ДЕМОКРАТИК КОНСТИТУЦИЯ БАРЧА МУАММОЛАР МАНБАСИДИР!
بِسْمِ اللهِ الرَّحْمٰنِ الرَّحِيمِ
ДЕМОКРАТИК КОНСТИТУЦИЯ БАРЧА МУАММОЛАР МАНБАСИДИР!
2025 йил 8 декабрда Ўзбекистон Республикаси конституцияси қабул қилинганига 33 йил тўлди. Ҳукумат бу конституцияни улуғлаб, мусулмон халқимизга уни ҳурмат қилиш ва итоатда бўлишни тарғиб қилиб келса-да, ўзи бир кун ҳам унга амал қилмаганини жуда яхши биламиз.
Зеро, ҳукумат уни мусулмонларга қарши қурол, ўз манфаатлари учун қонуний асос сифатида ишлатиб келмоқда. Чунки ҳозирги конституциялар, жумладан, Ўзбекистон дустури ҳам инсон ақли маҳсули бўлиб, ҳокимият эгалари уни хоҳлаган пайтда ўзгартиришлари, ислоҳот номи остида ўзларининг тор манфаатларига мослаб олишлари мумкин.
2023 йилда янги таҳрирнинг қабул қилиниши ҳам бу сўзларимизни тасдиқлайди. Аммо энг асосийси, мазкур конституция динни ҳаётдан ажратиш ақидасига асосланган бўлиб, Аллоҳ таолонинг буйруқ ва қайтариқларини инкор қилади ва инсон каломини Яратувчи каломидан устун қўяди. Содда қилиб айтганда, ҳозир устимизда татбиқ қилинаётган конституциянинг Исломга ҳеч қандай алоқаси йўқ. Аллоҳ таоло айтади:
أَرَأَيْتَ مَنِ اتَّخَذَ إِلَٰهَهُ هَوَاهُ أَفَأَنتَ تَكُونُ عَلَيْهِ وَكِيلًا
Ҳавои нафсини ўзига худо қилиб олганни кўрдингми?! Энди сен унга вакил бўласанми?! [Фурқон:43]
Албатта, биз буни мусулмон халқимизга аввалдан таъкидлаб келмоқдамиз, унинг Исломга тамоман зид эканини етарлича шарҳлаб ҳам берганмиз. Ва айтамизки, демократик конституция бошқаруви остида унга рози бўлиб яшаш Ислом Умматига асло жоиз бўлмайди!
Биз яна шуни таъкидлаб келяпмизки, мусулмонлар учун Аллоҳ нозил қилган ҳамда инсоният учун дин деб рози бўлган Ислом ва унинг аҳкомлари асосида ишлаб чиқилган давлат дастури яъни конституциясигина ҳалол яъни жоиз бўлади. Мана шу дастур Ислом Уммати ҳурмат-иззат ва итоат қиладиган ягона бош қонундир! Бундан бошқаси мусулмонларга ҳеч даврда – аввал ҳам, ҳозир ҳам, кейин ҳам асло жоиз бўлмайди! Чунки мусулмонларга Исломий ҳаёт билан яшаш фарз бўлиб, бундай ҳаётни фақат Исломий конституция таъминлайди. Уни эса Халифалик давлати татбиқ қилади.
Ҳизб ут-Таҳрир мазкур давлат дастурини ишлаб чиққан ва татбиқ қилиш учун тайёр қилиб қўйган. Аллоҳнинг изни ила у, албатта, татбиқ қилинади! Биз мусулмон халқимизни демократик конституциядан воз кечиб, Ислом асосидаги давлат дастурини татбиқ қилувчи Халифалик давлатимизни тиклаш йўлида Ҳизбни қўллаб-қувватлашга, уни ўз бағрига олишга ва елкама-елка туриб фаолият қилишга чақирамиз! Аллоҳ таоло айтади:
وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ ۚ وَاتَّقُوا اللَّهَ ۖ إِنَّ اللَّهَ شَدِيدُ الْعِقَابِ
Яхшилик ва тақво йўлида ҳамкорлик қилингиз, гуноҳ ва тажовузкорлик йўлида ҳамкорлик қилмангиз! Аллоҳдан қўрқингиз! Шубҳасиз, Аллоҳ азоби қаттиқ Зотдир. [Моида:2]
Ислoм Абу Халил
08.12.2025
