Роя газетаси:

Эрдоган: Туркия «Исроил»га муҳтождир!!!

Туркия президенти Ражаб Тоййиб Эрдоган «Исроил»нинг Ўрта Шарқда Туркияга муҳтож бўлгани каби, Туркия ҳам «Исроил»га муҳтож эканини айтди ҳамда икки давлат ўртасидаги 2010 йилдан бери таранг бўлиб келаётган алоқаларни нормаллаштиришга чақирди.

Турк президенти ўтган шанба куни берган – Туркиядаги асосий рўзномаларнинг биринчи саҳифасида чоп этилган – баёнотида жумладан, бундай деди: «Исроил минтақада Туркия каби бир давлатга муҳтож. Биз ҳам Исроилга муҳтожлигимизни тан олишимиз лозим. Чунки бу минтақадаги реал ҳақиқатдир».

У яна бундай қўшимча қилди: «Ҳар иккала томон бир неча ишларни чин юракдан амалга оширса, алоқаларни нормаллаштиришга эришамиз».

Туркия – хусусан, бир неча қўшни давлатлар билан алоқалари таранглашиши ортидан – «Исроил» билан алоқаларни яхшилашга ҳаракат қилмоқда (Ҳаёт журнали).

Роя газетаси шарҳи:

Туркия президенти позициясини кузатиб бораётган киши шуни гувоҳи бўладики, бу ҳукмдор ғарбпарастлик ва Уммати исломияга нисбатан хиёнатда мусулмонларнинг бошқа ҳукмдорларидан ҳеч фарқ қилмайди. Гарчи Исломни яхши кўрадиган, аммо айрим онгсиз мусулмонлар Эрдоган ва унинг партияси кўтариб чиқаётган исломий шиорларга алданиб қолган бўлсалар-да, бироқ Эрдоганнинг яҳудийлар давлати олдидаги позицияси унинг Исломга ва яҳудийлар давлатини супуриб ташлаш учун жиҳодни фарз қилган исломий аҳкомларга ҳеч қандай эътибор бермаслигини кўрсатиб турибди. Эрдоган нафақат ушбу фарзни адо этмаяпти, балки у яҳудийлар давлати билан алоқаларни илгари кузатилмаган даражада яхшилашга уринмоқда. Бунга эса Туркия «Исроил»га муҳтож, деган нарсани баҳона қиляпти!!! Қандай қилиб, майдон, бойлик, инсоний ва ҳарбий имконият ва географик жойлашувга ҳамда аксар аҳолиси қабул қилган исломий ақидага эга бўлган Туркиядек кучли давлат одамлар паноҳида яшайдиган яҳудийлар давлатига муҳтож бўлса?! Агар бу давлатга сунъий нафас олиш жиҳози уланмаганда, пайдо бўлган куниёқ тугаган бўларди. Агар минтақа ҳукмдорлари тил бириктиришмаганда, яҳудийлар давлати аслида пайдо бўлмаган бўларди!!!

Роя газетасининг 2016 йил 6 январ чоршанба кунги 59-сонидан