Фаҳшнинг кенг тарқалиши ғарб ҳазорати меваларидан биридир
بسم الله الرحمن الرحيم
Хабар ва изоҳ
Фаҳшнинг кенг тарқалиши ғарб ҳазорати меваларидан биридир
Хабар: янги бир тадқиқотда айтилишича, Англия соғлиқни сақлаш миллий хизмати (NHS) штаб квартирасида 2017-2022 йиллар оралиғида ҳақоратомуз уят сўкишлардан тортиб зўрлашгача бўлган 35000дан ортиқ жинсий бузуқлик ёки жинсий зўравонликлар юз берган. (ВВС арабий).
Изоҳ: Қолган европа халқларига илҳом омили ҳисобланадиган Британия аҳволи шу. Ана шулар Ғарб ҳазорати меваларидир. Дарҳақиқат, динни давлатдан ажратиш ақидаси ғарб жамиятларини фаҳш, разолат, ҳаддан ташқари жинсий телбалик жамиятларига айлантирди.
2017-2022 йиллар оралиғида беш йил давом этган бу тадқиқот Британия соғлиқни сақлаш муассасаларида ўтказилган. Яъни, узлуксиз кузатув камералари билан тўлиқ жиҳозланган, доимо ишчи ходимлар билан гавжум ва хавфсизлик қўриқчилари мавжуд муассасаларда ўтказилган. Мана шу муассасаларда турли кўринишдаги 35000 жинсий тажовуз ҳолатлари қайд этилган. Улар тегажоқликдан тортиб зўрлашгача бўлган тажовузлар бўлиб, ишчи ходимлар томонидан беморларга нисбатан ёки аксинча рўй берган.
Энди тасаввур қилаверинг, бу жамиятнинг ўзида—кузатуви ҳам, камералари ҳам, назоратчиси ҳам бўлмаган компания, офис, хусусий корхона ва муассасаларда нималар содир бўлаётган экан-а! Ушбу рақамлар ўнлаб баравар ошиб кетишига ҳеч қандай шубҳа қолмайди. Шунинг учун ҳар қандай киши, ғарб халқлари секс, фаҳш ва разолат ботқоғига шу қадар ботганки, унинг ифлосли чегарасини тасвирлаш иложи йўқ, деса асло муболаға қилмаган бўлади.
Ақлга сиғмас даражада молиялаштирилиб, оммавий ахборот воситалари ва сиёсий жиҳатдан дастакланаётган аномалия-бузуқлик кампаниялари ҳақидаку айтмаса ҳам бўлади. Улар шу даржадага етдики, ҳатто баъзи компаниялар жинсини ўзгартирмоқчи бўлаётганларга операция сарф-харажатларини тўлиқ бўйнига олиб «хайрия» ҳам қилмоқда!
Қизиқ, ҳар қандай фазилат ва ахлоқдан айрилиб бўлган Британия ва Америка бошчилиқ бу давлатлар ўз цивилизацияси билан мақтаниб, бутун дунёни, хусусан мусулмонларни танқид қилиб, уларга ахлоқий, фикрий ва ҳазорий жиҳатдан қолоқ жамиятлар, деган тамғани ёпиштирмоқда. Ўзининг разолат ва фисқ- фасодларини юртларимизга, эркинликлар, аёллар ҳуқуқи, болаларни асраш, гендер тенглик, билимсизлик ва қолоқликка қарши кураш ва шунга ўхшаш турли хил алдов ва адаштириш номлари орқали кўчиришга уринмоқда.
Мусибат шундаки, мусулмонлар устидаги ҳокимлар шу мустамлакачилар қўлида қурол бўлиб қолишмоқда. Улар—мактаб, университет таълим программаларида бўлсин ёки сақофий программаларда бўлсин—ҳар қандай ғарб фикрий ифлосликларига эшикларни ланг очиб қўйишмоқда. Ҳатто конституциялар ҳам аслида Ғарб мустамлакачилари томонидан тузиб берилмоқда. Бу конституциялар янгиланиб турган сиёсатларга мос келиши учун вақти-вақти билан ўзгартишлар киритишдан омон қолмаяпди. Бундан мақсад — разолат, фаҳш, бузуқлини тарғиб қилиб, бу ифлосликларни биз мусулмонларга қонун орқали мунтазам ва манҳажий равишда сингдиришдир.
«Мустамлакачилик шайтонга ўхшайди, у юртларимизда ўзига ибодат қилинишидан умидини узган бўлса-да, лекин у бундан бошқа барча нарсада ўзига тобе бўлинишига розидир» деб айтган киши рост сўзлаган эди! Демак, мустамлакачилар ва улар манфаатига хизмат қилаётган ҳокимларимизга тобе бўлиш фаҳш ва разолат ҳазоратига мутеъ бўлиб, шайтон изидан қадамма-қадам эргашиш, демакдир. Бу эса фасод ва жамиятларимизни издан чиқаришнинг айни ўзидир. Зеро, воқелик ғарб жамиятларининг нақадар бузилиб бўлганидан гувоҳлик бермоқда. Ҳисобот, тадқиқот ва рақамлар ғарб цивилизацияси фақат вайронкорлик, фасод ва жамиятлар бузилиши сари етаклашини кўрсатиб турибди. Аллоҳ Таоло Нур сурасида бундай деди:
﴿يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنكَرِ﴾.
“Эй мўминлар, шайтоннинг изидан эргашманглар! Ким шайтоннинг изидан эргашса, бас, албатта (шайтон) бузуғлик ва ёмонликка буюрур.”. [Нур — 21]
Шайтон изидан эргашмасликнинг бир ўзи етарли эмас. Балки, Ҳақ динга, Аллоҳнинг Пайғамбари ﷺ тутган йўлга эргашмоқ ҳам албатта зарур. Ана шундагина мусулмон халқимиз ғарб фикрий, сақофий ва ҳатто моддий ҳужумларидан омонда бўладилар. Уммат душманларига динимиз ва жамиятларимиз билан ўйнашишларига йўл қўймайдиган ягона сиёсий давлат ва сиёсий бошқарувимиз бўлмас экан, жамиятларимизни ҳимоя қилишнинг асло имкони йўқ бўлиб қолаверади. Биз мусулмонлар учун Исломий ақида ва ундан келиб чиқадиган аҳкомлар асосидаги битта дастур(конуституция)миз бўлиши албатта зарур. Зеро, мустамлакачи ғарб шайтонлари шарридан фикрий ва моддий ҳимояланиш мана шу билангина амалга ошади.
Аллоҳ Таоло рум сурасида бундай деди:
﴿فَأَقِمْ وَجْهَكَ لِلدِّينِ الْقَيِّمِ مِن قَبْلِ أَن يَأْتِيَ يَوْمٌ لَّا مَرَدَّ لَهُ مِنَ اللهِ يَوْمَئِذٍ يَصَّدَّعُونَ﴾
“Бас, сиз Аллоҳ томонидан, қайтарилмайдиган кун (яъни қиёмат) келмай туриб ўзингизни доимо рост динда тутинг! Ўша кунда (мўминлар билан кофирлар) бўлинурлар”. [Рум – 43]
Доктор Фараж Мамдуҳ
