بِسْمِ اللَّـهِ الرَّحْمَـٰنِ الرَّحِيم

Матбуот баёноти

Демократия куфр тузуми, ечим эса Халифалик тузумидир дея ҳақни айтиш наҳот жиноят саналса?!

Кеча 2017 йил 11 март шанба куни Малайзия полицияси юртдаги Ҳизб ут-Таҳрир йигитларидан тўққиз нафарини ҳибсга олди. Уларни Ҳизб томонидан катта меҳнат қилиниб, «Демократия куфр тузуми, ечим эса, Халифалик тузумидир», дея ёзилган етти нафар машинадан иборат карвонда Мур ва Жавҳар бўйлаб юриш қилаётганларида қамоққа олди. Ҳизбнинг айни тадбирдан мақсади, мусулмонларга 1924 йил 3 март куни Халифалик ағдарилганини эслатиш ҳамда ўшандан буён бутун исломий юртлар қатори Малайзияда татбиқ этилаётган демократия муваффақиятсиз тузум эканини, ягона ечим Пайғамбарлик минҳожи асосидаги ва ҳаётимизга Қуръону суннатни йўл қилиб оладиган рошид Халифалик тузумини барпо этишдан иборатлигини билдириш эди.

Ҳибсга олинган тўққиз биродаримиз қамоқда сақланиб, сўнг ҳибсга олинишлари учун маҳкамадан санкция олинди. Судя уларни 2017 йил 12 мартдан бошлаб тўрт кунлик қамоққа ҳукм қилди. Полиция ҳатто улар билан учрашиш учун келган адвокатни ҳам ҳибсга олди. Кейинчалик маълум бўлишича, бу биродарларимизга Малайзиянинг 1984 йилдаги фитна чиқариш қонунининг 1-модда 4-банди, жазолар тўғрисидаги қонуннинг 505 банди, 1966 йилдаги жамиятлар тўғрисидаги қонуннинг 50-модда 3-банди ҳамда 1984 йилдаги матбаа ва матбуот тўғрисидаги қонунга биноан айблов қўйилган. Ушбу ҳибсга олишдан олдин Селангорда тўрт нафар Ҳизб аъзоси шаръий маҳкамада диний ҳокимият органларини таҳқирлаш жинояти билан айбланди. Чунки улар айни органларни Ҳизб ут-Таҳрирни тақиқлаш тўғрисида чиқарган фатвосига қарши чиққан эдилар. Кейинчалик алоқа ва мультимедиа қўмитаси фуқароларнинг юрт ва хориждаги Ҳизб сайтларига киришларига чекловлар киритди.

Мана сизга, Малайзияда оғиз кўпиртириб мақталаётган демократик тузум! Бу тузумда Пайғамбарлик минҳожи асосидаги рошид Халифалик барпо этишга чақираётган овозлар зўравонлик билан бостирилмоқда, илмонийлик, либераллик, турфахиллик, икки бир хил жинслилар никоҳи ва жинсни ўзгартириш каби разолатларга чақираётган овозлар, шунингдек, маълум ташкилотлар орқали Ислом ва унинг аҳкомларини ҳақоратловчи овозлардан кўз юмилмоқда. Ҳизб ут-Таҳрир эса тақиқланмоқда ва унга ҳужум қилинмоқда. Аммо бир вақтнинг ўзида, ҳокимият мулозимларининг порахўрлик, ахлоқий бузуқлик каби ифлос жиноятлари ҳаспўшланмоқда, қиморхоналар, майхоналар, тунги дискотекалар, гўзаллар маликаси конкурслари, жиноятчи тўдалар, ўғирлаб кетиш, номусга тажовуз қилиш ва бошқа-бошқа кўплаб жиноятлар жазосиз қолиб кетмоқда, ҳатто айримларидан қасддан кўз юмилмоқда.

