بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Ҳизб ут-Таҳрир марказий матбуот бўлими аёллар қаноти

«Халифалик ва таълим: олтин асрни қайтариш» номли халқаро кампания бошлайди

2017 йил 16 февралда Ҳизб ут-Таҳрир марказий матбуот бўлими аёллар қисми «Халифалик ва таълим: олтин асрни қайтариш» номли халқаро кампания бошлайди. Аллоҳнинг изни ила, бу кампания 11 март куни Индонезиянинг Жакарта шаҳрида бўлиб ўтадиган муҳим халқаро конференция билан ниҳоя топади. Конференцияда дунёнинг турли давлатларидан маърузачи аёллар иштирок этади.

Бугун исломий дунё кенг миқёсда таълим кризисини бошдан кечирмоқда. Бу кризис мактаблар, университетлар, факултетлар ва бошқа таълим даргоҳлари савиясининг пасайишида кўзга яққол ташланиб турибди. Шунингдек, минтақада саводсизликнинг юқорилиги, таълимнинг ёмонлиги, ўқитувчилар ойлигининг пастлиги ва самарасиз ўқитиш услубларидан фойдаланиш кузатилмоқда. Кенг қамровли исломий маърифатга эришиш эса, жуда қийин бўлиб қолди. Зеро, диний таълим учун талабаларга стипендиялар берилиши чекланган-назоратга олинган бўлиб, турли хил соҳа ва тадқиқот ишларига имкониятлар яратилмаган. Бундан ташқари ўқувчиларнинг ота-оналари иқтисодий етишовчиликлари сабабли фарзандларини олий маълумотли қилиб етиштиришга муваффақ бўлолмаяптилар… Буларнинг барчаси Ислом Уммати авлодининг таълим олишга бўлган интилишларини вайрон қилди, кўплаб қобилиятли шахсларимизнинг Ғарбга кўчиб кетишларига олиб келди, бутун исломий юртлардаги тараққиёт ва ривожланишни издан чиқарди. Ушбу таълим кризиси ортидаги сабаб Халифалик ағдарилиши ортидан тўқсон йилдан зиёд вақтдан бери исломий юртларимизда мустамлакачилар таълими тизимининг зўрлаб тиқиштириб келинаётганидир. Бу таълим тизимидан Умматнинг маърифий интилишларини қондириш, жамиятдаги илмий савияни кўтариш ҳамда мусулмонлар юртларидаги тараққиётни ривожлантириш кўзланган эмас. Балки, у – мусулмонлар авлоди зеҳниятига илмоний либерал маърифатни сингдириш учун мустамлакачилар томонидан ишга солинмоқда, бир вақтнинг ўзида, Ислом тушунчаларини чеклаш ва илмонийлаштириш йўлида ишлатилмоқда. Бундан минтақада кўплаб мустамлакачилик мақсадларини рўёбга чиқариш учун мусулмон ёшлар онгини бузишни ва Ғарб маърифати билан банд қилишни кўзлашган.

Бундан ташқари, Ғарб томонидан қўллаб-қувватлаб келинаётган илмоний ҳукуматлар бундай реакцион таълим тизимини йиллар давомида татбиқ қилиб, «таълимни ривожлантириш», деган сохта шиорлар остида кўплаб илмоний ислоҳотларни ўтказиб келишди. Бу таълим дастурлари мусулмон халқлардаги таълимга бўлган эҳтиёжни қондиришга хизмат қиладиган ёки юртларимиз тараққиётига ҳисса қўшадиган холис мустақил назариядан мутлақо холи. Сўнгги йиллар мобайнида Ислом дунёсидаги таълим тизимини илмонийлаштиришга қаратилган айни режа бир неча баробар кучайтирилди. Шу билан бир қаторда, капиталистик омадсиз коррупцион режимлар ва уларнинг сиёсатлари ҳамда аниқ-тиниқ кўзқарашнинг йўқлиги таълим соҳасидаги ёмон бошқарувни келтириб чиқариб, таълим соҳаси учун жуда ҳам кам миқдорда маблағ ётқизилишига сабаб бўлди. Буларнинг барчаси таълим соҳасидаги лоқайдликка, омадсизликка олиб келди ва ниҳоят, таълим кризисини мураккаблаштириб юборди.

Юртларимиз Халифалик давлатидаги исломий бошқарув соясида бутун дунё учун таълим маркази бўлган. Халифалик Ислом белгилаб берган тарзда билим олиш ва маърифат тарқатишга катта аҳамият қаратиб, қўллаб-қувватлаб келган. Ўша пайтдаги таълим муассасаларининг илмий устунлиги дунёдаги турли академик ва муфаккирларни ўзига жалб қилиб, минглаб талабаларни юқори даражали билим билан таъминлаган ва жуда кўп тадқиқотчи олимларни етиштириб чиқарган эди. Шунингдек, ютуқ ва кашфиётлар асрига асос солиб, оламда энг биринчи йирик қудратга айланган буюк ҳазоратни пайдо қилган эди… Шунинг учун ҳам биз ҳақ ва адолат давлати бўлган Ислом Халифалигини қайта барпо этиш учун тинимсиз ҳаракат қилмоғимиз даркор. Токи, ушбу Халифалик нафақат исломий юртларимизни, балки исломий юртларимизга қўшни бўлган юртларга ҳам яна эзгулик зиёсини таратсин.

Биз ушбу кампаниямиз ва унинг охирида ўтказадиган конференциямиз орқали бутун дунё мусулмонларини Пайғамбарлик минҳожи асосидаги Халифалик давлатини барпо этишга ва таълим соҳасидаги олтин асрни тезроқ қайтаришга даъват қиламиз. Шунингдек, таълим сиёсати учун Халифалик давлати қабул қиладиган қарашни ҳамда юқори даражали таълим тизимини яратишга қодир эканини ёритиб берамиз. Бу тизим барчага намуна бўладиган мумтоз исломий шахсияни ўзида гавдалантирувчи мусулмон ёшларни етиштириб чиқаради, албатта. Натижада баб-баравар эркагу аёлларнинг илмий интилишлари рўёбга чиқиб, қайтадан илм-фан соҳасидаги олтин аср бошланади, кашфиёт, ютуқ, ва саноат тараққиёти соҳаларида бутун дунёга етакчилик қилишга қодир ажойиб ҳазорат дунёга келади.

Кампания ва конференциямизда кофир Ғарб томонидан бугун исломий юртлардаги таълимни илмонийлаштириш учун кенг кўламда ҳаракат олиб борилаётганини ҳамда минтақадаги таълим кризисининг келиб чиқиш сабабларини ҳам баён қилиб ўтамиз. Шу билан бирга, мусулмон ёшларга бугунги Халифалик давлати йўқ пайтида исломий таълим-тарбия олишлари учун кўрсатмалар тақдим этилади.

Кампаниянинг бошланиши ҳақидаги эълонни кўриш учун: https://youtu.be/IOz4G979Mgw

Кампания ва конференция тадбирларини томоша қилиш учун: https://goo.gl/48dTS3

Фейсбук орқали кузатиб бориш: www.facebook.com/WomenandShariahA

Д. Насрин Навоз

Ҳизб ут-Таҳрирнинг марказий матбуот

бўлими аёллар қисми мудираси

телефон-факс: 00961 1 30 75 94

уяли телефон: 00961 71 72 40 43

электрон почта: ws-cmo@hizb-ut-tahrir.info