Роя газетаси:

Жанглар жаҳаннамидан болалар савдоси жиноятчилари жаҳаннамига

Европол: Ўн минг қочқин бола Европада йўқолган

Ўтган якшанба куни Европа полиция хизмати (Европол) ота-онасиз Европага ҳижрат қилган ўн мингдан ошиқ болаларнинг сўнгги икки йил мобайнида ғойиб бўлганини билдирди. Европол уларнинг одам савдоси билан шуғулланувчи жиноятчилар қўлига тушиб қолиб, жинсий эксплуатация ва қулдорлик қурбони бўлишларидан ўз хавотирларини изҳор қилди.

«Европол» раҳбари Брайан Дональд Британияда чиқадиган «Observer» газетасига берган интервьюсида бу рақамлар Европага етиб бориб, давлат органлари томонидан қайд этилганларидан сўнг йўқолиб қолган болалар рақамларидир, деди. Унинг изоҳлашича, биргина Италиянинг ўзида беш минг бола йўқолган. 2015 йил октябрда Швеция ҳукумати органлари ҳам Треллеборг шаҳрига етиб келган минг нафар атрофидаги боланинг йўқолганини таъкидлаган. Брайан Дональд мазкур газетага берган интервьюсида ўз оилалари ҳамроҳлигида келмаган қочқин болалардан айримларининг жинсий эксплуатация қурбони бўлганларига ишора қилувчи далиллар топилганини айтди. Қочқинларни эксплуатация қилиш жиноятига аралашган кўплаб шахслар ҳибсга олинганига, айниқса, сўнгги 18 ой мобайнида иммиграция билан боғлиқ жиноят тизими ривожланганига эътиборни қаратди. «Европол» хизмати икки тўданинг, яъни қочқинларни Европага контрабанда қилиш билан шуғулланувчи тўда билан жинсий эксплуатация ва қулдорлик мақсадида одам савдоси билан шуғулланувчи тўданинг йўллари ўзаро кесишаётганини кузатган. Европада Хавфсизлик ва Ҳамкорлик ташкилотидаги бир мулозим аёл бундай деб билдирди: «Бундай хатарга кўпроқ мана шу болалар дуч келган. Чунки улар ота-оналари назоратисиз кўчиб юришибди. Уларни оиласидагиларнинг ўзлари Европага жўнатиб, ўзлари ҳам уларнинг ортидан кейинроқ келиб қўшилиб олишни мақсад қилишган ёки оила аъзоларидан бирортаси билан қочишган». (Ал-Жазира нет).

Роя газетасининг 2016 йил 3 феврал чоршанба кунги 63-сонидан