Демак, демократия куфр тузуми, дейиш Малайзияда жиноят ҳисобланадиган бўлиб қолди! Бундан ҳам ёмони, мусулмонларнинг бирдан-бир ечими Халифалик, деган фикр ҳам жиноят ҳисобланмоқда! Ваҳоланки, Росулуллоҳ САВ мусулмонларга халифа раҳбарлик қилишини, уларнинг давлати Халифалик давлати бўлишини яққол баён қилиб берганлар, бугунги каби золим подшоҳлик тугаб, унинг ортидан албатта рошид Халифалик бўлишини башорат қилганлар. Қарангки, сарвари олам САВ сўзларини айтиш Малайзия ҳукумати ва полицияси наздида жиноятга айланди.

Эй ҳукумат тепасидагилар!

Унутмангки, Ҳизб ут-Таҳрир – демократия Ғарбда яралган омадсиз куфр тузумидир, мусулмонлар уни қабул қилишлари, унга амал қилишлари, уни тарғиб этишлари шаръан ҳаромдир, дейишни ҳаргиз тўхтатмайди. Шуни билингки, Ҳизб ут-Таҳрир Исломга даъват этишни, Пайғамбарлик минҳожи асосидаги Халифаликни барпо этишга чақиришни албатта давом эттиради. Куфр бошқаруви бўлган демократик тузум ўрнига бирдан-бир альтернатив исломий тузум Халифалик бўлгани сабабли Ҳизб ушбу тузумни барпо этишга кечаю кундуз тиним билмай ҳаракат қилмоқда.

Эй ҳукумат тепасидагилар!

Истаганингизча, Ҳизб ут-Таҳрир аъзоларини қамашингиз мумкин, бироқ ушбу Ҳизб даъватини ҳаргиз тўхтатолмайсиз. Шундай экан, бизни ўз холимизга қўйинг-Пайғамбарлик минҳожи асосидаги рошид Халифалик давлатини барпо этайлик, ахир, буни Росулуллоҳ САВ башорат қилганлар!

Огоҳ бўлинг! Ихтиёр ўзингизда, сиз Ҳизб даъватига қарши курашда ва аъзоларини қамашда давом этишингиз ҳамда демократик тузум остида бадбахт ва хор ҳаёт кечиришингиз мумкин. Шунингдек, бизни қўллаб-қувватлаб, Пайғамбарлик минҳожи асосидаги рошид Халифалик давлати соясида ҳурмат-иззатда фаровон ҳаёт кечиришингиз ҳам мумкин. Ихтиёр ўзингизда. Биз эслатиб қўймоқдамиз, чунки бундай ихтиёр ушбу дунё ҳаётидагина берилади, бироқ охират ҳаётида эса, бундан бўйин товлаб юз ўгирган ва эслатмага қулоқ солмаган кимсалар учун пушаймонлик бордир:

وَتَرَى الظَّالِمِينَ لَمَّا رَأَوُا الْعَذَابَ يَقُولُونَ هَلْ إِلَىٰ مَرَدٍّ مِّن سَبِيلٍ

«Ундай золимларнинг (қиёмат Кунида) азобни кўрган вақтларида: «(Яна дунёга) қайтишга бирон йўл бормикан?» деяётганларини кўрурсиз»             [Шуро 44]

وَقَالُوا لَوْ كُنَّا نَسْمَعُ أَوْ نَعْقِلُ مَا كُنَّا فِي أَصْحَابِ السَّعِيرِ

«Улар (кофирлар) яна: «Агар бизлар қулоқ солиб, ақл юргизувчи бўлганимизда, дўзах эгалари қаторида бўлмас эдик», дерлар»                                  [Мулк 10]

Хуллас калом, қамоғингиздан Ҳизб йигитларини қўйиб юборинг, шояд, охиратда Аллоҳ Ўзининг қаттиқ азобидан қутқариб сизга раҳм қилса!

Абдулҳаким Усмон

Ҳизб ут-Таҳрирнинг Малайзиядаги

матбуот бўлими раиси

Телефон: 03-89201614

Электрон почта: htm@mykhilafah.com

Веб саҳифа: www.mykhilafah.com

Адрес: Khilafah Centre, 47-1, Jalan 7/7A,

Seksyen 7, 43650 Bandar Baru Bangi, Selangor