Халифалик конференцияси юзлаб иштирокчиларни ва онлайнда минглаб одамларни жалб қилиш билан муваффақиятли ўтди
Матбуот баёноти
Халифалик конференцияси юзлаб иштирокчиларни ва онлайнда минглаб одамларни жалб қилиш билан муваффақиятли ўтди
«Дунё икки йўл кесилишида: идеологик кризис ва олдинга йўл» номли конференциямизда юзлаб инсон шахсан қатнашди. 2025 йил 5 апрелда Америкада ўтказилган ушбу йиллик Халифалик конференцияси Ғарбнинг адолат, эркинлик, инсон ҳуқуқлари деган даъволарида ортиб бораётган қарама-қаршиликларга қарши курашди. Лос-Анжелесда ўтказилган ушбу тадбир сунъий йўлдош орқали кенг ёйилиб, уни бутун дунёдан минглаб инсон жонли эфирда кўрди.
Конференцияда муфаккир етакчилар ва мутахассислар қатнашди. Улар эркинлик тушунчасига Ғарбнинг фақатгина сараланган ҳолда амал қилаётганини ҳамда сиёсат ва жамиятда илоҳий кўрсатмаларнинг йўқлиги қандай оқибатларга олиб келганини муҳокама қилдилар. Йиғилганлар Исломни Умматни бирлаштирадиган ва шаънини кўтарадиган кенг қамровли ҳаёт йўли сифатида қайтаришга чақирувчи таъсирли докладларни тингладилар.
Конференцияни устоз Харис Абу Нурайн ўзининг «Ниқобларнинг қулаши: Ғарб қадриятлари деган даъвонинг зиддиятлари» номли маърузаси билан очиб берди. Устоз Ғарбнинг цензурани, уруш ва репрессия жиноятларини яширишда демократия шиорларидан фойдаланаётганини очиб берди. Шунингдек, сионист нарративларини ҳимоя қилиш учун олиб борилаётган ахборот манипуляцияси ва ижтимоий тармоқлардаги блокировкаларни, бир вақтда, Ғазода журналистлар ўлдирилаётганини, Америкада талабалар сионистлар жиноятларини танқид қилганлари учун «қонун ҳимоячилари» томонидан қамоққа олинаётгани ва ўғирлаб кетилаётганини ёритди.
Кейин доктор Абдуррофе нутқ сўзлаб, қамал остидаги Ғазода соғлиқни сақлаш ҳақида гапирди. Ўзининг Ғазодаги ярадорларни даволаш тажрибасига таянган ҳолда, қамал остида соғлиқни сақлаш инфратузилмаси бутунлай вайрон бўлганини, болалар оёқ ёки қўллари наркозсиз кесилишига чидашга мажбур бўлишганини ҳикоя қилиб берди. Бу изтироблар тасодифий эмаслигини, балки ташқи кучлар томонидан қўллаб-қувватланган сиёсат ва қасддан қамал оқибати эканини тушунтирди.
Конференция сўнггида доктор Муҳаммад Абдуллоҳ ўзининг «Америкадаги мусулмонлар: олдинга қандай интилишимиз керак?» номли маърузасини ўқиб эшиттирди. Унда мусулмонларни давлат партиялари сиёсати ва чегаралардан юқори кўтарилиб (устун бўлиб) ўзларининг мусулмонлик хусусиятларига қайтишга тарғиб қилди. Уларни абгор инсоний қадриятларни рад этишга ҳамда барча учун адолат ўрнатадиган ва мусулмонларни бир байроқ остида бирлаштирадиган тузумга, яъни Аллоҳ нозил қилган тузумга қайтишга даъват қилди.
Дарҳақиқат, конференция Америкадан анча узоқларга, Ғарб ва бутун дунёдаги мусулмонларга етиб борди ва уларга – бизнинг қандай замонда яшаётганимизни англаб етинг, сукут вақти тугади, Уммат ўзини тартибга солмоғи, очиқ гапирмоғи, қатъий ҳаракатга келмоғи шарт, деди. Аллоҳ Субҳанаҳунинг ушбу каломини эслатди:
﴿يَٰٓأَيُّهَا ٱلَّذِينَ ءَامَنُواْ كُونُواْ قَوَّٰمِينَ بِٱلۡقِسۡطِ شُهَدَآءَ لِلَّهِ وَلَوۡ عَلَىٰٓ أَنفُسِكُمۡ أَوِ ٱلۡوَٰلِدَيۡنِ وَٱلۡأَقۡرَبِينَ﴾
«Эй мўминлар, адолат билан турувчи ҳамда ўзингизнинг ёки ота-она ва қариндош-уруғингизнинг зарарига бўлса-да, Аллоҳ учун тўғри гувоҳлик бергувчи бўлинг!» [Нисо 135]
Конференцияда давримизнинг асосий муаммоси ечимнинг йўқлиги эмас, балки ҳақиқат-Исломнинг рад этилаётгани экани, зиммамиздаги фарз ушбу ҳақиқатни илгари суриб, у билан Умматни уйғотиш ва Исломни бутун оламга етказишдан иборатлиги таъкидланди.
﴿كُنتُمۡ خَيۡرَ أُمَّةٍ أُخۡرِجَتۡ لِلنَّاسِ تَأۡمُرُونَ بِٱلۡمَعۡرُوفِ وَتَنۡهَوۡنَ عَنِ ٱلۡمُنكَرِ وَتُؤۡمِنُونَ بِٱللَّهِ﴾
«Сизлар инсонлар учун чиқарилган энг яхши Уммат бўлдингиз, маъруфга буюрасиз, мункардан қайтарасиз, Аллоҳга имон келтирасиз» [Оли Имрон 110]
Ҳизб ут-Таҳрирнинг Америкадаги матбуот бўлими
