بِسْمِ اللهِ الرَّحْمٰنِ الرَّحِيم 

Роя газетаси:

Халқаро Валюта Фонди Кўрфаз давлатларидан дефицитни камайтириш учун қўшимча чораларни талаб қилмоқда

Халқаро Валюта Фонди Ўрта Шарқдаги ва Шимолий Африкадаги нефт ишлаб чиқарувчи давлатларнинг қабул қилган тежамкорлик чора-тадбирларини олқишлаб, улардан нефт нархи тушиб кетган бир пайтда, ўз бюджет камомадларини камайтириш учун қўшимча қадамлар ташлашни талаб қилди.

Халқаро Валюта Фондига кўра, Кўрфаз ҳамкорлик давлатлари «молиявий қўллаб-қувватлов чора-тадбирларини зўр иштиёқ билан» татбиқ қилишга киришди, бироқ бир неча давлатлар бюджетларида – нефт нархининг мана шундай пасайиши шароитида – кучли дефицит қайд этилади. Бу айни нархларнинг пасайиш даражасини камайтиришга оид Халқаро Валюта Фонди томонидан яқинда чоп этилган ҳисоботда айтилди.

Ҳисоботга кўра, Форс кўрфази давлатларининг молиявий барқарорлигини сақлаб қолиш йўлида дефицитни пасайтириш учун қўшимча куч сарфлаш талаб қилинади. Маълумки, бу давлатларнинг асосий молиявий даромади нефт экспорт қилишга асосланган. (ал-Арабия 21).

Роя газетаси шарҳи:

Халқаро Валюта Фонди мустамлакачи давлатларнинг, хусусан, улар орасида энг қўли баланд Американинг қуролларидан биридир. У қайси юртга кирмасин, ўзининг  ҳалокатли «насиҳатлари» билан албатта бу юртни хонавайрон қилади. Бироқ шунга қарамай, исломий юртлар ҳукмдорлари Ғарб давлатлари, уларнинг ташкилотлари ва қуролларига қарам бўлишдан воз кечишмаяпти. Ўз халқларига хоинлик қилиб, юрту фуқарони хароб қилса ҳам, хўжайинлари сиёсатларини ижро этувчи малайларнинг аҳволи мана шу.

Шунинг учун бу ҳукмдорлар кўплаб товарлардан қўлловни олиб ташлаш, бошқа товарларга солиқлар солиш, булардан ташқари, бюджетдаги дефицитни камайтириш ниқоби остида бошқа чора-тадбирлар кўриш устида бир-бирлари билан мусобақалашишди, бундай сиёсатларнинг одамлар аҳволига салбий таъсир қилишига парво ҳам қилишмади.

Ғарблик сиёсатчиларнинг исломий юртларда қўллаётган сиёсати мана шу. Бу сиёсат ортида мусулмонларга бирор яхшилик борми?!

Роя газетасининг 2016 йил 15 июн чоршанба кунги 82-сонидан