, унинг таъминоти қариндошлари гарданига юклатилади. Оллоҳ Таоло айтади:
وَعلَى الْمَوْلُودِ لَهُ رِزْقُهُنَّ وَكِسْوَتُهُنَّ بِالْمَعْرُوفِ لاَ تُكَلَّفُ نَفْسٌ إِلاَّ وُسْعَهَا لاَ تُضَآرَّ وَالِدَةٌ بِوَلَدِهَا وَلاَ مَوْلُودٌ لَّهُ بِوَلَدِهِ وَعَلَى الْوَارِثِ مِثْلُ ذَلِكَ
– “Уларни (оналарни) меъёрида озиқлантириш ва кийинтириш отанинг (эрнинг) зиммасидадир. Ҳеч кимга тоқатидан ортиқ (масъулият) юкланмайди. Болалари туфайли ота ҳам, она ҳам зарар кўрмасин! Меросхўр-ворис зиммасида ҳам худди шундай (бурч) бор”. [2:233]
Қариндошлари бўлмаса ёки таъминлай олмасалар, бу мажбурият байтул-молнинг зиммасига ўтади. Байтул-мол ожизларнинг — ишга яроқсизларнинг асосий эҳтиёжларини закот бўлимидан (байтул-мол бўлимларидан бири) тўла қондириши лозим. Оллоҳ Таоло айтади:
إِنَّمَا الصَّدَقَاتُ لِلْفُقَرَاء وَالْمَسَاكِينِ وَالْعَامِلِينَ عَلَيْهَا وَالْمُؤَلَّفَةِ قُلُوبُهُمْ وَفِي الرِّقَابِ وَالْغَارِمِينَ وَفِي سَبِيلِ اللّهِ وَابْنِ السَّبِيلِ فَرِيضَةً مِّنَ اللّهِ وَاللّهُ عَلِيمٌ حَكِيمٌ
– “Албатта, садақаларни фақат фақирлар, мискинлар, унда (садақа ишида) ишловчилар, диллари Исломга ошна қилинувчилар, (пул тўлаб озод этилувчи) қуллар, қарздорларга ва Оллоҳ йўлида ҳамда йўловчига (мусофирга бериш) Оллоҳ (томони)дан фарз (этилди). Оллоҳ илмли ва ҳикматли зотдир”. [9:60]
Халифалик давлати закот пулларини оятда белгиланган саккиз жойга тақсимлашга кафилдир. Барча фақирлар, мискинлар, қарздорлар сони аниқланиб, уларга эҳтиёжларига яраша улуш берилади. Пайғамбар соллаллоҳу алайҳи вассаллам айтадилар:
«أَيُّمَا مُؤْمِنٌ مَاتَ وَتَرَكَ مَالاً فَلْيَرِثْهُ عَصَبَتُهُ مَنْ كَانُوْا وَمَنْ تَرَكَ دَيْناً أَوْ ضِيَاعاً فَلْيَأْتِنِيْ وَأَنَا مَوْلاهُ»
“Қайси мўмин вафот этса ва мол-давлат қолдириб кетган бўлса, уни қариндошлари мерос қилиб олсин. Ким қарздорлик ёки бечораҳолликни ташлаб кетган бўлса, уни менга олиб келинглар, унинг эгаси менман”.
Шунингдек, Ислом садақаи жориялар, вақфлар қилишга ундайди. Айни пайтда мол-давлат кимнингдир қўлида хазина бўлишидан қайтариб, айланиб туришини буюради. Давлатга ўзига қарашли кўчмас ёки бошқа мулкидан муҳтожларга беришини фарз қилади. Оллоҳ Таоло:
كَيْ لَا يَكُونَ دُولَةً بَيْنَ الْأَغْنِيَاء مِنكُمْ
– “… токи сизлардан бой-бадавлат кишилар ўртасидагина айланиб юраверадиган нарса бўлиб қолмасин учун…”, [59:7]
дейди. Исломдаги мерос ҳам мол-давлат тақсимланишининг бир воситасидир. Ислом қурумсоқликдан, исрофгарчиликдан, дабдабадан, ношукурликдан қайтаради ва ҳақдор одамни тирикчилик ўтказиши учун маблағ билан таъминлашни фарз қилади.
Шулардан кўриниб турибдики, Ислом ҳар бир шахснинг ейиши, ичиши, кийиши, турар жойи каби асосий эҳтиёжларини тўла қондиради. Уйланиши, минадиган от-улови каби эҳтиёжларини ҳам тўла-тўкис қилиб беришга ҳаракат қилади. Бепул таълим ва даволанишни кафолатлайди. Шу билан Жаҳон банки, ғарбий мустамлакачилик режаларига ўрин қолмайди. Уларнинг режалари, яъни бойликларимизни талаб, халқларимизни оч қолдираётган бузғунчи ҳатти-ҳаракатлари ўз кучини йўқотади.
Бас, шундай экан, эй Ислом уммати, бутун дунё саҳнасида ўз ўрнига, ўз мавқеига эга бўлган аждодларингизга ўхшаб Ислом Умматининг ҳолис фарзандларига елкадош бўлинг!
Буюк Исломий Халифалик давлатини барпо қилишга, Оллоҳнинг розилигига эришишга шошилинг!
Ўзингизнинг ва бутун оламнинг ҳалоскорига айланинг. Токи, бутун ер юзини Ислом аталмиш эзгулик эгаллаб, башариятни ҳалокат сари етаклаётган капиталистик ҳазорат йўқ бўлсин!
Сизнинг аждодларингиз узоқ асрлар давомида бутун инсониятнинг олди сафларида бўлиб келди, сизлар ушбу авлоднинг давомчилари бўлишга шошилинг!
Ҳизб ут-Таҳрирнинг Ўзбекистондаги медиа офиси Зайниддин
18.02.2015й.
