بِسْمِ اللَّـهِ الرَّحْمَـٰنِ الرَّحِيمِ

Франция президентлиги учун сайловларда Эммануэль Макрон ғалабаси

Хабар:

07.05.2017 да Франция Республикаси президентлигига ультра ўнг номзод Мартин Ле Пен устидан ғалаба қозонган мўътадил номзод Эммануэль Макрон сайланди. У «IFOP» ва  «Harris Interactive» институтлари томонидан ўтказилган сўров натижаларига кўра 65,5% дан 66,1% гача овоз тўплаган.

Шундай қилиб, 39 ёшли Макрон “Миллий Фронт” нинг 48 ёшли рақибасидан ўзиб кетиб, Франция тарихидаги энг ёш президент бўлди.

Изоҳ: Айрим кимсалар Макрон ғалабасидан орзуларга берилдилар, айниқса мусулмонларга нисбатан адолат қилинишини кутмоқдалар. Улар Макрон ғалабасидан ва унинг рақибаси Марин Ле Пеннинг мағлубиятидан қувонмоқдалар, гўёки унинг ғалабаси – бу Ислом ва мусулмонлар ғалабасидек. Улар Ғарб давлатлари сиёсатини сиёсий институтлар белгилаб беришини, президент бўлса, у ҳар қанча нуфузли бўлмасин, сиёсий, иқтисодий, ҳарбий ҳамда хавфсизлик соҳаларида президент қарорларига таъсир кўрсатадиганларга мурожаат қилмай туриб шахсий суратда қарорлар қабул қила олмаслигини унутиб қўймоқдалар. Макрон ғалабасидан қувонаётганлар ғарб давлатлари учун уларнинг миллий манфаатлари барча нарсадан устун туришини унутмоқдалар, бу манфаатлар келгусидаги ҳаракатларни – улар қанчалик разил бўлмасин – белгилаб беради.

Масалан, Трамп сайловолди компанияларида қайноқ ва баҳсли баёнотлар берди ҳамда оғир қарорлар қабул қилиб, ўз ваъдаларини бажаришга ҳаракат қилди. Лекин бунга қарамай, унинг қарорлари суд томонидан бекор қилинди. Бу Америка манфаатлари Трамп ёки бошқа сиёсатчининг қайсарликлари ва фантазияларидан муҳимроқ бўлгани учун содир бўлди. Худди шунингдек, Франция манфаатлари президент кўз қарашларидан устун туради. Ғарб давлатларининг маданияти, конституциялари ва қонунларининг ҳеч нарсага арзимаслигига қарамай, инсонлар бундан кўп нарсаларга лойиқдирлар, ҳарқалай улар ўша демократиялари сохталигича қолаётган малай ҳукуматлардан фарқли ўлароқ меҳнат қилмоқдалар.

Ҳизб ут–Таҳрирнинг Марказий ахборот офиси учун махсус

Аҳмад Абу Қаддум

12 Шаъбон 1438 ҳ.й.

09.05.2017 й.