بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Фаластин режими душман олдида қўрқоқлик қилиб тақволи инсонларни жиноятчига чиқармоқда

2017 йил 21 феврал сешанба куни Фаластин режими Ҳизб ут-Таҳрирнинг Фаластиндаги матбуот бўлими аъзоси доктор Моҳир Жаъбарийнинг ҳибс муддатини етти кунга узайтирди. Эртасига сешанба куни Ҳизбнинг тўрт аъзосининг ҳибс муддатини тўрт кунга узайтирди. Ҳизбнинг яна тўрт нафар аъзоси Байт Лаҳм маҳкамаси ишни кўришдан бош тортиб уларнинг ҳибс муддатини узайтиришга рози бўлмаганига қарамасдан, шунингдек, Ариҳа маҳкамаси чиқарган ўн беш кун ҳибсда сақлаб туриш қарори ниҳоясига етганига қарамасдан ноқонуний равишда Байт Лаҳмда ҳибсда қолмоқда.

Бу эзгулик даъватини етказаётган тақволи инсонларни – биз уларни шундай баҳолаймиз ва Аллоҳга ҳеч кимни гуноҳдан пок деб даъво қилмаймиз – режимнинг хавфсизлик хизмати 2017 йил 4 феврал шанба куни Халил шаҳрига кириш йўллари ва чорраҳаларда ўрнатилган постларда ҳибсга олган эди. Бу постлар Тамим оиласи билан Халил оқсоқоллари чақирган норозилик намойишида иштирок этиш учун кетаётган одамларни ўтказмаслик мақсадида ўрнатилган. Дарҳақиқат, айни намойиш, Фаластин режимининг таниқли саҳобий Тамим Дорий РАга вақф қилинган 72 донум келадиган ерни қаттол русларга кўрсатган хизматлари учун мукофот сифатида бериб юборганига қарши уюштирилган эди. Россия бу «хизмат»ларни аввал Афғонистонда, кейин Ўрта Осиёда, яқинда Сурия ва унинг Ҳалабида кўрсатди. Бундан ташқари, айни мустамлакачи давлат миссияси бу ерларни босқинчи яҳудийларга сотиши ёки фойдаланишга бериши ҳам мумкин.

Яҳудийлар давлатига юртнинг аксар қисмидан воз кечган, уларнинг Ақсо масжидига, Фаластин аҳлига, далалари ва ҳосилларига ҳужум қилиши олдида қўрқоқлик қилаётган мана шу Фаластин режимидир. Энди, Росулуллоҳ САВ томонидан таниқли саҳобий Тамим Дорий РАга вақф қилиб берилган 72 донум ерни Россияга бериб юборишга уринаётган, бундай шармандали қилмишига қарши Тамим оиласи, оқсоқоллар ва Ҳизб ут-Таҳрир йигитлари томонидан норозилик намойиши қилинишига йўл қўймаётган ҳам шу режимдир. Айни мақсадда постларда Ҳизб йигитларини ҳибсга олиб, қамоққа ташлаб, уларга «фитна чиқариш» ва «ноқонуний намойиш уюштириш» каби сохта айбловлар қўяётган ҳам мана шу Фаластин режимидир.

Ҳизб ут-Таҳрир-Фаластин ҳақ позициясини эгаллаш ва ҳақни очиқ айтиш билан танилган. Шундай экан, ўз қонунини ўзи, ўз раҳбари ва хавфсизлик хизмати билан бирга оёқ ости қилаётган бир режим бизни ҳаргиз тиз чўктиролмайди. Биз Фаластин аҳли дохил яхши инсонлар билан биргаликда сиёсий кураш олиб боришда ҳамда Тамим оиласининг ерларини қайта олиб берилиши учун ҳаракат қилишда, Ҳизб сафидаги биродарларимиз ва фаластинлик биродарларнинг ҳибсга олинишига қарши туришда… албатта давом этамиз, буни ҳаргиз тўхтатмаймиз. Бундай позициямизни режим ўз тажрибасида аллақачон синаб кўрган.

Агар Фаластин режимида заррача ҳаё бўлганда эди, даъватни етказувчи барча маҳбусларни дарҳол озод қилган ва бу билан ўзини Аллоҳнинг ғазабидан, бандаларининг ғазабидан ҳам қутқарган бўлар эди, бироқ…!!

Росулуллоҳ САВ бундай деганлар:

«إنَّ مِمَّا أدْرَكَ النَّاسُ مِنْ كَلامِ النُّبُوَّةِ الأُولَى: إذَا لَمْ تَسْتَحِ فَاصْنَعْ مَا شِئْتَ»

«Одамларга етиб келган пайғамбарларнинг илк сўзларидан бири: уялмасанг, хоҳлаганингни қилавер, деган сўздир».

Ҳизб ут-Таҳрирнинг муборак замин Фаластиндаги матбуот бўлими

Телефон: 0598819100

Электрон почта: info@pal-tahrir.info

Фаластиндаги матбуот бўлими сайти: www.pal-tahrir.info