بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Гулшан кафесидаги ҳужум: Ҳизб ут-Таҳрир одамларни Ислом ва сиёсий исломий фаолиятни бузиб кўрсатиш мақсадидаги режалаштирилган кампанияга қарши туришга чақиради

Ҳизб ут-Таҳрир-Бенгал вилояти 30га яқин кишининг умрига зомин бўлган жинояткорлик ҳужумини кескин қоралайди. Ислом бу турдаги бебошларча қотилликка асло рухсат бермайди. Зеро, Аллоҳ Субҳанаҳу ва Таоло айтади:

مِنْ أَجْلِ ذَٰلِكَ كَتَبْنَا عَلَىٰ بَنِي إِسْرَائِيلَ أَنَّهُ مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا

«Шу сабабли Бану Исроил зиммасига (шундай фармонни) ёзиб қўйдик: кимки ҳеч бир жонни ўлдирмаган ва ерда бузғунчилик қилиб юрмаган одамни ўлдирса, демак, гўё барча одамларни ўлдирибди ва кимки унга ҳаёт ато этса (яъни ўлдиришдан бош тортса), демак, гўё барча одамларга ҳаёт берибди»    [Моида 32]

Бу ҳужум, аслида, Исломга қарши режалаштирилган кампаниянинг бир қисмидир. Бунга шу кунларда содир этилаётган сирли суиқасд амалиётларини ҳам қўшимча қилиш мумкин. Булардан кўзланган мақсад аниқ бўлиб, у Исломни бузиб кўрсатиш ва ушбу юртда Пайғамбарлик минҳожи асосидаги рошид Халифалик давлатини барпо этиш учун қилинаётган холис исломий сиёсий фаолиятни бадном қилишдир. Чунки Ислом душманлари – АҚШ ва унинг илмоний иттифоқчилари – юртимизда яқин орада Пайғамбарлик минҳожи асосидаги рошид Халифалик давлати тонги отишидан қўрқишмоқда. Америка ва унинг иттифоқчиларини – бу юртда «Исломий Давлат» ташкилоти бўлими бор, бир ойдан бери давом этаётган ҳужумлар ва яширин суиқасдлар ортида шу ташкилот турибди, деб даъво қилишга ундаган сабаб ҳам мана шудир. Улар бу билан Исломни ва унинг аҳкомларини зўравонликка боғлашмоқчи.

Ислом душманлари мана шундай режалаштирилган кампания орқали, жамоатчилик фикрида Ислом билан бошқаришга ҳамда рошид Халифаликни барпо этиш учун қилинаётган ҳаракатга нисбатан салбий тасаввур пайдо қилишни хоҳлайди. Улар жамиятда ваҳима пайдо қилишни, одамларни сиёсий исломий фаолиятдан нафратлантириш учун улар орасида қўрқув пайдо қилишни исташмоқда. Ўзлари ва малай режимлари учун «рухсатнома»га эга бўлиш ҳам уларнинг истагидир. Бу билан оммавий ахборот воситаларида олиб борилаётган Исломга қарши урушни ҳамда Исломга амал қилувчиларга қарши репрессияларни оқлашмоқчи. Исломий даъват олдига тўсиқ қўйиш ва Исломий фаолиятни оғир, суст ишга айлантириш уларнинг мақсадидир. Шунингдек, бу ҳужумлар АҚШ ва унинг иттифоқчиларининг юртимиз ишларига аралашишига, қуролли кучларимиз, разведка ва хавфсизлик хизматларимиз сафига ўз жосусларини киритиб, шу орқали исломий даъватга қарши курашишларига қулайлик яратади. Айнан шу сабабдан АҚШ ва унинг иттифоқчилари ҳар бир ҳужум ортидан биздаги ички ишлар вазирлиги масъуллари, давлат бошқаруви раҳбарлари ва хавфсизлик мулозимлари билан учрашув ўтказмоқда. Улар шу орқали малай режимнинг «терроризмга қарши кураш» ва хавфсизлик ҳамкорлиги каби масалаларда янада кўпроқ ён беришини кўзлашмоқда. Бу ишлар дунёнинг ҳар бир жойида биз гувоҳ бўлаётган, олдиндан режалаштирилган битта йўналиш сари, яъни хавфсизлик хизмати ходимларининг очиқ-ошкор изғиб юриши, уларга чексиз ҳуқуқ берилиши, уларнинг яширину ошкора агентлари юртда беқарор вазиятларни келтириб чиқаришлари сари кетмоқда.

Эй мусулмонлар, эй холис, онгли, муфаккирлар!

