بِسْمِ اللهِ الرَّ حْمَنِ الرَّ حِيمِ

Роя газетаси:

Хавфсизлик Кенгашини ислоҳ этишга чақириш онгсизликми ёки адаштириш?!

«Турк пресс» сайтида ҳижрий 1440 йил 2 робиул-аввал, милодий 2018 йил 10 ноябр шанба куни қуйидаги хабар нашр қилинди:

«Туркиянинг БМТдаги доимий элчиси Феридун Синирлиўғли «янада шаффоф ва демократик» ташкилотга айланиши учун Халқаро Хавфсизлик Кенгашида ислоҳотлар ўтказиш»га чақирди.

Унинг бу чақириғи жума куни Хавфсизлик Кенгашининг очиқ баҳс-мунозара йиғинида янгради. «Халқаро тинчлик ва хавфсизликни сақлаш: БМТ ролини ҳамда кўп томонлама ҳамкорликни мустаҳкамлаш», дея номланган айни йиғин Хавфсизлик Кенгашининг жорий ойдаги фаолиятларига мутасаддилик қилаётган Хитой томонидан чақирилган эди.

Феридун буни БМТ низомининг янада фаоллашиши ва кучли бўлиши, етакчилиги ошиши мумкинлиги ҳамда ўзининг бирламчи вазифаларини қайта белгилаши зарурлиги билан изоҳлади. Сўнг «Биз аввало Халқаро Хавфсизлик Кенгашини ислоҳ қилишимиз лозим, ана шунда унинг шаффофлиги ҳам, демократиклиги ҳам, ваколати ва масъулияти ҳам янада ортади», дея қўшимча қилди. Унинг изоҳлашича, БМТ низоми урушлар ва кризисларга чек қўйишда бундан ҳам фаол бўлиши зарур.

Туркия Хавфсизлик Кенгашида ислоҳотлар ўтказиш зарурлигини доим таъкидлаб келади. Яқинда президент Ражаб Тоййиб Эрдоган БМТ таъсис этилганининг 73 йиллиги муносабати билан чиқарилган баёнотда ушбу халқаро ташкилотнинг ислоҳотга бўлган эҳтиёжининг кечиктириб бўлмас даражага келиб қолганини таъкидлади».

Роя газетаси шарҳи:

Халқаро ташкилотлар ва уларнинг қонунлари, аслида, Усмоний Халифалик давлатини йўқ қилиш учун тузилганини Туркия раҳбарлари унутишдими ёки ўзларини билмаганга солишяптими. Ахир, барча халқаро ташкилот ва муассасалар кофир Ғарб давлатларига, хусусан, АҚШга хизмат қилади-ку! АҚШ Халқаро меъёрларга ҳам, Хавфсизлик Кенгашига ҳам мурожаат қилиб ўтирмай, ҳар қандай қонунни бузиб кетаверади-ку! Илгари гувоҳ бўлдик. Америка Ироққа уруш қилиб, ўз нуфузини ўрнатиш ва у ердаги бойликларни ташиб кетиш мақсадида халқаро келишувни оёқ ости қилиб бўлса ҳам Ироқни босиб олди-ку! Шундай бўлгач, Хавфсизлик Кенгашини ислоҳ этишни талаб қилишнинг қандай мантиқи бор?! Мустамлакачи кофир давлатлар туғёнига якун ясаш инсон томонидан ўйлаб топилган бундай қонунларни йўқ қилиб, Пайғамбарлик минҳожи асосидаги Халифалик давлатини барпо этиш билан бўлади. Зеро, Халифалик давлати дин ва ирқларидан қатъий назар, барча инсонларни бахт-саодат билан таъминлайдиган Аллоҳнинг қонунини татбиқ қилиб, бутун дунёга адолат улашади.

Роя газетасининг 2018 йил 14 ноябр чоршанба кунги 208-сонидан