Салибчи Америка ва унинг иттифоқчилари динингизга жиддий зиён етказиш учун хавфли кампания олиб боришмоқда. Биз – тоифачилик оловини ёқиш орқали Ироқни қандай вайрон қилишганига гувоҳ бўлдик. Покистонда қандай қилиб беқарорлик келтириб чиқарилаётганини, покиза қонлар оқизилаётганини кузатиб турибмиз. Сурияда «Исломий Давлат» ташкилотини баҳона қилиб, қонхўр Башар Асадни қандай қўллаб-қувватлаётганини, қўзғолончиларни Пайғамбарлик минҳожи асосидаги рошид Халифалик давлатини барпо қилишни талаб қилганлари учун қатли ом қилаётганини кўриб турибмиз. Сурия халқи Башарни ағдариш ва ўрнига рошид Халифаликни барпо этиш учун бирлашган пайтда, анави «Исломий Давлат» пайдо бўлиб, ўзини шариатга мутлақо тўғри келмайдиган «Халифалик давлати», деб эълон қилди. Яъни, у Росулуллоҳ САВ барпо бўлиши тўғрисида башорат берган ҳақиқий Халифалик тўғрисида ёмон тасаввур пайдо қилиш учун тайёр қўғирчоқ бўлиб хизмат қилмоқда.

Ҳасина режими динингизга ва юртингизга қарши амалга оширилган бундай илмоний тил бириктирувга қарши курашмайди, албатта. Чунки унинг ўзи ҳам ғайриисломий ва илмоний режим бўлгани боис, айни илмонийлик ноғорасига ўйнашни афзал кўради, бу манфур ҳодисалардан Исломга қарши курашиш учун фойдаланади. Шайха Ҳасина 2016 йил 2 июл кунидаги маърузасида Гулшан кафесидаги ҳужумга айбдор сифатида Исломга ҳамда унинг таъбири билан айтганда «миялари дин билан заҳарланган ёшлар»га ишора қилди. У юрт дуч келаётган хавфга нисбатан қандай муносабатда бўлиш хусусида мубҳам-тушунарсиз умумий гапларни гапирди. Шундай экан, у қандай қилиб илмоний кучлар ва уларнинг фитналарига қарши курашда «терроризмга халқ даражасида қарши кураш қўмиталари»ни тузиши мумкин? Шайха Ҳасинанинг бугунги вазият ва унга нисбатан қандай муносабатда бўлиш хусусида мубҳам тушунарсиз гапларни гапираётганига сабаб, у ва унинг режими АҚШ ва унинг иттифоқчиларига малай бўлганидир. У ва унинг режими илмонийлик ва унинг режаларини фош этишга жуда қўрқоқлик қилади, заифлик қилади. «Экстремизм»га қарши кураш баҳонасида Ислом ва мусулмонларни айблаб, уларга қарши курашишининг сабаби ҳам шу.

Илмонийликка қарши курашнинг ягона йўли, унинг режаларини очиб ташлаш ва рад этишдир. Чунки илмонийлар сиз мусулмонлардан Исломга қарши бўҳтон уюштириш кампаниясини олиб бориш билан ундан юз ўгиришингизни исташмоқда. Шунинг учун сиз бор кучингиз билан Исломни ва Пайғамбарлик минҳожи асосидаги Халифаликни қайта барпо этишни талаб қилмоғингиз лозим. Чунки Халифаликни юртингизда барпо қилиш орқали Ислом ва мусулмонларга қарши тил бириктираётганлардан қутуласиз, беқарорлик ва қотилликларга барҳам берасиз.

Пайғамбарлик минҳожи асосидаги рошид Халифалик террорчи давлат эмас. У инсонлар давлатидир, мусулмону мусулмон бўлмаган инсонлар ишларини ғамхўрлик билан бошқаради. У инсонларга зулм қилмайдиган, ҳаётларини жаҳаннамга айлантирмайдиган, уларни темиру олов билан, таҳдид ва террор билан бошқармайдиган давлатдир. У инсонларга машаққат туғдирмайди, аксинча, улар розилик ва ихтиёран бошқарилишлари учун уларни ўзига мойил қилади. Зотан, Пайғамбарлик минҳожи асосидаги Халифалик билан Ислом адолати ер юзига ёйилади ва бутун башариятни раҳмат қамраб олади.

وَمَا أَرْسَلْنَاكَ إِلَّا رَحْمَةً لِّلْعَالَمِينَ

«Дарҳақиқат, Биз сизни барча оламларга фақат раҳмат қилиб юбордик»    [Анбиё 107]

Ҳизб ут-Таҳрирнинг

Бангладешдаги матбуот бўлими

Телефон: +880 1713008822

Факс: +880 29558854

Электрон почта: Этот адрес электронной почты защищен от спам-ботов. У вас должен быть включен JavaScript для просмотра.">Info@khilafat.org

Адрес: H. M. Siddque Mansion, 55/A Purana Paltan,

4th Floor (Next to Grand Azad Hotel), Dhaka 1000